సనాతన హిందూ సేవా సమితి 2వ వార్షికోత్సవ వేడుకలు
చిత్రం న్యూస్, వరంగల్: సనాతన హిందూ సేవా సమితి 2వ వార్షికోత్సవాన్ని పురస్కరించుకుని 232వ సేవా కార్యక్రమాన్ని ఘనంగా నిర్వహించారు. ఈ సందర్భంగా వరంగల్ కరీమాబాద్ లోని గోశాలలో గోమాతలకు 100 కిలోలా దాణాను సమితి సభ్యులు అందజేశారు. సేవ అనే నినాదంతో గత రెండేళ్లుగా నిరంతర సేవా కార్యక్రమాలు చేస్తున్నామని నిర్వాహకులు తెలిపారు. ఈ కార్యక్రమంలో గ్రూప్ వ్యవస్థాపకుడు తాళ్లపల్లి నగేష్, అధ్యక్షుడు మిట్టపెల్లి వేణు, సలహాదారు అంచూరి వేణుగోపాల్, సభ్యులు గంగిడి ధర్మారెడ్డి, బండారి సంపత్, ఆకుతోట కిరణ్, విరాటి ప్రకాష్ రెడ్డి తదితరులు పాల్గొన్నారు.
