బోథ్ సివిల్ కోర్టు జడ్జిగా న్యాయమూర్తి కుంభ సందీప్ కుమార్

చిత్రం న్యూస్, బోథ్ : బోథ్ జూనియర్ సివిల్ కోర్టు జడ్జిగా న్యాయమూర్తి కుంభ సందీప్ కుమార్ గురువారం బాధ్యతలు స్వీకరించారు. నూతనంగా బాధ్యతలు స్వీకరించిన న్యాయమూర్తి కుంభ సందీప్ కుమార్ కు న్యాయవాదులు ఘనంగా స్వాగతం పలికారు. అనంతరం బోథ్ బార్ అసోసియేషన్ కార్యవర్గ సభ్యులు, బోథ్ జూనియర్ సివిల్ కోర్టు అసిస్టెంట్ గవర్నమెంట్ ప్లీడర్ పంద్రం శంకర్ శాలువాతో సత్కరించారు.ఈ కార్యక్రమంలో బార్ అసోసియేషన్ అధ్యక్షులు వామన్ రావ్ దేశ్ పాండే, పీ పీ శ్రీధర్, ఏజీపీ పంద్రం శంకర్, ఉపాధ్యక్షులు దమ్మపాల్ అంగద్, ఆడెపు హరీష్, రూపేందర్ సింగ్, కుమ్మరి విజయ్ కుమార్, రాజు పాల్గొన్నారు

వాగులో  వ్యక్తి గల్లంతు..కాపాడిన అధికారులు, గ్రామస్తులు

చిత్రం న్యూస్ నేరడిగొండ:  వాగులో చిక్కుకున్న వ్యక్తి గంట పాటు ఏకధాటిగా కురిసిన వర్షానికి కుప్టి, కుమారి మధ్యలో గల చిన్న వాగుపై భారీగా వరద నీరు రావడంతో బైక్ పై వెళ్తున్న వ్యక్తి వాగులో కొట్టుకుపోయాడు. పొదల్లో  ఇరుక్కున్న వ్యక్తిని గమనించిన ప్రజలు నేరడిగొండ ఎస్సై ఇమ్రాన్ ఖాన్ కి సమాచారం ఇవ్వడంతో హుటాహుటిన మండల సిబ్బందిని తీసుకొని ప్రమాద స్థలానికి వచ్చి కుప్టి, కుమారి యువకులు గ్రామ మల్టీపర్పస్ వర్కర్స్ తో కలిసి తాడు సహాయంతో వ్యక్తిని కాపాడారు. వాగులో  కొట్టుకుపోయిన వ్యక్తి సారంగాపూర్ మండలం దుప్పనాయక్ తండాకు చెందిన జాదవ్ సంజుగా గుర్తించారు ఎమ్మార్వో కలీంతో కుప్టి కుమారి గ్రామస్తులు మాట్లాడుతూ.. చిన్న వర్షానికి రాకపోకలకు అంతరాయం కలగడంతో ఇబ్బందులకు గురవుతున్నామని బోథ్ ఎక్స్ రోడ్ ప్రాంతంలో గల ఫారెస్ట్ వారు పార్కు చుట్టుపక్కల నుండి వస్తున్నటువంటి నీటిని కాలువల ద్వారా ఈ ప్రదేశానికి నీటిని వదలడంతో నీరు ఎక్కువగా వస్తుందని.. ఇదివరకే ఇదే ప్రదేశంలో కుచులపూర్ కు చెందిన వ్యక్తి స్వామి మూడు సంవత్సరాల క్రితం మరణించాడని గుర్తు చేశారు. ప్రతి సంవత్సరం చిన్నపాటి వర్షానికి రాకపోకలకు అంతరాయం కలగడంతో ప్రజలం ఇబ్బందులకు గురవుతున్నామని, ఇకనైనా అధికారులు ఈ యొక్క కల్వర్టుపై బ్రిడ్జి ఏర్పాటు చేయాలని పై అధికారుల దృష్టికి తీసుకువెళ్లాలని గ్రామస్తులు కోరారు. ఇందులో ఎమ్మార్వో ఎండి కలీం ఎస్సై ఇమ్రాన్ ఖాన్ ఎంపీడీవో ఎస్. శేఖర్ ఆర్ఐ నాగోరావ్, కుమారి పంచాయతీ కార్యదర్శి  సిండే దత్తాద్రి, జూనియర్ అసిస్టెంట్,  కారోబార్ రాజు, కుప్టి కుమారి, యువకులు ఉన్నారు.

ఆదిలాబాదు నుంచి హైదరాబాద్ వెళ్లే వాహనదారులకు దారి మళ్లింపు

చిత్రం న్యూస్, నేరడిగొండ :జిల్లాలో కురుస్తున్న భారీ వర్షాల కారణంగా రోడ్లన్నీ జల మయం అవ్వడం తో ఆదిలాబాద్ నుండి వయా కామారెడ్డి మీదుగా హైదరాబాద్ వెళ్లే వాహనదారులు నిర్మల్ లోని కొండాపూర్ బ్రిడ్జి నుండి ఎడమ వైపు కి దారి మళ్లింపు చర్యలు చేపట్టినట్లు జిల్లా ఎస్పీ డా.జి జానకి షర్మిల తెలిపారు. కొండాపూర్ నుండి వయా మామడ, ఖానాపూర్ మెట్ పల్లి, జగిత్యాల్, కరీంనగర్ మీదుగా హైదరాబాద్ వెళ్ళవచ్చని ఆమె తెలిపారు.

BORANCHU SEEEKANTH REDDY-బోరంచు నివాసంలో గణనాథునికి పూజలు

చిత్రం న్యూస్, మావల: ఆదిలాబాద్ జిల్లా మావల మండల కేంద్రంలోని కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి నివాసంలో కొలువు దీరిన వినాయకునికి పూజా కార్యక్రమాలు నిర్వహించారు. ఈ మేరకు రచన- శ్రీకాంత్ రెడ్డి దంపతులు పూజాది కార్యక్రమంలో పాల్గొని గణనాథుడికి ప్రత్యేక పూజలు నిర్వహించారు. ఈ సందర్బంగా వినాయకుడికి ప్రీతి పాత్రమైన 21 రకాల కూరగాయలతో తయారు చేసిన వంటకాలతో, ఉండ్రాల పాయసంతో నైవేద్యాన్ని సమర్పించారు.భక్తి శ్రద్ధలతో లంభోదరుడున్ని కొలిచారు. అనంతరం మావలలో ఏర్పాటు చేసిన గణేష్ మండపాల్లో ప్రత్యేక పూజా కార్యక్రమాలు నిర్వహించారు. ఈ మేరకు బోరంచు శ్రీకాంత్ రెడ్డి మాట్లాడుతూ..గణనాథుడి ఆశీస్సులతో రాష్ట్ర ప్రజలు సుఖశాoతులతో ఉండాలన్నారు. రైతులకు తమ పాడి పంటలు సమృద్ధిగా పండాలని కోరుకున్నట్లు తెలిపారు. 11 రోజుల పాటు నిర్వహించే వినాయకుని పూజలు మొదలుకొని నిమజ్జనం వరకు శాంతియుతంగా జరుపుకోవాలని కోరారు. కుటుంబ సభ్యులు నిఖిత-ప్రశాంత్ రెడ్డి, సాయి చందన రెడ్డిలు పాల్గొన్నారు.