బాసరలో హిందూ ముస్లిం ఐక్యతకు నిదర్శనంగా గణేష్ నిమజ్జన ఉత్సవాలు
చిత్రం న్యూస్, బాసర : నిర్మల్ జిల్లా బాసర మండల కేంద్రంలో హిందూ ముస్లిం ఐక్యతకు నిదర్శనంగా గణేష్ నిమజ్జన ఉత్సవాలు అత్యంత వైభవంగా ప్రశాంతంగా ముగిసింది. గ్రామంలోని జామా మజీద్ వీధుల గుండా గణేష్ ఉత్సవ శోభాయాత్ర అత్యంత వైభవంగా సాగింది. జామా మజీద్ అధ్యక్షుడు షేక్ జమీలుద్దీన్,ఉపాధ్యక్షుడు సయ్యద్ అమీర్, కమిటీ సభ్యులు హిందూ ముస్లింల ఐక్యతను చాటుతూ ఉత్సవాల్లో భాగస్వాములయ్యారు. తొమ్మిది రోజుల పాటు గ్రామ ప్రజలకు ఎలాంటి ఇబ్బందులు కలగకుండా నిమజ్జనోత్సవాన్ని విజయవంతం చేసినందుకు స్థానిక సర్పంచ్ తీగల వెంకటేష్ గౌడ్,సీఐ దీపక్, స్థానిక పోలీసులను ముస్లిం సోదరులు శాలువాలతో ఘనంగా సన్మానించారు.
