ఓటర్ లిస్టుపై అభ్యంతరాల స్వీకరణ

చిత్రం న్యూస్, నేరడిగొండ:  గ్రామ పంచాయతీ ఓటర్ లిస్టులో అభ్యంతరాలు, అనుమానాల నివృత్తి కోసం ఈరోజు నేరడిగొండ మండల పరిషత్తు అభివృద్ది అధికారి కార్యాలయంలో శనివారం అన్ని పార్టీల నాయకులతో సమావేశం ఏర్పాటు చేశారు. సమావేశంలో నేరడిగొండ మండలంలోని పోలింగ్ కేంద్రాల జాబితాను పరిశీలించి, పలు అభ్యంతరాలు, సూచనలను వారి దృష్టికి తీసుకెళ్ళారు. ఈ సమావేశంలో ఎంపీడీఓ శేఖర్, ఎంపీవో  లక్ష్మణ్, మండల పార్టీల నాయకులు, సబ్లె సంతోష్. ఆకుల రాజశేఖర్. ఆడే వసంత్. రాజు రెడ్డి తదితరులు పాల్గొన్నారు.

చక్కగా చదువుకొని ఉన్నతంగా ఎదగాలి

చిత్రం న్యూస్, బేల: విద్యార్థులు చక్కగా చదువుకొని ఉన్నతంగా ఎదగాలని అడనేశ్వర ఫౌండేషన్ చైర్మన్ సతీష్ పవార్ అన్నారు. ఆదిలాబాద్ జిల్లా బేల మండలం వరూర్ గ్రామంలోని ప్రభుత్వ ప్రాథమిక పాఠశాల విద్యార్థులకు మండల బీఆర్ఎస్ నాయకులతో కలిసి నోటుబుక్కులను శనివారం పంపిణీ చేశారు. ఈ సందర్భంగా ఆయన మాట్లాడుతూ.. విద్యార్థులు చదువుతోపాటు క్రమశిక్షణతో మెలిగి ఉపాధ్యాయులకు, తల్లిదండ్రులకు మంచి పేరు తీసుకురావాలన్నారు. మా ఫౌండేషన్ తరపున ఎల్లవేళలా పేద విద్యార్థులకు, పేద ప్రజలకు సేవ కార్యక్రమాలు నిరంతరం కొనసాగుతాయని పేర్కొన్నారు. ఈ కార్యక్రమంలో బీఆర్ఎస్ మండల అధ్యక్షులు కళ్ళెం ప్రమోద్ రెడ్డి, సీనియర్ నాయకులు మస్కే తేజరావు, కొడప అరుణ్, విశాల్ గోడే,ఉపాధ్యాయులు, విద్యార్థులు, గ్రామ యువకులు, తదితరులు పాల్గొన్నారు.

 కాంగ్రెస్ నాయకుడు లోక ప్రవీణ్ రెడ్డిని సన్మానిస్తున్న బ్లూ భీం యూత్ సభ్యులు

చిత్రం న్యూస్, తలమడుగు: ఆదిలాబాద్ జిల్లా తలమడుగు మండల కేంద్రంలో  శుక్రవారం సాయంత్రం బ్లూ బీం యూత్ ఆధ్వర్యంలో గణేష్ మండల్ వద్ద నిర్వహించిన పూజా కార్యక్రమంలో కాంగ్రెస్ పార్టీ సీనియర్ జిల్లా నాయకులు లోక ప్రవీణ్ రెడ్డి  పాల్గొన్నారు. గణనాథుడికి ప్రత్యేక పూజలు నిర్వహించారు. ఈ సందర్బంగా లోక ప్రవీణ్ రెడ్డిని యూత్ సభ్యులు శాలువాతో సన్మానించారు. రోహిత్ షిండే, భూపేందర్, శ్రీకాంత్ రెడ్డి, ప్రేమేందర్ లోక, సంజీవ్, అఖిలేష్, అశోక్, జైపాల్ తదితరులు పాల్గొన్నారు.

అదుపుతప్పితే ప్రాణాలకే ముప్పు

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ  మండలం కుప్టి గ్రామం నుంచి కౌట గ్రామం వరకు ఎనిమిది కిలోమీటర్ల పొడవున ఆర్ అండ్ బీ రోడ్డు ప్రమడకరంగా మారింది. స్కూల్ బస్సులు, ఇతరత్రా వాహనాలతో 24 గంటలు రద్దీగా ఉండే  ఈ రోడ్డుకు ఇరువైపులా చెట్లు కొమ్మలు ఏపుగా పెరిగి రోడ్లపైకి రావడంతో  ఎదురుగా వచ్చే వాహనాలు కనపడక ఇరుకైన రోడ్డుతో రాకపోకలకు తీవ్ర ఇబ్బందులు కలుగుతున్నాయి. రోజుకు ఒక ఆక్సిడెంట్ జరుగుతుండడoతో ప్రజలు ఇబ్బందులకు గురవుతున్నారు. రాత్రి వేళల్లో కాలినడకన రైతులు పొలాలకు వెళ్లాలంటే ఎదురుగా వస్తున్నటువంటి వాహనాలతో  ఎక్కడ ఏ ప్రమాదo జరుగుతుందోనని  వాహనదారులు భయభ్రాంతులకు గురవుతున్నారు.  ఇకనైనా ఇరువైపులా పొదలను తొలగించాలని, ప్రమాదం జరుగుతున్న ప్రదేశంలో కల్వర్టు నిర్మాణం చేపట్టి, హెచ్చరిక బోర్డు ఏర్పాటు చేయాలని ప్రజలు కోరుతున్నారు.

బేల మండల విద్యాధికారిగా మహాలక్ష్మి బాధ్యతలు స్వీకరణ 

చిత్రం న్యూస్, బేల: ఆదిలాబాద్ జిల్లా బేల  మండల విద్యాధికారి (FAC) గా మహాలక్ష్మి నియమితులయ్యారు. సిర్సన్న ఉన్నత పాఠశాల ప్రధానోపాధ్యాయులుగా పనిచేస్తున్న ఆమెను meo గా నియమిస్తూ ఆర్జేడీ నుంచి ఉత్తర్వులు జారీ అయ్యాయి. ఈ మేరకు శుక్రవారం ఆమె ఎంఈఓగా  బాధ్యతలు స్వీకరించారు.. ఆమె మాట్లాడుతూ.. మండలంలో విద్యా ప్రమాణాలు పెంచేందుకు కృషి చేస్తామన్నారు. అందరి సహకారంతో మండలాన్ని విద్యాపరంగా అగ్రభాగంలో ఉంచుతామని పేర్కొన్నారు.. ఈ సందర్భంగా  పీఆర్టీయూ టీఎస్ మండల అధ్యక్ష, ప్రధాన కార్యదర్శులు నితిన్, దేవరావు, నాయకులు రామచందర్ అరుణ, ఎమ్మార్సీ సిబ్బంది ఆమెను సన్మానించి అభినందనలు తెలిపారు.

మావలలో ప్రతిష్టించిన వినాయకుడికి బోరంచు శ్రీకాంత్ రెడ్డి కుటుంబ సభ్యుల ప్రత్యేక పూజలు 

చిత్రం న్యూస్, మావల: తెలంగాణ కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి స్వగ్రామం మావల లోని ఈశ్వర్ గణేష్ మండలి వారు ప్రతిష్టించిన గణనాథుడికి శుక్రవారం ఆయన కుటుంబ సభ్యులు ప్రత్యేక పూజాది కార్యక్రమాల్లో పాల్గొన్నారు. ఈ సందర్భంగా శ్రీకాంత్ రెడ్డి ఆయన సోదరుడు ప్రశాంత్ రెడ్డి ఇరువురు దంపతులు స్వామివారికి ప్రత్యేక నైవేద్యాలు సమర్పించి, భారీ గరిక మాలతో స్వామివారిని అలంకరించారు. అనంతరం ప్రసాద వితరణ కార్యక్రమాన్ని చేపట్టారు.  కార్యక్రమంలో  కుటుంబ సభ్యులతో పాటు గణేష్ మండలి నిర్వాహకులు, భక్తులు పాల్గొన్నారు.

బోథ్ ఎమ్మెల్యే అనిల్ జాదవ్ ను  సన్మానిస్తున్న కుమ్మరి సంఘ సభ్యులు

చిత్రం న్యూస్, నేరడిగొండ: ఆదిలాబాద్ జిల్లా బోథ్ మండలంలోని కౌట గ్రామ కుమ్మరి సంఘ సభ్యులు  బోథ్ ఎమ్మెల్యే అనిల్ జాదవ్ ను ఘనంగా సన్మానించారు. కమ్యూనిటీ షెడ్ నిర్మాణానికి రూ.3 లక్షలు మంజూరు చేసినందుకు ఎమ్మెల్యే అనిల్ జాదవ్ ను మర్యాద పూర్వకంగా కలిశారు. శాలువాతో సన్మానించి కృతజ్ఞతలు తెలిపారు. అన్ని వర్గాలకు న్యాయం చేస్తున్న ఎమ్మెల్యే అని కొనియాడారు. ఈ కార్యక్రమంలో మాజీ వైస్ ఎంపీపీ స్వామి,  నాయకులు ప్రభాకర్ రెడ్డి, చిన్న రెడ్డి, రమేష్ రెడ్డి, భీం రెడ్డి, రామేల్లి ధర్మన్న. ఆశన్న. సాయన్న, భూమన్న, స్వామి తదితరులు ఉన్నారు.