ఆకట్టుకుంటున్న రెడ్డి బాలల గణేష్ మండలి గణేషుడు

సామూహికంగా మహిళల కుంకుమార్చన, ప్రత్యేక పూజలు

చిత్రం న్యూస్, ఇచ్చోడ: ఆదిలాబాద్ జిల్లా ఇచ్చోడ మండల కేంద్రంలోని రెడ్డి బాలల గణేష్ మండలి ఆధ్వర్యంలో ప్రతిష్టించిన గణేషుని విగ్రహం భక్తులను విశేషంగా ఆకట్టుకుంటోంది.  ప్రతి రోజు ఇక్కడ పూజా కార్యక్రమాలతో పాటు నిత్యాన్నదానం కొనసాగిస్తున్నారు. ఆదివారం మహిళలంతా కలిసి సామూహికంగా కుంకుమార్చన,  ప్రత్యేక పూజలు చేశారు. మహిళలంతా ఓకే చోట చేరి ఒకరికొకరు వాయినాలు ఇచ్చుకున్నారు.  అనంతరం నిర్వహించిన అన్నదాన కార్యక్రమంలో  కాలనీవాసులు పాల్గొన్నారు.

అంకితభావంతో పనిచేస్తేనే గుర్తింపు 

చిత్రం న్యూస్, బేల: ఉపాధ్యాయ వృత్తిని అంకితభావంతో పనిచేసేవారికి సమాజంలో మంచి  గుర్తింపు వస్తుందని  ఎంపీ గోడo నగేష్ అన్నారు. మండలంలోని మారుతి గూడగిరిజన పాఠశాలలో పనిచేస్తున్న మెస్రం వాసుదేవ్ ఆదివారం ఉద్యోగ విరమణ పొందారు.  స్థానిక గణేష్ గార్డెన్ లో ఏర్పాటు చేసిన సన్మాన కార్యక్రమానికి ఎంపీ హాజరై ఆయన్ను సన్మానించారు. ఎంపీ గోడం నగేష్ మాట్లాడుతూ.. ఉపాధ్యాయుడిగా పని చేస్తూనే ఆదివాసుల అభివృద్ధి కోసం ఎంతో కృషి చేశారని పేర్కొన్నాడు. ఈ సందర్భంగఆయన సేవలను కొనియాడారు. కార్యక్రమంలో రాజ్ గోండ్ సేవా సమితి నేతలు మాడవి రాజు, కోరంగే దౌలత్ రావు, చంపెల్లి కాంప్లెక్స్ ప్రధానోపాధ్యాయుడు నీలకంఠ, వివిధ పార్టీల నాయకులు,ఆదివాసీ నేతలు, విద్యార్థులు పాల్గొన్నారు.

ఆకట్టుకుంటున్న బాలల గణేష్ మండలి వినాయకుడు 

రెడ్డి కాలనీలో సామూహికంగా మహిళల ప్రత్యేక పూజలు

చిత్రం న్యూస్, ఇచ్చోడ: ఆదిలాబాద్ జిల్లా ఇచ్చోడ మండల కేంద్రంలోని బాలల గణేష్ మండలి ఆధ్వర్యంలో ప్రతిష్టించిన విఘ్నేశ్వరుని భారీ ప్రతిమ భక్తులను విశేషంగా ఆకట్టుకుంటోంది. రెడ్డి కాలనీలో  ఈ గణనాథుని ప్రతిమ కొలువుదీరింది.  ఆదివారం మహిళలంతా కలిసి సామూహికంగా కుంకుమార్చన  కార్యక్రమం  నిర్వహించారు. ప్రత్యేక పూజలు చేశారు.

ఒకరికొకరు వాయినాలు ఇచ్చుకున్నారు. బాలల గణేష్ మండలి వినాయకుడు భక్తుల జయ జయ ధ్వానాల నడుమ విశేషంగా పూజలందుకుంటున్నాడు. భక్తుల పూజలతో మండపంలో ఆధ్యాత్మిక  శోభ సంతరించుకుంది. ప్రతి రోజూ వినాయకుని భజనలు, భక్తి గీతాలను ఆలపిస్తూ రోజుకో కొత్త కార్యక్రమాన్ని నిర్వాహకులు  కొనసాగిస్తున్నారు. దీంతో పండగ వాతావరణం నెలకొంది. అనంతరం అన్నదాన కార్యక్రమం చేపట్టారు. భారీగా కాలనీవాసులు పాల్గొన్నారు.

బోథ్ ఎమ్మెల్యే అనిల్ జాదవ్  పరామర్శ

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలంలోని తేజాపూర్ మాజీ ఎంపీటీసీ శ్రీనివాస్ రెడ్డిని బోథ్ ఎమ్మెల్యే అనిల్ జాదవ్ పరామర్శించారు. మాజీ ఎంపీటీసీ శ్రీనివాస్ రెడ్డి రోడ్డు ప్రమాదంలో గాయపడి హైదరాబాద్ లోని యశోద ఆసుపత్రిలో చికిత్స పొందుతున్న విషయం తెలుసుకున్న బోథ్ ఎమ్మెల్యే అనిల్ జాదవ్ శనివారo రాత్రి పరామర్శించి ఆరోగ్య పరిస్థితులను అడిగి తెలుసుకొన్నారు. ప్రమాదానికి గల కారణాలను అడిగి తెలుసుకుని ధైర్యంగా ఉండాలని భరోసా ఇచ్చారు. అనంతరం డాక్టర్లతో మాట్లాడి మెరుగైన చికిత్స అందించాలని సూచించారు.

ఆకట్టుకుంటున్న శివశక్తి గణేషుడు

చిత్రం న్యూస్, ఆదిలాబాద్: ఆదిలాబాద్ పట్టణం కుమార్ పేట్  లోని శివశక్తి మండలి ఆధ్వర్యంలో ప్రతిష్టించిన గణేషుని భారీ ప్రతిమ భక్తులను విశేషంగా ఆకట్టుకుంటోంది. అశోక్ రోడ్డు పక్కన ఉన్న హనుమాన్ ఆలయ ప్రాంగణంలో ఈ విగ్రహం కొలువుదీరింది. నిత్యం భక్తుల పూజలతో  ఆధ్యాత్మిక వాతావరణం సంతరించుకొంది. సాంప్రదాయ భజనలు, భక్తి గీతాలు, గణేశునికి జై అంటున్నాయి.  శివశక్తి గణేష్ మండల్ కుమార్ పేట్ అధ్యక్షులు కందుల రవీందర్,  ప్రధాన కార్యదర్శులు సోమ తిరుపతి, ,అందే సతీష్ , జెట్టి సృజన్, నిర్వాహకులు కుర్మా దత్తు ,అందే కార్తీక్, మణికంఠ, శివ తదితరులు నిత్యం ఏర్పాట్లను పర్యవేక్షిస్తున్నారు.

శ్రీ వేంకటేశ్వర స్వామి ఆలయంలో అన్నదానం

చిత్రం న్యూస్, జైనథ్: ఆదిలాబాద్ జిల్లా  జైనథ్ మండలం కూర గ్రామంలోని శ్రీ వెంకటేశ్వర స్వామి ఆలయంలో ప్రతి శనివారం రోజున అన్నదానం కార్యక్రమం నిర్వహిస్తున్నారు. ఈ సందర్భంగా ఆలయ ప్రధాన అర్చకుడు గుడిపాటి రామాంజనేయులు మట్లాడుతూ.. కూర శ్రీ వెంకటేశ్వరస్వామి ఆలయంలో ప్రతి శనివారం మధ్యాహ్నం ఒంటి గంటకు స్వామి వారి మహాహారతి అయిన తరువాత అన్నదానం {అన్న ప్రసాద} వితరణ నిర్వహించడం జరుగుతుందని తెలిపారు. ఈ కార్యక్రమానికి ఆలయ కమిటీ సభ్యులు, గ్రామస్థులు, భక్తులు సహకారం అందించి అన్నదాన కార్యక్రమం నిర్వహిస్తున్నారని పేర్కొన్నారు. ఈ కార్యక్రమంలో ఆలయ ప్రధాన అర్చకుడు గుడిపాటి రామాంజనేయులుతో పాటు ఆలయ కమిటీ సభ్యులు, గ్రామస్థులు ఏనుగు రాకేష్ రెడ్డి, జక్కుల దశరథ్ తదితరులు పాల్గొన్నారు.