చిత్రం న్యూస్, అదిలాబాద్:టీఎన్జీవోస్ జైనథ్ యూనిట్ నూతన కమిటీ ఎన్నికలను మంగళవారం టీఎన్జీవో సంఘ భవనం నందు నిర్వహించారు. ఎన్నికలు అధికారిగా జి. నితిన్ కుమార్ వ్యవహరించారు. ఈ సందర్భంగా జైనథ్యనిట్ కమిటీని ఏకగ్రీవంగా ఎన్నుకున్నారు. అధ్యక్షుడిగా కే. శ్రీనివాస్, కార్యదర్శి మమ్మద్ తౌసిఫ్ , ఉపాధ్యక్షులుగా డి. సుధాకర్, ముజీబ్ ఖాన్, తబస్సుం ఫాతిమా, జాయింట్ సెక్రెటరీలుగా బి. సురేందర్, జాదవ్ ఉల్లాస్, సి. జ్యోతి, ఆర్గనైజింగ్ సెక్రెటరీ పి. ప్రకాష్, పబ్లిక్ సిటీ సెక్రెటరీ డి. ధీరజ్, కోశాధికారి సిహెచ్. చిన్నయ్య, కార్యనిర్వాహక సభ్యులు డి. నర్మద, డి. సాయి ప్రసాద్, కే. సాయి కృష్ణ, ఎస్. సుదర్శన్, ఎం. శ్రీకాంత్ ఎన్నికయ్యారు. అనంతరం నూతన కమిటీ సభ్యులను శాలువాతో సత్కరించి.. ప్రొసీడింగ్ కాపీలను అందజేశారు. ఈ కార్యక్రమనికి ముఖ్య అతిథిగా టీఎన్జీవో సంఘం జిల్లా ప్రధాన కార్యదర్శి ఎ.నవీన్ కుమార్ హాజరై నూతనంగా ఎన్నికైన కార్యవర్గ సభ్యులను అభినందించారు. టీఎన్జీవోస్ యూనియన్ ఏర్పడి 80 సంవత్సరాలు పూర్తి చేసుకుందన్నారు. అప్పటినుండి ఇప్పటివరకు ఉద్యోగుల సమస్యలతో పాటు వారి హక్కుల కోసం పోరాడుతున్నదన్నారు. నూతనంగా ఎన్నికైన సభ్యులు తోపాటు ఉద్యోగులు సంఘం బలపేతానికి కృషి చేయాలని సూచించారు. ఈ కార్యక్రమంలో రాష్ట్ర కార్యవర్గ సభ్యులు తిరుమల్ రెడ్డి, రూరల్ యూనియన్ అధ్యక్షుడు ఏ.ప్రవీణ్ కుమార్, మాజీ టీఎన్జీవోస్ జిల్లా అధ్యక్షుడు సంద అశోక్, ఉద్యోగులు రవికుమార్, రజనీకాంత్ తదితరులు పాల్గొన్నారు.

చిత్రం న్యూస్, జైనథ్: ఆదిలాబాద్ జిల్లా జైనథ్ మండలంలోని రైతుల సౌకర్యార్థం 2025-26 సంవత్సరానికి గాను శనగ పంట కొనుగోలు షెడ్యూల్‌ను మండల వ్యవసాయ అధికారి పూజ విడుదల చేశారు. ఈ ప్రణాళిక ప్రకారం మార్చి 25వ తేదీ నుండి ఏప్రిల్ 30వ తేదీ వరకు వివిధ గ్రామాల నుండి కొనుగోళ్లు జరగనున్నాయి. రైతులు తమ పంటను షెడ్యూల్ చేసిన తేదీలలో కొనుగోలు కేంద్రనికి తీసుకువచ్చి ప్రభుత్వ మద్దతు ధరను సద్వినియోగం చేసుకోవాలని సూచించారు.

చిత్రం న్యూస్, మావల: ఆదిలాబాద్ జిల్లా కాంగ్రెస్ కమిటీ లో జిల్లా సెక్రటరీగా నియమితులైన షేక్ఇమామ్ మావలలో తెలంగాణ కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డిని మర్యాద పూర్వకంగా కలిశారు. ఈ సందర్బంగా  శ్రీకాంత్ రెడ్డి షేక్ ఇమామ్ ను శాలువాతో సన్మానించి అభినందించారు.రానున్న రోజుల్లో మరింత కష్టపడి పనిచేసి మరిన్ని పదవులు పొందాలని ఆకాంక్షించారు. అలాగే ప్రజా ప్రభుత్వం రైతు భరోసా నిధులను విడుదల చేసి రైతుల కళ్ళలో సంతోషాలు నింపిందని, ఇందిరమ్మ ఇళ్ల తో పేదలకు సొంతింటి కలను సాకారం చేసిందని ఇలాంటి మరెన్నో సంక్షేమ పథకాలను ప్రజల్లోకి తీసుకెళ్లి నిరంతరం తమకు ఇచ్చిన పదవికి న్యాయం చేకూర్చేలా పార్టీ పటిష్టతకు  కృషి చేయాలని పిలుపునిచ్చారు. రానున్న స్థానిక సంస్థల ఎన్నికల్లో పార్టీ శ్రేణులు అంతా కలిసికట్టుగా పనిచేసి విజయం సాధించాలని కోరారు. ఈ కార్యక్రమంలో ఇచ్చోడ AMC వైస్ చైర్మన్ శేషరావు, సిరికొండ సర్పంచ్ బొడ్డు దత్తు, సుంకిడి సర్పంచ్ రాథోడ్ గణపతి, సిరికొండ ఉప సర్పంచ్ తోకల రాజు, మండల కాంగ్రెస్ అధ్యక్షులు షేక్ ఇమామ్, RGPRS అధ్యక్షులు సదానందం,మాజీ సర్పంచ్ షేక్ బషీర్, ఈశ్వర్, సందీప్, రామారావు, అలాం,సీనియర్ నాయకులు శేబ్బీర్, అజగర్, లాస్స్మన్న, కంచం లక్ష్మణ్ తదితరులు పాల్గొన్నారు.

చిత్రం న్యూస్, ఆదిలాబాద్ డెస్క్: ఆకలితో అలమటించే నిరుపేదల కడుపు నింపడమే పరమావధిగా ఆదిలాబాద్ కాంగ్రెస్ పార్టీ అసెంబ్లీ ఇన్‌ఛార్జి కంది శ్రీనివాస రెడ్డి ఆధ్వర్యంలో కొనసాగుతున్న నిత్యాన్నదాన కార్యక్రమం జిల్లాలో ఒక మహోద్యమంలా సాగుతోంది. పేద రైతు కుటుంబంలో పుట్టి, అమెరికాలో స్థిరపడి, మాతృభూమిపై ప్రేమతో తిరిగి వచ్చిన ఆయన.. తన సేవా గుణంతో వేలాది మందికి ఆదర్శంగా నిలుస్తున్నారు.

మూడేళ్లుగా నిర్విరామంగా..

ఆదిలాబాద్ పట్టణంలోని కంది శ్రీనివాస రెడ్డి క్యాంపు కార్యాలయం ‘ప్రజాసేవా భవన్’ గత మూడేళ్లుగా అన్నపూర్ణ నిలయంగా మారింది. జిల్లా నలుమూలల నుండి వివిధ పనుల నిమిత్తం పట్టణానికి వచ్చే పేదలు, కార్మికులు, విద్యార్థులు ఆకలితో ఇబ్బంది పడకూడదన్న లక్ష్యంతో శ్రీనివాస రెడ్డి ఈ కార్యక్రమాన్ని ప్రారంభించారు. రాజకీయాలతో సంబంధం లేకుండా ప్రతిరోజూ వందలాది మంది ఇక్కడ కడుపు నిండా భోజనం చేస్తున్నారు.

కె.ఎస్.ఆర్ (KSR) ఫౌండేషన్ ద్వారా సేవలు:

అమెరికా నుండి వచ్చిన తర్వాత తన తండ్రి పేరిట కె.ఎస్.ఆర్ ఫౌండేషన్ స్థాపించిన శ్రీనివాస రెడ్డి, దాని ద్వారా అనేక సామాజిక సేవా కార్యక్రమాలు నిర్వహిస్తున్నారు. “అన్ని దానాల్లో కల్లా అన్నదానం మిన్న” అనే ఉద్దేశంతో ఆయన చేపట్టిన ఈ నిత్యాన్నదాన కార్యక్రమంపై సర్వత్రా ప్రశంసలు వ్యక్తమవుతున్నాయి. కంది శ్రీనివాస రెడ్డి కేవలం రాజకీయ నాయకుడిగానే కాకుండా, ఆపదలో ఉన్న వారికి అండగా నిలిచే *’నిత్యాన్నదాత’* గా జిల్లా ప్రజల గుండెల్లో చెరగని ముద్ర వేసుకున్నారు. మండుటెండల్లో సైతం విరామం లేకుండా ఇంత పెద్ద ఎత్తున భోజన వసతి కల్పించడం అభినందనీయమని, శ్రీనివాస రెడ్డి సేవా దృక్పథం అందరికీ స్ఫూర్తిదాయకమని ప్రజలు కొనియాడుతున్నారు.