బేలలో ఇంటర్ సప్లిమెంటరీ పరీక్షలకు ఏర్పాట్లు పూర్తి
చిత్రం న్యూస్, బేల: ఈ నెల 13 నుంచి జరగనున్న ఇంటర్ సప్లిమెంటరీ పరీక్షలకు బేల ప్రభుత్వ జూనియర్ కళాశాలలో అధికారులు అన్ని ఏర్పాట్లు పూర్తి చేశారు. పరీక్షలకు చీఫ్ సూపరింటెండెంట్గా వహీద్ ఖాన్, డిపార్ట్మెంటల్ అధికారిగా సంతోష్ను నియమించారు. ఫస్టియర్ జనరల్ 141 మంది, ఒకేషనల్ 10 మంది, సెకండియర్ జనరల్ 63 మంది, ఒకేషనల్ ఇద్దరు విద్యార్థులు పరీక్ష రాయనున్నారు. విద్యార్థులకు ఎటువంటి ఇబ్బందులు కలగకుండా పరీక్ష కేంద్రంలో తాగునీరు, విద్యుత్, ఫ్యాన్లు, సీటింగ్ ఏర్పాటు వంటి మౌలిక సదుపాయాలు కల్పించారు. పరీక్షా కేంద్రం పరిసరాల్లో ప్రశాంత వాతావరణం ఉండేలా చర్యలు తీసుకున్నట్లు అధికారులు తెలిపారు.
