రోడ్డు ప్రమాదంలో ఒకరు దుర్మరణం
చిత్రం న్యూస్, బాసర: నిర్మల్ జిల్లా బాసర మండలం టాక్లీ ముథోల్ సరిహద్దు సమీపంలో శనివారం సాయంత్రం జరిగిన రోడ్డు ప్రమాదంలో ఒకరు అక్కడికక్కడే దుర్మరణం చెందారు. స్థానికులు తెలిపిన వివరాల ప్రకారం..బాసర గ్రామం అంబేద్కర్ నగర్ కాలనీకి చెందిన గద్దెల దేవన్న (35) బైక్ పై బైంసా నుంచి బాసర వెళ్తున్నాడు. ఈ క్రమంలో ఎదురుగా వస్తున్న కారు బలంగా ఢీకొట్టడంతో దేవన్న అక్కడికక్కడే మృతి చెందాడు. గమనించిన స్థానికులు వెంటనే పోలీసులకు సమాచారం అందించారు. ముథోల్ సీఐ రవీందర్ నాయక్, ఎస్సై బిట్ల పెర్సిస్ లు ఘటనాస్థలాన్ని పరిశీలించి కేసు నమోదు చేసుకొని దర్యాప్తు చేస్తున్నారు.
