ఉపాధ్యాయుడు మనోజ్ కు ఘన సన్మానం

చిత్రం న్యూస్,బేల: బేల ఉన్నత పాఠశాలలో మరాఠీ సైన్స్ఉపాధ్యాయుడిగా విధులు నిర్వహిస్తూ ఉద్యోగ విరమణ పొందిన మనోజ్ చంద్రసేన్ కు ఆ పాఠశాల ఆధ్వర్యంలో సన్మాన కార్యక్రమం ఏర్పాటు చేశారు.. మండల విద్యాధికారి కోలా నరసింహులు, పీఆర్టీయూ జిల్లా అధ్యక్షులు కొమ్ము కృష్ణ కుమార్,  ఎస్టీయూ జిల్లా అధ్యక్ష, ప్రధాన కార్యదర్శులు మూగ శ్రీనివాస్,జాదవ్ అశోక్, మాజీ సర్పంచ్ మస్కే తేజరావు, కాంప్లెక్స్ ప్రధాన ఉపాధ్యాయులు, వివిధ పార్టీల నేతలు, ఉపాధ్యాయులు, విద్యార్థులు భారీ సంఖ్యలో హాజరై ఆయనను ఘనంగా సన్మానించారు.

28 ఏళ్ళ తన సర్వీస్ లో అంకితభావంతో పనిచేస్తూ ఎందరో మంది విద్యార్థులను ఉత్తములుగా తీర్చిదిద్ది అందరి మన్ననలను పొందారని వక్తలు కొనియాడారు.

నూతన ప్రభుత్వ ఆసుపత్రిని వెంటనే ప్రారంభించాలి

*బీజేపీ బేల మండల 

అధ్యక్షుడు ఇంద్రశేఖర్ డిమాండ్

చిత్రం న్యూస్ బేల: బేల మండల కేంద్రంలో నూతనంగా ప్రభుత్వ ఆసుపత్రిని వెంటనే ప్రారంభించాలని బీజేపీ మండల అధ్యక్షుడు ఇంద్రశేఖర్ డిమాండ్ చేశారు. ఆదివారం మండల కేంద్రంలో మీడియాతో మాట్లాడారు. పీహెచ్సీ ఆసుపత్రి కట్టించి నెలలు గడుస్తున్నప్పటికీ ఇంకా ప్రారంభానికి నోచుకోవడం లేదన్నారు. ఆస్పత్రిని వెంటనే ప్రారంభించకపోతే పార్టీ ఆధ్వర్యంలో ఆందోళనలు చేపడతామన్నారు. పేద ప్రజలకు మెరుగైన ఉద్యమం అందించడానికి కృషి చేయాలన్నారు.ఈ కార్యక్రమంలో ఓబీసీ జిల్లా అధ్యక్షులు బర్కాడే రాము,మాజీ మండల అధ్యక్షుడు దత్తా నిక్కం,జనరల్ సెక్రెటరీ సందీప్ ఠాక్రే,మాజీ సర్పంచ్ రాకేష్,దర్నె జీవన్,గంగాధర్, నార్లవర్ అజయ్,తదితరులు పాల్గొన్నారు

విద్యార్థుల అకౌంట్లోకి రీయింబర్స్మెంట్ ఫీ, స్కాలర్షిప్ డబ్బులు

చిత్రం న్యూస్ బేల:2024 -25 విద్యా సంవత్సరం నుండి విద్యార్థుల కాలేజీ రీఎంబెర్స్మెంట్ ఫీ, స్కాలర్ షిప్ డబ్బులు రెండు కూడా విద్యార్థుల బ్యాంక్ అకౌంట్ లో పడుతున్నాయని కీర్తన డిగ్రీ కాలేజీ ప్రిన్సిపాల్ డా. వరప్రసాద్ రావు తెలిపారు. కాలేజ్ రీఎంబెర్స్మెంట్ డబ్బులు కాలేజీ లో జమ చేసి తగు రశీదు పొందవచ్చన్నారు. స్కాలర్ షిప్ మాత్రం మీరు ఉంచుకోవాలని తెలిపారు. ఈ సంవత్సరం నుండి ఫ్రెష్,  రెన్యువల్ విద్యార్థులకి వరిస్తుందన్నారు.  ఏమైన సందేహాలు ఉంటే ఆన్లైన్ లో పూర్తి సమాచారం ఉంటుందని, కాలేజీ లో నేరుగా కలవవచ్చు అని కీర్తన డిగ్రీ కాలేజీ ప్రిన్సిపాల్ డా. వరప్రసాద్ రావు, ఏ సి రీఎంబెర్స్మెంట్ ఇంచార్జి సాగర్, జూనియర్ అసిస్టెంట్ అనికేత్  పేర్కొన్నారు.

డీఎఫ్ఓ ప్రశాంత్ బాజీరావు పాటిల్ ని కలిసి వినతిపత్రం అందజేస్తున్న సామ రూపేష్ రెడ్డి

చిత్రం న్యూస్ బేల: రాష్ట్ర ప్రభుత్వం నిరుపేదలను గుర్తించి గూడు కల్పించాలని లక్ష్యంతో ఇందిరమ్మ ఇళ్లను మంజూరు చేస్తే ఆదిలాబాద్ జిల్లా బేల మండలంలోని పలు ఏజెన్సీ గ్రామాలలో ఆ ఇళ్ల నిర్మాణం జరగకుండా అటవీశాఖ అధికారులు అడ్డుకుంటున్నారని యువజన కాంగ్రెస్ అసెంబ్లీ ఉపాధ్యక్షుడు సామ రూపేష్ రెడ్డి అన్నారు. దీంతో ఇందిరమ్మ ఇల్లు మంజూరైన స్థానిక అర్హులైన పేద ప్రజలకు కనీసం గూడు సౌకర్యం కూడా లేకుండా పోతుందన్నారు. ఈ పరిస్థితిని దృష్టిలో ఉంచుకుని ప్రభుత్వ లక్ష్యానికి అడ్డుపడకుండా అర్హులైన పేద ప్రజలు ఇందిరమ్మ ఇండ్లు నిర్మించుకునే అవకాశం తో పాటు స్థానిక అటవీశాఖ అధికారులు వీటికి అడ్డుపడకుండా అనుమతివ్వాలని శనివారం జిల్లా అటవీశాఖ అధికారి ప్రశాంత్ బాజీరావు పాటిల్ ను కలిసి వినతి పత్రం అందజేశారు.అయితే సానుకూలంగా స్పందించిన డీ ఎఫ్ ఓ  పరిశీలించి పర్మిషన్లు ఇచ్చేలా చూస్తానని హామీ ఇచ్చారు. ఆయన్ను కలిసిన వారిలో కాంగ్రెస్ పార్టీ మండల అధ్యక్షుడు ఫైజుల్లా ఖాన్,యువజన కాంగ్రెస్ జిల్లా ప్రధాన కార్యదర్శి వేముల నాగరాజు, యువజన కాంగ్రెస్ నాయకులు మేకల జితేందర్,అనుముల ఉదయ్ కిరణ్,యువజన కాంగ్రెస్ పట్టణ ఉపాధ్యక్షుడు రంజిత్ రెడ్డి తదితరులు ఉన్నారు.

కార్గిల్ వీరుడు బిజేంద్ర శర్మకు నివాళులర్పిస్తున్న ఎస్ఐ నాగనాథ్

చిత్రం న్యూస్, బేల: కార్గిల్ యుద్ధంలోఎల్ 2002 సంవత్సరంలో వీరమరణo పొందిన హరియాణ రాష్ట్రానికి చెందిన సైనికుడు బిజేంద్ర కుమార్ శర్మ వర్ధంతిని శనివారం బేలలో ఆయన బంధువులు జరుపుకున్నారు. ఎస్సై నాగనాథ్, ఏఎస్సై జీవన్, మాజీ సర్పంచులు వివిధ పార్టీల నేతలు, గ్రామ పెద్దలు యువకులు హాజరై ఆయన చిత్రపటానికి పూలమాల వేసి నివాళులర్పించారు.  దేశం కోసం ప్రాణాలర్పించిన శర్మను స్ఫూర్తిగా తీసుకొని యువకులు సైన్యంలో చేరి దేశ సేవలో ముందుండాలని ఎస్ఐ పిలుపునిచ్చారు.