చిత్రం న్యూస్, ఆదిలాబాద్: అన్సారీ ఫౌండేషన్ వ్యవస్థాపకుడు అన్సార్ సోదరుడు అబ్రర్ అలీ శుక్రవారం  నామినేషన్ దాఖలు చేశారు. ఆల్ ఇండియా ఫార్వర్డ్ బ్లాక్ పార్టీ తరపున 34 వార్డ్ శాంతినగర్ నుంచి మున్సిపల్ కౌన్సిలర్ పదవికి నామినేషన్ దాఖలు చేశారు. ఈ కార్యక్రమంలో ప్యూర్ డెయిరీ ఛైర్మన్ అండ్ మేనేజింగ్ డైరెక్టర్  అన్సారీ ఫౌండేషన్ వ్యవస్థాపకులు ఆన్సర్ తన చేతుల మీదుగా నామినేషన్ పత్రాన్ని దాఖలు చేశారు. ఈ కార్యక్రమంలో ప్యూర్ డెయిరీ సిబ్బంది పాల్గొన్నారు.

చిత్రం న్యూస్,ఇచ్చోడ: గ్రామ పొలిమేరల నుండి పట్టణ వీధుల వరకు పర్యావరణాన్ని కాపాడుకోవడమే ధ్యేయంగా “కౌన్సిల్ ఫర్ గ్రీన్ రెవల్యూషన్” మరియు “కమిషనరేట్ ఆఫ్ కాలేజ్ ఎడ్యుకేషన్” సంయుక్త ఆధ్వర్యంలో ఇచ్చోడ ప్రభుత్వ కళాశాలలో వినూత్న కార్యక్రమం నిర్వహించారు. కళాశాల ఆవరణలో ఏపుగా పెరిగిన ఒక మహా వృక్షాన్ని “పుడమి తల్లి”గా నామకరణం చేస్తూ, దానిని తమ ‘తల్లి వృక్షం’గా భావించి సంరక్షిస్తామని విద్యార్థులు, అధ్యాపకులు ఘనంగా ప్రతిజ్ఞ చేశారు.

ఈ సందర్భంగా కళాశాల ప్రిన్సిపాల్ డాక్టర్ ఏ. శ్రీనివాస్ మాట్లాడుతూ.. ప్రకృతిని ప్రేమించడం, వృక్షాలను గౌరవించడం మన సంస్కృతిలో భాగమని పేర్కొన్నారు. పల్లె నుండి పట్టణం దాకా పర్యావరణ సమతుల్యతను కాపాడటంలో ప్రతి విద్యార్థి ఒక హరిత సైనికుడిలా పని చేయాలని పిలుపునిచ్చారు. కార్యక్రమ కోఆర్డినేటర్ వి.మధు, వైస్ ప్రిన్సిపాల్ డాక్టర్ ఎం. సరస్వతి విద్యార్థులకు జీవవైవిధ్యం (Biodiversity) యొక్క ప్రాముఖ్యతను వివరించారు. అంతరించిపోతున్న వృక్ష సంపదను కాపాడుకోవడం ద్వారానే రేపటి తరానికి సురక్షితమైన వాతావరణాన్ని అందించగలమని వారు స్పష్టం చేశారు. వృక్షానికి హారతి ఇచ్చి, పర్యావరణ ప్రతిజ్ఞ చేయడంతో కళాశాల ప్రాంగణమంతా నూతన ఉత్సాహం వెల్లివిరిసింది. ఈ కార్యక్రమంలో కళాశాల అధ్యాపక బృందం, సిబ్బంది, పెద్ద సంఖ్యలో విద్యార్థులు పాల్గొని, పర్యావరణ పరిరక్షణలో భాగస్వాములవుతామని ప్రతినబూనారు.

చిత్రం న్యూస్ జైనథ్: జైనథ్ మండలం బెల్లూరిలో ఘనంగా పౌర హక్కుల దినోత్సవం గ్రామంలో  శుక్రవారం పౌర హక్కుల దినోత్సవాన్ని ఘనంగా నిర్వహించారు. ఈ సందర్భంగా అధికారులు మాట్లాడుతూ.. రాజ్యాంగం ద్వారా కల్పించిన పౌర హక్కులపై ప్రతి ఒక్కరూ అవగాహన కలిగి ఉండాలని, హక్కులకు ఎలాంటి భంగం కలిగినా చట్టపరమైన చర్యలు చేపట్టి హక్కుల సాధనకు కృషి చేయాలన్నారు. ఈ కార్యక్రమంలో గ్రామ సర్పంచ్ ప్రవీణ్ రెడ్డి, ఉపసర్పంచ్‌ కడే రవి, వార్డు సభ్యులు, తహసీల్దార్‌ నారాయణ, మండల వ్యవసాయ అధికారిణి పూజ, జీపీవో సురేష్, పంచాయతీ కార్యదర్శి చక్రవర్తి, గ్రామస్తులు రాంరెడ్డి,బాజీరావ్ చంద్రకాంత్ రెడ్డి, దత్తు, వెంకట్ రెడ్డి తదితరులు పాల్గొన్నారు.

చిత్రం న్యూస్, బోథ్: బోథ్ మండలంలోని డేరాగ్రామ శివారులో ఎలాంటి అనుమతులు లేకుండా రాత్రి సమయంలో  మొరం తరలిస్తున్న. 5టిప్పర్లను పట్టుకున్నట్లు బోథ్ ఎస్సై వి.పురుషోత్తం తెలిపారు. తమ సిబ్బంది సాయి కృష్ణ, శ్రీకాంత్, సుధాకర్ లతో కలిసి విశ్వసనీయ సమాచారం మేరకు దాడిచేసి పట్టుకకొని పోలీస్ స్టేషన్ తరలించామన్నారు. 5 టిప్పర్ల పై కేసు నమోదు చేసినట్లు ఆయన తెలిపారు.  అనుమతులు లేకుండా మొరం, ఇసుక  తరలిస్తే చట్టరిత్యాచర్య తీసుకుంటామని ఎస్సై పేర్కొన్నారు.

చిత్రం న్యూస్, బోథ్: బోథ్ మండలంలోని బోథ్ మేజర్ గ్రామ పంచాయతీలో సర్పంచ్ కుర్మే అన్నపూర్ణ ఇందిరమ్మ చీరల పంపిణీ కార్యక్రమం నిర్వహించారు. సర్పంచ్ మాట్లాడుతూ ప్రజా ప్రభుత్వం పేద మహిళలకు నాణ్యమైన చీరలను పంపిణీ చేస్తుందని తెలిపారు. మహిళా సంక్షేమానికి కాంగ్రెస్ ప్రజా ప్రభుత్వం అనేక సంక్షేమ కార్యక్రమాలను అమలు చేస్తోందని, మహిళా సాధికారతే లక్ష్యాంగా ముందుకు సాగుతోందని పేర్కొన్నారు. ఈ కార్యక్రమంలో బోథ్ వ్యవసాయ మార్కెట్ కమిటీ ఛైర్మన్ బొడ్డు గంగారెడ్డి, బోథ్ ,మాజీ ఎంపీటీసీ చాట్ల ఉమేష్, ఉప సర్పంచ్ విజయలక్ష్మి, ఏపీఎం గంగాధర్, సీసీ సర్వేశ్, కాంగ్రెస్ నాయకులు పాల్గొన్నారు.

చిత్రం న్యూస్, భోరజ్: ఆదిలాబాద్ జిల్లా భోరజ్ మండలం గిమ్మ గ్రామంలో సీఎం కప్ మండల స్థాయి పోటీలు ముగింపుకు చేరుకున్నాయి. గురువారం బహుమతుల ప్రధానోత్సవ కార్యక్రమానికి  ముఖ్య అతిథులుగా గ్రామ సర్పంచ్ గాజుల ప్రద్యుమ్న (సన్నీ), తహసీల్దార్ రాజేశ్వరి, ఎంపీడీవో వేణురెడ్డి హాజరయ్యారు. వివిధ క్రీడలలో గెలుపొందిన విజేతలకు ఈ సందర్భంగా బహుమతులు అందజేశారు.

చిత్రం న్యూస్,బోథ్: తెలంగాణ మోడల్ స్కూల్ లో రోడ్డు భద్రత పై వ్యాసరచన పోటీలను బుధవారం బోథ్ పోలీసులు నిర్వహించారు. గెలిపొందిన ముగ్గురు విజేతలకు బోథ్ si పురుషోత్తం, స్కూల్ హెడ్ మాస్టర్ అనురాధ బహుమతులు అందజేశారు. వారు మాట్లాడుతూ..రోడ్డు భద్రత గురించి విద్యార్థులకు అవగాహన కల్పించారు. సమావేశంలో పాఠశాల సిబ్బంది, పోలీస్ సిబ్బంది మన్, రంజిత్ పాల్గొన్నారు.