చిత్రం న్యూస్, బేల: మండలంలోని మాంగ్రూడ్ గ్రామంలో సీపీఎఫ్ స్వచ్చంద సంస్థ ఆధ్వర్యంలో జీవామృత కేంద్రాన్ని జిల్లా ఉద్యానవన శాఖ ప్రాజెక్ట్ డైరెక్టర్ నర్సయ్య, మండల అధికారులు, ఏరువాక శాస్త్రవేత్తలతో కలిసి ప్రారంభించారు. రసాయనిక ఎరువుల వాడకాన్ని తగ్గించి సేంద్రియ ఎరువుల వాడకం పై రైతులకు అవగాహన కల్పించారు. సేంద్రియ ఎరువుల ద్వారా తయారు చేసిన ఆహార పదార్థాల స్టాల్ లను ఏర్పాటు చేసి అందులో లభించే పోషకాల గురించి వివరించారు. ఈ సందర్బంగా సీపీఎఫ్ స్వచ్చంద సంస్థ ప్రోగ్రామ్ అధికారి సత్యనారాయణ మాట్లాడుతూ రైతులు రసాయనిక ఎరువులు విచ్చలవిడిగా వాడకంతో భూమి యొక్క సారవంతం తగ్గిపోవడమే కాకుండా ఖర్చులు కూడా పెరుగుతుందన్నారు.రసాయనిక ఎరువులు వాడకంతో క్యాన్సర్ వంటి వ్యాధులు వచ్చే అవకాశం ఉందన్నారు.జీవామృతం వంటి మట్టి ఆరోగ్యాన్ని పెంపొందించడం, రైతులకు పెట్టుబడి ఖర్చును తగ్గించడం, విషరహిత ఆహార ఉత్పత్తిని ప్రోత్సహించడం ద్వారా స్థిరమైన వ్యవసాయానికి దోహదపడతుందన్నారు.

చిత్రం న్యూస్,ఆదిలాబాద్: ఆదిలాబాద్ జిల్లా తలమడుగు మండలంలోని రుయ్యాడి గ్రామంలో బొజ్జ బాలాజీ నూతనంగా నిర్మించుకున్న ఇందిరమ్మ ఇల్లు గృహప్రవేశం కార్యక్రమానికి జడ్పీటీసీ  మాజీ సభ్యులు గోక గణేష్ రెడ్డి, కొండ గంగాధర్, సీనియర్  నాయకులు లోక ప్రవీణ్ రెడ్డిశుక్రవారం హాజరయ్యారు. ఈ సందర్భంగా బాలాజీ కుటుంబ సభ్యులు నేతలను శాలువాతో ఘనంగా సన్మానించారు. కార్యక్రమంలో ఏలేటి లక్ష్మారెడ్డి, ఉప సర్పంచ్ కొమ్ము వెంకటేష్, నాయకులు నిట్టేడి గంగాధర్, గాజుల సాంబశివ్, గోక సాగర్ రెడ్డి, ఇస్తారి, జి.మల్లారెడ్డి, బి.సుదర్శన్ తదితరులు పాల్గొన్నారు.

చిత్రం న్యూస్, ఆదిలాబాద్: సిద్దిపేటలోని రంగనాయక సాగర్ డ్యాం పైన జరుగుతున్న సెకండ్ ఎడిషన్ చీఫ్ మినిస్టర్ కప్ రాష్ట్ర స్థాయి సైక్లింగ్ పోటీలలో బాలురు అండర్ 15 విభాగంలో భోరజ్ మండల కేంద్రానికి చెందిన కాళ్ళ గౌతం రెడ్డి ఇండివిజువల్ టైం ట్రావెల్ పోటీలో అదిలాబాద్ జిల్లా బెస్ట్ స్పాట్ పార్టిసిపెంట్ అవార్డు గెలుపొందారు. రాష్ట్రస్థాయి సైక్లింగ్ పోటీలకు ఎంపికైన గౌతంరెడ్డి ఈ ఘనత దక్కించుకున్నాడు. భోరజ్ కు చెందిన గౌతం గత నాలుగేళ్ల నుండి సైక్లింగ్ లో సాధన చేస్తున్నాడు. వివిధ జిల్లాలో జరిగిన రాష్ట్ర స్థాయి సైక్లింగ్ పోటీలలో పాల్గొన్నాడు. తండ్రి సర్వేశ్వర్ రెడ్డి ప్రోత్సాహంతో సైక్లింగ్ క్రీడపై మక్కువ పెంచుకున్నాడు. కోచ్ పాండు జాదవ్ ఆధ్వర్యంలో ఎప్పటికైనా అంతర్జాతీయ స్థాయిలో పథకం సాధిస్తానన్న పట్టుదల తనకుందని గౌతమ్ రెడ్డి పేర్కొన్నారు.

*రెండు రోజులు నీటి సరఫరా నిలిపివేత

చిత్రం న్యూస్,ఆదిలాబాద్: జిల్లాలోని సీతగొంది వద్ద NH 44 బ్లాక్ స్పాట్ ప్రాంతంలో ఉన్న మిషన్ భగీరథ 1000 mm MS పైప్‌లైన్ మార్పిడి పనుల కారణంగా, ఆదిలాబాద్ జిల్లాలోని పలు ప్రాంతాల్లో రెండు రోజుల పాటు తాగునీటి సరఫరా నిలిచిపోనుంది. ఫిబ్రవరి 24, 25 తేదీలలో నీటి సరఫరా ఉండదని, ఆదిలాబాద్ మునిసిపాలిటీతో పాటు ఆదిలాబాద్ గ్రామీణ, బేల, జైనథ్,మావల, తాంసి, భీంపూర్, తలమడుగు, గుడిహత్నూర్ మండలాలు గ్రామ పంచాయతీలు సీతగొండి, గార్కంపేట్-1, మాచాపూర్, మల్కాపూర్, వైజాపూర్, కమలాపూర్ గ్రామాల్లోని దాదాపు 406 గ్రామీణ ఆవాసాలకు సరఫరా నిలిచిపోనుంది.పైప్‌లైన్ ఆధునీకరణ పనుల దృష్ట్యా ప్రజలకు ఎటువంటి ఇబ్బందులు కలగకుండా ముందస్తుగా నీటిని నిల్వ చేసుకోవాలని అధికారులు సూచించారు. ఈ మేరకు సంబంధిత MPDOలు, MPOలు, పంచాయతీ కార్యదర్శులు, సర్పంచ్‌లు తమ పరిధిలోని గ్రామాల్లో తాగునీటి కోసం ప్రత్యామ్నాయ ఏర్పాట్లు చేయాలని ఉన్నతాధికారులు ఆదేశాలు జారీ చేశారు.