వరద నీటిలో  మునిగిన ఇచ్చోడ బాలికల రెసిడెన్షియల్ పాఠశాలలో విద్యార్థులతో మాట్లాడుతున్న బోథ్ ఎమ్మెల్యే అనిల్ జాధవ్ 

చిత్రం న్యూస్ బోథ్: ఆదిలాబాద్ జిల్లాలో ఎడతెరిపిలేకుండా కురుస్తున్న వర్షానికి ఇచ్చోడ మండల కేంద్రంలో గల బాలికల రెసిడెన్షియల్ పాఠశాల వరద నీటితో మునిగింది. విషయం తెలుసుకున్న బోథ్ ఎమ్మెల్యే అనిల్ జాదవ్ భారీ వర్షాన్ని సైతం లెక్క చేయకుండా తక్షణమే పాఠశాలకు చేరి పరిస్థితులను పరిశీలించారు.

ఈ సందర్భంగా విద్యార్థినులకు ధైర్యం చెప్పారు. ఎవరూ ఆందోళన చెందవద్దని సూచించారు. బోథ్ నియోజకవర్గంలో ఎక్కడ ఇబ్బందులు ఉన్న వెంటనే తన దృష్టికి తీసుకురావాలని, బీఆర్ఎస్ పార్టీ నాయకులు, కార్యకర్తలు ఎప్పటికప్పుడు పరిస్థితులను తనకు అందజేయాలని సూచించారు. వీరి వెంట మండల నాయకులు, కార్యకర్తలు ఉన్నారు.

నిధులు కేటాయించాలని ఎమ్మెల్యే చిన రాజప్పకు వినతి పత్రం అందజేస్తున్న మార్కెట్ డైరెక్టర్ రేలంగి వెంకట్రావు

చిత్రం న్యూస్, పెద్దాపురం:  కాకినాడ జిల్లా పెద్దాపురం మండలంలోని చంద్రమాంపల్లి జిల్లా పరిషత్తు ప్రభుత్వ ఉన్నత పాఠశాల, కళాశాలకు ప్రహరీ నిర్మాణానికి నిధులు మంజూరు చేయాలని కోరుతూ..మార్కెట్ డైరెక్టర్ రేలంగి వెంకట్రావు ఎమ్మెల్యే నిమ్మకాయల చిన రాజప్పకు శుక్రవారం వినతిపత్రం సమర్పించారు. క్యాంప్ కార్యాలయంలో ఆయన్ను కలిసి సమస్యను విన్నవించారు. పాఠశాలకు ప్రహరీ నిర్మాణం లేక విద్యార్థులు ఇబ్బంది పడుతున్నారని అన్నారు. పడినప్పుడు పాఠశాల ఆవరణణ మొత్తం నీటితో నిండిపోతుందన్నారు. దీంతో విద్యార్థులకు రాకపోకలు సాగించాలంటే ఇబ్బందిగా మారిందని, పాఠశాల ప్రహరీ నిర్మాణానికి వెంటనే నిధులు మంజూరు చేయాలని కోరారు.

పాఠశాలకు 3ఫ్యాన్లు అందజేస్తున్న ముక్కెర ప్రభాకర్

చిత్రం న్యూస్, భోరజ్: ఆదిలాబాద్ జిల్లా భోరజ్ మండలం మాండగడ గ్రామానికి చెందిన మామిడి మల్లారెడ్డి, ముక్కెర ప్రభాకర్ లు దాతృత్వం చాటారు. 79వ స్వతంత్ర దినోత్సవం సందర్భంగా  ప్రాథమికోన్నత పాఠశాలలో విద్యార్థుల సౌకర్యార్థం తరగతి గదులకు 3 ఫ్యాన్ లను ముక్కెర ప్రభాకర్  విరాళంగా అందజేసి ఉదారతను చాటారు. ముక్కెర ప్రభాకర్ ను పాఠశాల సిబ్బంది, విద్యార్థులు, వారి తల్లిదండ్రులు సన్మానించారు.

విద్యార్థుల సౌకర్యార్థం రూ.20 వేలతో ఫ్లోరింగ్ చేయించిన మామిడి మల్లారెడ్డి

తమ గ్రామంలో  చదువుతున్న పేద విద్యార్థులు పాఠశాల తరగతి గదుల్లో ఫ్లోరింగ్ లేకపోవడంతో ఇబ్బందులు పడుతున్న విషయాన్ని తెలుసుకున్న మామిడి మల్లారెడ్డి వారి సౌకర్యార్థం రూ.20 వేలు వెచ్చించి 2 తరగతి గదులు, వరండా ఫ్లోరింగ్ చేయించారు. ఈ సందర్భంగా పాఠశాల యాజమాన్యం మల్లారెడ్డిని ఘనంగా సన్మానించారు. ఈ కార్యక్రమంలో పాఠశాల HM అర్చన, సైపట్ మహేందర్ రావు, బండారి వినోద్, నర్రా విఠల్ ,అర్హుల ఆశన్న, గంధం సురేష్ , గ్రామస్తులు తదితరులు పాల్గొన్నారు.

విశ్రాంత ఆర్మీ జవాన్ శంకర్ దాస్ ను సన్మానిస్తున్న ముడుపు మౌనిష్ రెడ్డి

చిత్రం న్యూస్, ఆదిలాబాద్ టౌన్: దేశ రక్షణలో ఆర్మీ జవాన్ల సేవలు అభినందనీయమని సామాజిక కార్యకర్త ముడుపు మౌనిష్ రెడ్డి పేర్కొన్నారు. స్వాతంత్ర దినోత్సవ సందర్భంగా శుక్రవారం ఆదిలాబాద్ లోని సైనిక సంక్షేమ కార్యాలయంలో విశ్రాంత ఆర్మీ జవాన్లను శాలువాతో సత్కరించి వారి సేవలను కొనియాడారు. దేశ రక్షణ కోసం సరిహద్దులు, కుటుంబాలను వదిలి కాపలాగా ఉన్న సైనికుల త్యాగాలను ప్రతి ఒక్కరు స్మరిస్తూ వారిని గౌరవించాలని పేర్కొన్నారు. దేశ రక్షణలో తమ ప్రాణాలను లెక్కచేయకుండా సైనికులు శత్రువులతో పోరాడుతున్నారన్నారు. ఈ కార్యక్రమంలో సైనిక సంక్షేమ సంఘం అధ్యక్షులు  శంకర్ దాస్, ఆర్. దేవన్న, వామనరెడ్డి, ఎల్. వి రావు, మాజీ సైనికులు తదితరులు పాల్గొన్నారు.

నిరుపేదలకు నిత్యవసర సరకులు పంపిణీ చేస్తున్న కాంగ్రెస్ నాయకుడు లోక ప్రవీణ్ రెడ్డి

చిత్రం న్యూస్, ఆదిలాబాద్ టౌన్: 79వ స్వాతంత్ర దినోత్సవాన్ని పురస్కరించుకొని ఆదిలాబాద్ పట్టణంలోని వార్డు నెంబర్ 18 రణదివేనగర్ కాలనీలో కాంగ్రెస్ సీనియర్ నాయకులు లోక ప్రవీణ్ రెడ్డి జాతీయ జెండాను ఆవిష్కరించారు.  జాతీయ గీతాలాపన అనంతరం జెండా వందనం చేశారు. అనంతరం ఇంతియాజ్ ఖాన్ ఫౌండేషన్ ఆధ్వర్యంలో కాలనీకి చెందిన నిరుపేదలకు నిత్యవసర సరకులను కాంగ్రెస్ సీనియర్ నాయకులు లోక ప్రవీణ్ రెడ్డి  చేతుల మీదుగా అందజేశారు. ఈ కార్యక్రమంలో కాంగ్రెస్ నాయకులు డేరా కృష్ణ రెడ్డి,ఇంతియాజ్ ఖాన్, యశ్వంత్ నిరాడే, శ్యామ్ రావు కామ్డె, షేక్ వాజీద్, దేవానంద్, వాగ్మారే చందు, వినోద్ గైక్వాడ్, రాజశేఖర్, గంగాధర్ తదితరులు పాల్గొన్నారు.