చిత్రం న్యూస్, ఇచ్చోడ:  వైద్యుడు డాక్టర్ ఆశిష్ కేంద్రే అనారోగ్యంతో శుక్రవారం తెల్లవారుజామున కన్నుమూశారు. పిన్న వయస్సులో ఆయన మరణం కుటుంబ సభ్యులకు, స్నేహితులకు, గ్రామస్తులకు తీవ్ర దుఃఖాన్ని మిగిల్చింది. ఇచ్చోడలో స్థిరపడిన ప్రముఖ వైద్యుడు శంకర్ డాక్టర్ కుమారుడైన డాక్టర్ ఆశిష్ కేంద్రే, కొద్దికాలంగా అనారోగ్యంతో బాధపడుతున్నారు. చికిత్స పొందుతున్నప్పటికీ, పరిస్థితి విషమించడంతో ఆయన తుదిశ్వాస విడిచారు.డాక్టర్.ఆశిష్ కేంద్రే తన వృత్తిలో నిబద్ధతతో, రోగుల పట్ల సేవా దృక్పథంతో మంచి పేరు సంపాదించుకున్నారు. ఆయన మరణం వైద్య రంగానికి కూడా తీరని లోటు. ఈ విషాద వార్తతో స్థానికంగా విషాదఛాయలు అలుముకున్నాయి. కుటుంబ సభ్యులు, బంధువులు, స్నేహితులు, గ్రామస్తులు శంకర్ డాక్టర్ కుటుంబానికి ప్రగాఢ సానుభూతిని తెలియజేశారు. వారి ఆత్మకు శాంతి చేకూరాలని భగవంతుడిని ప్రార్థిస్తున్నారు.

*ఇఫ్తార్  విందులో పాల్గొన్న డీసీసీ అధ్యక్షులు నరేష్ జాదవ్ తో పాల్గొన్న బోరంచు శ్రీకాంత్ రెడ్డి 

చిత్రం న్యూస్, అదిలాబాద్: ఆదిలాబాద్ జిల్లా కేంద్రంలోని డీసీసీ కార్యాలయంలో జిల్లా కాంగ్రెస్ అధ్యక్షుడు డా నరేష్ జాదవ్ ఆధ్వర్యంలో ఘనంగా ఇఫ్తార్ విందు నిర్వహించారు. ఈ కార్యక్రమంలో బోథ్ ని యోజకవర్గ ఇంచార్జి ఆడే గజేందర్, మాజీ డీసీసీ అధ్యక్షులు సాజిద్ ఖాన్, మాజీ మార్కెట్ చైర్మన్ అల్లూరి సంజీవరెడ్డి, మాజీ టీపీసీసీ జనరల్ సెక్రటరీ గండ్రత్ సుజాత , తెలంగాణ కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి, ముస్లిం మత పెద్దలు, కాంగ్రెస్ నాయకులు, మైనారిటీ సోదరులు పాల్గొన్నారు. ఈ సందర్భంగా ముస్లిం సోదరులకు ఖర్జూరం తినిపించి ఉపవాస దీక్ష విరమింపజేశారు రంజాన్ మాసం సామరస్యానికి సోదర భావానికి ప్రతిక ఆని ఈ సందర్భంగా ప్రజలందరూ ఐక్యమత్యంతో కలిసిమెలిసి పండుగ జరుపుకోవాలని ఈ సందర్భంగా నేతలు ఆకాంక్షించారు. ఈ కార్యక్రమంలో మాజీ డీసీసీబీ చైర్మన్ అడ్డి భోజ రెడ్డి, ఆదిలాబాద్ మున్సిపల్ వైస్ చైర్మన్ రోహిత్, జిల్లా సర్పంచుల ఫోరం అధ్యక్షులు ఆసిఫ్ ఖాన్, ఎంఐఎం అధ్యక్షులు నజీర్,బోథ్ మా జీ మార్కెట్ చైర్మన్ మల్లెపూల సత్యనారాయణ, గుడిహత్నూర్ మండల కాంగ్రెస్ అధ్యక్షులు కరుణాకర్, తొడసం దౌలత్ రావు, చిట్యాల గంగన్న,సంతోష్, కాడే సంతోష్, కాంగ్రెస్ కౌన్సిలర్లు, నాయకులు, కార్యకర్తలు పాల్గొన్నారు.

చిత్రం న్యూస్, ఆదిలాబాద్:TVTA (Technical Vocational Teachers Association) ఆదిలాబాద్ జిల్లా అధ్యక్షుడిగా మోడల్ స్కూల్ జైనథ్ కు చెందిన వొకేషనల్ టీచర్ సయ్యద్ సబ్దర్ అజీజ్ ఏకగ్రీవంగా ఎన్నికయ్యారు.  జనరల్ సెక్రటరీగా మోడల్ స్కూల్ బోథ్‌కు చెందిన వొకేషనల్ టీచర్ పల్లికొండ సాయికృష్ణ ఎన్నికయ్యారు.ఈ ఎన్నికలు TVTA రాష్ట్ర ఎన్నికల కమిటీ ఆధ్వర్యంలో సాఫీగా నిర్వహించబడ్డాయి. జిల్లా స్థాయి నాయకత్వానికి ఈ ఇద్దరు నాయకులు ఏకగ్రీవంగా ఎన్నిక కావడం పట్ల సభ్యులు ఆనందం వ్యక్తం చేశారు. ఈ సందర్భంగా సయ్యద్ సబ్దర్ అజీజ్ మాట్లాడుతూ.. తమపై ఉంచిన నమ్మకానికి సభ్యులందరికీ హృదయపూర్వక కృతజ్ఞతలు తెలిపారు. వొకేషనల్ టీచర్ల సమస్యల పరిష్కారానికి కృషి చేస్తానని, సంఘాన్ని మరింత బలోపేతం చేయడానికి కట్టుబడి ఉన్నానని తెలిపారు. జనరల్ సెక్రటరీగా ఎన్నికైన సాయికృష్ణ సభ్యుల సహకారంతో సంఘ అభివృద్ధికి పని చేస్తానని పేర్కొన్నారు.TVTA రాష్ట్ర ఎన్నికల కమిటీ సభ్యులు ఈ సందర్భంగా ఇద్దరు నాయకులను అభినందించారు.

చిత్రం న్యూస్, ఉట్నూర్: మే 24న నిర్వహించే చలో దిల్లీ కార్యక్రమాన్ని విజయవంతం చేయాలని  రాయిసెంటర్ జిల్లా అధ్యక్షులు మెస్రం దుర్గు పటేల్ పిలుపునిచ్చారు. మతం మారిన ఆదివాసులను ఎస్టీ జాబితా నుండి తొలగించాలని డిమాండ్‌తో గిరిజన సురక్ష మంచ్ ఆధ్వర్యంలో ఉట్నూర్‌లో “చలో దిల్లీ” పోస్టర్ ఆవిష్కరణ కార్యక్రమం నిర్వహించారు. ఈ సందర్భంగా ఆయన మాట్లాడుతూ..మే 24న జరిగే “చలో డిల్లీ” కార్యక్రమాన్ని విజయవంతం చేయాలని పిలుపునిచ్చారు. జిల్లాలోని 9 ఆదివాసీ తెగల పెద్దలు, రాయిసెంటర్ సార్మెడీలు, పటేల్, దేవరీ, మహాజన్, గ్రామ సర్పంచ్‌లు, అన్ని సంఘాల నాయకులు ఈ కార్యక్రమంలో పాల్గొని విజయవంతం చేయాలని కోరారు. జిల్లా నుండి వేల సంఖ్యలో ఆదివాసీ బంధువులను దిల్లీకి తీసుకెళ్లాలని ఆయన తెలిపారు. ఈ కార్యక్రమంలో నైతమ్ శంకర్, సట్ల అశోక్, జైవంత్రావు మహారాజ్, తెకం సంతోష్, మోహన్, కిరణ్ తదితరులు పాల్గొన్నారు.

చిత్రం న్యూస్, బేల: సిర్సన్న గ్రామంలోని జై మల్హర్ యూత్ ఆధ్వర్యంలో పుణ్యశ్లోక అహల్యాబాయి హోల్కర్ విగ్రహ ప్రతిష్టాపన కోసం ఘనంగా భూమి పూజ నిర్వహించారు. గ్రామంలో విగ్రహాన్ని ఏర్పాటు చేయాలనే సంకల్పంతో యూత్ సభ్యులు ఈ కార్యక్రమాన్ని చేపట్టారు. ఈ కార్యక్రమంలో యూత్ సభ్యులు అముల్,సాహిల్, అంకిత్, గ్రామస్తులు సురేష్ రెడ్డి, దీపక్ గౌడ్, భూమన్న,సుభాష్, దేవేందర్ ,భూమరెడ్డి తదితరులు పాల్గొని ప్రత్యేక పూజలు నిర్వహించారు. గ్రామాభివృద్ధిలో భాగంగా ఇటువంటి ఆధ్యాత్మిక,  స్ఫూర్తిదాయక కార్యక్రమాలు చేపట్టడం పట్ల హర్షం వ్యక్తం చేశారు.