చిత్రం న్యూస్, బేల: ఇటీవల మహారాష్ట్ర, తెలంగాణ మొక్కల మధ్య సంబంధాలు, జీవ వైవిధ్యం మొదలైనవి వివరిస్తూ మహారాష్ట్ర నుండి డా సారిక నందకిశోర్ సంగెకర్ తెలంగాణ నుండి డా.వేముగంటి వరప్రసాద్ రావు రచించిన గ్రంథం ఎంతో స్ఫూర్తి దాయకమని మహారాష్ట్రలో ఒక సదస్సులో  డా. బాబా సాహెబ్ అంబేద్కర్ యూనివర్సిటీ పరిధిలోని శ్రీ యోగీశ్వరి మహావిద్యాలయ్ లో సీనియర్లు అభినందించారు. ఇది చాలా మంచి గ్రంథము అని భవిష్యత్తులో ఇంకా వీరు పరిశోధనలు కొనసాగించి జీవవైవిధ్య పరిరక్షణకు ముందుకుపోవాలన్నారు. ఈ కార్యక్రమంలో యోగేశ్వరి ఎడ్యుకేషన్ సొసైటీ అధ్యక్షుడు చంద్రశేఖర్ బర్దాపుర్కర్, వైస్ ప్రెసిడెంట్ జి.బి.వ్యాసుడు, డైరెక్టర్ అడ్వా కళ్యాణి విరాధే,, కార్యదర్శి కమలాకర్ చౌసల్కర్, జాయింట్ సెక్రటరీ భీమశంకర్ శేతే,  కళాశాల ఇంచార్జి L. K. గోలెగావ్కర్, ప్రిన్సిపాల్ డా. M.V. కనెట్కర్, వైస్ ప్రిన్సిపాల్ డా. R.V. కులకర్ణి, కార్యాలయ సూపరింటెండెంట్ అజయ్ చౌదరి పాల్గొన్నారు.

చిత్రం న్యూస్,జైనథ్:ఆదిలాబాద్ జిల్లా జైనథ్ మండల కేంద్రంలోని చారిత్రాత్మక శ్రీ లక్ష్మీ నారాయణ స్వామి ఆలయంలో శనివారం ఆదిలాబాద్ నియోజకవర్గ ఆత్మ కమిటీ చైర్మన్ గిమ్మ సంతోష్ రావు దంపతులు ప్రత్యేక పూజలు నిర్వహించారు. ఈ సందర్భంగా వారు ఆలయంలో అత్యంత భక్తిశ్రద్ధలతో శ్రీ సత్యనారాయణ స్వామి వ్రతం ఆచరించారు. లోకకళ్యాణార్థం  నియోజకవర్గ ప్రజలు సుఖసంతోషాలతో ఉండాలని ఆకాంక్షిస్తూ ఈ వ్రతాన్ని నిర్వహించినట్లు వారు తెలిపారు. అనంతరం ఆలయ కమిటీ మాజీ చైర్మన్ అడ్డి రూకేష్ రెడ్డి  గిమ్మ సంతోష్ రావు దంపతులను శాలువాతో ఘనంగా సన్మానించి, తీర్థప్రసాదాలు అందజేశారు.

చిత్రం న్యూస్, ఆదిలాబాద్: కాంగ్రెస్ పార్టీ సీనియర్ నాయకులు మంచాల పోతన్న పెద్దకర్మ కార్యక్రమానికి కాంగ్రెస్ నేతలు లోక ప్రవీణ్ రెడ్డి, డేరా కృష్ణారెడ్డి హాజరయ్యారు. శుక్రవారం ఆదిలాబాద్ రూరల్ మండలం అనుకుంట గ్రామంలోని స్వగృహనికి వెళ్లి ఆయన చిత్రపటానికి పూలమాలలు వేసి ఘనంగా నివాళులర్పించారు. అనంతరం వారి కుటుంబ సభ్యులను పరామర్శించి ప్రగాఢ సానుభూతిని తెలిపారు. ఆయనతో అనుబంధంగా ఉన్న రోజులను గుర్తు చేసుకున్నారు. ఆయన మరణం పార్టీకి తీరని లోటని పేర్కొన్నారు.

చిత్రం న్యూస్, బాసర: నిర్మల్ జిల్లా బాసర మండల కేంద్రంలో శ్రీ జ్ఞాన సరస్వతి పుణ్యక్షేత్రంలో శ్రీరామ నవమి వేడుకలు అంగరంగ వైభవంగా కొనసాగుతున్నాయి. శ్రీరాముని ఉత్సవ విగ్రహం శోభాయాత్రలో యువకు ఉత్సాహంగా పాల్గొన్నారు. హరే రామ హరే రామ.. రామ రామ హరే హరే.. జై శ్రీరామ్ అంటూ నినాదాలతో ముందుకు సాగారు. పురవీధుల్లో మహిళలు మంగళ హారతులతో ఘనంగా స్వాగతం పలికారు. శోభాయాత్రలో అంజన్న స్వాములు. వేద పండితులు, గ్రామస్తులు, పెద్దలు, యువకులు పాల్గొన్నారు.

చిత్రం న్యూస్, బేల: ఆదిలాబాద్ జిల్లా బేలలో శ్రీరామ నవమి సందర్భంగా సీతారాముల కళ్యాణం అత్యంత వైభవోపేతంగా, రమణీయంగా జరిగింది. మండల కేంద్రంతో పాటు డోప్ఠాల, మసాల ( బి ) గ్రామాల్లో భక్తుల సమక్షంలో అభిజిత్ లగ్నంలో స్వామివారి కళ్యాణం కన్నుల పండువగా సాగింది.రామయ్య తండ్రి, సీతమ్మ తల్లికి ప్రత్యేక అలంకరణలు, అర్చనలు చేశారు. ఆయా గ్రామాల్లో భక్తుల జయ జయ ద్వానాలతో ఆలయ ప్రాంగణాలు శ్రీరామ నామస్మరణతో  మార్మోగింది..రాముడు పుట్టిన రోజు వేడుక, పట్టాభిషిక్తుడైన వేడుక ఒకే రోజున కావడంతో జన్మోత్సవం, కళ్యాణోత్సవం వేడుకలు నిర్వహిస్తామని పండితులు తెలిపారు. లోకంలో ఎవరికీ లేని 16 సుగుణాలన్నీ ఒక్క శ్రీరాముడికే ఉన్నాయని, ధర్మానికి ప్రతిరూపుడని, ఆయన పాలన రామరాజ్యంగా ప్రజ్వరిల్లిందని పేర్కొన్నారు. అందుకే రాముడిని సకల గుణ సంపన్నుడిగా అభివర్ణిస్తారని కొనియాడారు. భక్తులు స్వామి వారి కల్యాణం తిలకించి తీర్థ ప్రసాదాలు స్వీకటించారు. అనంతరం అన్నదానం కార్యక్రమంలో పాల్గొన్నారు. భక్తులు పెద్ద ఎత్తున తరలివచ్చారు.

చిత్రం న్యూస్, భోరజ్: శ్రీరామ నవమి పర్వదినాన్ని పురస్కరించుకుని భోరజ్ మండల కేంద్రంలోని శ్రీరామాలయంలో ఆదిలాబాద్ నియోజకవర్గ ఆత్మ కమిటీ చైర్మన్ గిమ్మ సంతోష్ రావు ప్రత్యేక పూజలు నిర్వహించారు. ఈ సందర్భంగా అన్నదాన కార్యక్రమానికి కంది శ్రీనివాస రెడ్డి తరుపున విరాళం అందజేశారు. అనంతరం సంతోష్ రావును గ్రామస్థులు శాలువాతో ఘనంగా సత్కరించారు.ఈ కార్యక్రమంలో రాజా రెడ్డి, శైలేష్ రెడ్డి, ప్రకాష్, వినోద్, శరత్, సాయి, నారాయణ, మల్లన్న, ప్రశాంత్, దర్శనాల అశోక్, కదరపు దేవిదాస్, అరికిల్ల అరవింద్, పలువురు గ్రామస్థులు పాల్గొన్నారు.