చిత్రం న్యూస్, ఇచ్చోడ: ఆదిలాబాద్ జిల్లా ఇచ్చోడ మండల పరిధిలో ఐపీఎల్ (క్రికెట్) బెట్టింగ్ నిర్వహిస్తున్న 10 మంది వ్యక్తులపై కేసు నమోదు చేసి రిమాండ్ కు తరలించినట్టు ఇచ్చోడ సీఐ బండారి రాజు తెలిపారు. ఆయన తెలిపిన వివరాలిలా ఉన్నాయి. సోమవారం ఉదయం 10 గంటలకు ఇచ్చోడ మండల పరిధిలోని బృందావన్ కాలనీ ప్రాంతంలో ఎంప్లాయిస్ కాలనీ కి చెందిన గొలుసుల విజయ్ అను వ్యక్తి ఇచ్చోడలోని తన స్నేహితులు దండుగుల మురళి, జాదవ్ రాము, కాంబ్లే ఆకాష్, సిడాం రవి, కాంబ్లే రాజ్‌కుమార్, కాంబ్లే అరుణ్, దాసన్న దేవాల, కాంబ్లే శశి కుమార్, సీపెల్లి శ్రీనివాస్ అను వ్యక్తులు చిట్టీల రూపంలో IPL బెట్టింగ్ నిర్వహిస్తున్నారనే విశ్వసనీయ సమాచారం మేరకు, ఇచ్చోడ పోలీస్ సిబ్బంది అక్కడికి చేరుకొని బెట్టింగ్ నిర్వహిస్తున్న విజయ్ అతనితో పాటు బెట్టింగ్ లో పాల్గొంటున్న వ్యక్తులను పట్టుకొని పంచనామా నిర్వహించామన్నారు.3 మోటార్ సైకిళ్లు, 9 మొబైల్ ఫోన్లు, రూ.4470 నగదు స్వాధీనం చేసుకొని పోలీస్ స్టేషన్ కు తరలించి కేసు నమోదు చేసి వ్యక్తులను రిమాండ్ కు తరలించామని ఆయన పేర్కొన్నారు. దేశంలో IPL(cricket) నడుస్తుందటంతో అమాయకపు ప్రజలను మోసం చేసి ఎలాగైనా తక్కువ సమయంలో ఎక్కువ డబ్బులు సంపాదించాలనే ఉద్దేశంతో చిట్టీల రూపంలో గాని, ఆన్లైన్ లో గాని, బెట్టింగ్ యాప్స్ రూపంలో గానీ మరి ఏవైనా ఇతర విధంగా బెట్టింగ్ నిర్వహిస్తే చట్టపరంగా కఠిన చర్యలు తీసుకుంటామని సీఐ రాజు హెచ్చరించారు.

చిత్రం న్యూస్, ఆదిలాబాద్: ఆదిలాబాద్‌లోని శ్రీ కొండా లక్ష్మణ్ తెలంగాణ ఉద్యాన విశ్వ విద్యాలయ పరిధిలోని ఉద్యాన పాలిటెక్నిక్ కళాశాలలో మంగళ వారం ఉదయం 11:00 గంటలకు మామిడి (208 చెట్లు), నిమ్మ (30 చెట్లు) ఫలసాయపు హక్కుల కోసం కౌలు వేలం (ఓపెన్ ఆక్షన్) నిర్వహించనున్నట్లు కళాశాల వైస్ ప్రిన్సిపాల్ డా. కె. ప్రభావతి తెలిపారు. వేలంలో అత్యధిక ధర పలికిన వారికి మాత్రమే ఫలసాయపు హక్కులు షరతులకు లోబడి ఇవ్వనున్నామన్నారు. ఔత్సాహికులు వేలంలో (ఓపెన్ ఆక్షన్) పాల్గొని సద్వినియోగం చేసుకోవాలని ఆమె కోరారు.

చిత్రం న్యూస్, జైనథ్: విద్యార్థులు కేవలం పుస్తక జ్ఞానానికి పరిమితం కాకుండా ప్రాక్టికల్ నైపుణ్యలను పెంపొందించుకోవలని జైనథ్ మోడల్ స్కూల్, జూనియర్ కళాశాల ప్రిన్సిపాల్ రాము సూచించారు. కళాశాలలో వృత్తి విద్య సమ్మర్ ఇంటర్నషిప్ -2026 ను వారు ప్రారంభించారు. ఈ సందర్భంగాఆయన మాట్లాడుతూ..పరిశ్రమలకు అనుగుణంగా తీర్చిదిద్దేందుకు దోహదపడుతుందని వృత్తి విద్య అధ్యాపకుడు సయ్యద్ సబ్దార్ అజీజ్ అన్నారు. ఈ కార్యక్రమంలో ఓసీయన్ కంప్యూటర్ ఎడ్యుకేషన్ యజమాని మహేష్, ఫ్యాకల్టీ వినోద్ పారిక్, పాల్గొన్నారు.

చిత్రం న్యూస్, భోరజ్: ఆదిలాబాద్ జిల్లా భోరజ్ మండలంలోని గూడ గ్రామంలో  లబ్ధిదారురాలు గంగబీ నూతనంగా నిర్మించుకున్న ఇందిరమ్మ ఇల్లు గృహప్రవేశం కార్యక్రమంలో ఆదివారం డీసీసీ ఉపాధ్యక్షుడు దీపక్ రావు, రాష్ట్ర యూత్ కార్యదర్శి రంగినేని శాంతన్ రావు, కాంగ్రెస్ నాయకులు పాల్గొన్నారు. లబ్ధిదారు గంగబీ-దస్తగిరి దంపతులకు సారె అందజేశారు. వారిని ఘనంగా సన్మానించారు. అనంతరం భోరజ్  మండల కేంద్రంలో  సీసీ రోడ్డు నిర్మాణానికి భూమిపూజ చేశారు. నాయకులు మామిడి మల్లారెడ్డి, భూమారెడ్డి, నిమ్మల ప్రభాకర్, భూతం ఆశారెడ్డి, పొట్ట అశోక్, ప్రకాష్ రెడ్డి, అమర రమేష్ తదితరులు పాల్గొన్నారు.

చిత్రం న్యూస్, భోరజ్: ఆదిలాబాద్ జిల్లా పిప్పర్వాడ గ్రామంలో గత కొన్ని రోజుల క్రితం రైతు ఆత్మహత్య చేసుకున్న నలగంటి దేవన్న కుటుంబానికి రూరల్ డెవలప్మెంట్ సర్వీస్ సొసైటీ ద్వారా రూ.50 వేలు ఆర్థిక సాయం అందజేశారు. జీవనోపాధి కోసం అందజేసిన నగదు తో కొనుగోలు చేసిన అయిదు మేకలను నలగంటి సుజాతకు అందజేశారు. ఈ నగదు అందడానికి  రైతు స్వరాజ్య వేదిక అధ్యక్షులు సంగెపు బొర్రన్న, కిసాన్ మిత్ర కోఆర్డినేటర్ ఆవుల రాకేష్, గ్రామ సర్పంచ్ నోముల సంతోష్ రెడ్డిలు కృషి చేయడంతో ఈ సందర్భంగా బాధిత కుటుంబం కృతజ్ఞతలు తెలిపారు.