కుమురం భీం ఆశయ సాధనకు కృషి చేయాలి “తుల శ్రీనివాస్ వెల్ఫేర్ సొసైటీ అధ్యక్షులు, మాజీ ఎంపీపీ తుల శ్రీనివాస్

చిత్రం న్యూస్, సొనాల : ఆదిలాబాద్ జిల్లా సొనాల మండలంలోని మారుమూల గ్రామాలైన మహధుగూడ, కేశవ్ గూడ, పార్డి (బి), పార్డి (కే ), ఘన్ పూర్, టివిటి, పరుపులపల్లె గ్రామాలలో తుల శ్రీనివాస్ వెల్ఫేర్ సొసైటీ ఆధ్వర్యంలో సొంత నిధులతో.చేపట్టనున్న కుమురం భీం విగ్రహాల నిర్మాణం కోసం మాజీ ఎంపీపీ తుల శ్రీనివాస్ మంగళవారం భూమిపూజ చేశారు. ఈ సందర్భంగా మాజీ ఎంపీపీ తుల శ్రీనివాస్ మాట్లాడుతూ..కుమురం భీం  ఆశయాలను ప్రతి ఆదివాసి గ్రామాలకు చేరాలని, ఆయన ఒక వ్యక్తి కాదు శక్తి, అందరి ఆరాధ్య దైవమన్నారు. ఆగస్టు 9న ప్రపంచ ఆదివాసీ దినోత్సవం రోజున హామీ ఇవ్వడం జరిగిందని, నెల రోజులలో అన్ని గ్రామాల్లో  కుమురం భీం విగ్రహాల కోసం భూమిపూజ చేసుకోవడం చాలా సంతోషం అన్నారు. కార్యక్రమంలో పార్డి (బి) రాయి సెంటర్ సర్మేడీ తొడసం లక్ష్మణ్ , ఐటీడీఏ మాజీ డైరెక్టర్ మెస్రం భూమన్న, సర్పంచుల సంఘం అధ్యక్షుడు శ్రీధర్ రెడ్డి, సోషల్ మీడియా కన్వీనర్ భీంరావు పాటిల్, మాజీ సర్పంచ్ సురేందర్ యాదవ్, దేవేందర్, సురేష్, గ్రామ పటేల్ లు సిడం అమృత్ రావ్, కోవ జైత్తు, ఆత్రం, పంద్రం జైతు, మాడావి బాపురావు, పురుషోత్తం, ఆదివాసీ మాజీ సర్పంచులు జమున, మారుతి, కోవ. కిషన్, భగవత్ రావు , నాగేష్, కొడప దేవిదాస్, బీఆర్ఎస్ నాయకులు యార్ల సుధీర్ రెడ్డి, అభిలాష్, చిన్నయ్య, సోమన్న, హరీష్ , సుగుణాకర్ , ప్రమోద్ , షేక్ ఆసిఫ్, గంగమల్లు, గిరిజన మహిళలు, యువకులు, ప్రజలు పాల్గొన్నారు.

ఆదిలాబాద్ నియోజకవర్గ గ్రామాల అభివృద్ధికి రూ.13.78 కోట్లు విడుదల

చిత్రం న్యూస్, ఆదిలాబాద్: ఆదిలాబాద్ నియోజకవర్గ గ్రామాల్లోని పలు కాలనీలలో అభివృద్ధి పనుల కోసం ఎస్సీ సబ్ ప్లాన్ కింద రూ.13.78 కోట్లు నిధులు విడుదల అయ్యాయని ఎమ్మెల్యే పాయల్ శంకర్ పేర్కొన్నారు. గత కొన్ని సంవత్సరాల నుంచి కాలనీలో మురికి కాలువలు ఇతర రోడ్ల అభివృద్ధి కోసం పలు గ్రామాల నుంచి వచ్చిన వినతి మేరకు నిధుల విడుదలకై ప్రతిపాదించగా నియెజకవర్గానికి ఎస్సీ సబ్ ప్లాన్ కింద నిధులు విడుదల కావడంతో అభివృద్ధి పనులకు మార్గం సుగమం అయిందని పేర్కొన్నారు. ఈ సందర్భంగా అదిలాబాద్ ఎమ్మెల్యే పాయల్ శంకర్ కు ఎస్సీ కులస్తులు ప్రత్యేక కృతజ్ఞతలు తెలిపారు.

ఘనంగా కాళోజీ జయంతి వేడుకలు

చిత్రం న్యూస్, బేల: ఆదిలాబాద్ జిల్లా బేల మండల కేంద్రంలోని కీర్తన డిగ్రీ కాలేజీలో కాళోజీ నారాయణ రావు  జయంతి పురస్కరించుకుని తెలంగాణ భాష దినోత్సవం వేడుకలు మంగళవారం  ఘనంగా నిర్వహించారు. ఈ సందర్భంగా ప్రిన్సిపల్ డా.వరప్రసాద రావు మాట్లాడుతూ.. తెలంగాణ యాస, భాష ఒకప్పుడు పూర్తిగా నిర్లక్యానికి గురి చేయబడిందనీ, మన ప్రభుత్వం వచ్చిన తరువాత వరంగల్ లోని ఆరోగ్య విశ్వ విద్యాలయం కు కాళోజీ పేరు పెట్టుకోవడం జరిగిందన్నారు. ప్రతి ఒక్కరు మన  భాష, మన యాసలో మాట్లాడాల్సిన అవసరం ఎంత అయిన ఉందన్నారు. తెలుగు అధ్యాపకులు గెడం సంజీవ్ ని సన్మానించారు. ఈ కార్యక్రమంలో వైస్ ప్రిన్సిపల్ డా. గెడం ప్రవీణ్, అడ్మినిస్ట్రేషన్ అధికారి సాగర్, ఐసీసీ చైర్మన్ పుష్ప,  ఐసీసీ సభ్యులు ప్రియాంక, సీనియర్ అధ్యాపకులు కిష్టారెడ్డి, ఆమోల్, బిందు, సౌందర్య, విజయ, అనికేత్తదితరులు పాల్గొన్నారు.

ఉత్తమ ఉపాధ్యాయునికి సన్మానం

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలంలోని కుమారి గ్రామానికి చెందిన వొర్స రాజేందర్ సేవలకు గాను జిల్లా ఉత్తమ ఉపాధ్యాయ అవార్డును ఆదిలాబాద్ కలెక్టర్ రాజర్శి షా చేతుల మీదుగా  ఇటీవల అందుకున్నారు. వొర్స రాజేందర్ తలమడుగు మండల కేంద్రంలోని జిల్లా పరిషత్ ఉన్నత పాఠశాలలో  ఉపాధ్యాయుడిగా విధులు నిర్వహిస్తున్నారు. క్రమశిక్షణ విలువలతో విద్యను అందిస్తూ విద్యార్థులకు భవిష్యత్తు పట్ల మార్గ నిర్దేశం చేసినందుకు గాను అవార్డు అందుకున్నారు. విషయం  తెలుసుకున్న ప్రముఖ నిర్మాత, హోమియో వైద్యులు డాక్టర్ రవికిరణ్ యాదవ్ జిల్లా యాదవ సంఘo ఆధ్వర్యంలో ఆయనకు సన్మానం చేశారు. ఈ కార్యక్రమంలో అసుర హన్మాండ్లు యాదవ్, మంచాల మల్లయ్య యాదవ్, నర్ర నవీన్ యాదవ్, వేణుగోపాల్ యాదవ్, గొర్ల రాజు యాదవ్, పురుషోత్తం యాదవ్,  సల్ల విజయ్ బాబు,  నారకట్ల రాములు యాదవ్ తదితరులు ఉన్నారు.

విద్యుదాఘాతానికి యువకుడు మృతి

చిత్రం న్యూస్, కడెం: నిర్మల్ జిల్లా కడెం మండలంలోని కొండుకూర్ (Kondukur) గ్రామానికి చెందిన సంఘం రాజేందర్ (37) అనే యువకుడు విద్యుదాఘాతంతో  మంగళవారం దుర్మరణం చెందాడు. స్థానికులు తెలిపిన వివరాల ప్రకారం.. మండలంలోని కొండుకూర్ కు చెందిన‌ సంఘం రాజేందర్ ఉదయం పొద్దుటూరి సంజీవరెడ్డి పొలంలో గడ్డి కోయడానికి వెళ్లాడు. గడ్డి కోసే యంత్రానికి  వైర్ తగలడంతో రాజేందర్ విద్యుదాఘాతానికి గురై  అక్కడికక్కడే మృతి చెందాడు. మృతుడికి  భార్య, ఓ కుమారుడు, ఓ కుమార్తె ఉన్నారు. గ్రామంలో కూలీ పని చేసుకుంటూ కుటుంబాన్ని పోషిస్తున్న రాజేందర్ కరెంట్ షాక్‌తో మృతి చెందడంతో వారి కుటుంబ సభ్యులు కన్నీరు మున్నీరయ్యారు. బంధువుల రోదనలు మిన్నంటాయి. గ్రామంలో విషాద‌ఛాయ‌లు అలుముకున్నాయి.

ఇచ్చోడ ఆటో యూనియన్ నూతన కార్యవర్గానికి సన్మానం

*సన్మానించిన బోథ్ ఎమ్మెల్యే అనిల్ జాదవ్

చిత్రం న్యూస్, నేరడిగొండ: ఆదిలాబాద్ జిల్లా ఇచ్చోడ మండలంలో నూతనంగా ఎన్నుకోబడిన ఆటో యూనియన్ కార్యవర్గం  బోథ్ ఎమ్మెల్యే అనిల్ జాదవ్ ను సోమవారం మర్యాద పూర్వకంగా కలిశారు. ఈ సందర్భంగా బోథ్ ఎమ్మెల్యే అనిల్ జాదవ్ నూతన కార్యవర్గాన్ని సన్మానించి శుభాకాంక్షలు తెలిపారు. యూనియన్ మండల అధ్యక్షుడిగా ఎన్నికైన హుస్సేన్ ని అభినందించారు.