గంగాధర్ కుటుంబానికి రూ.5 లక్షల చెక్కును అందజేస్తున్న మంత్రి జూపల్లి కృష్ణారావు, ఎమ్మెల్యే వెడ్మ బొజ్జు పటేల్
చిత్రం న్యూస్, కడెం: నిర్మల్ జిల్లా కడెం మండలం కన్నాపూర్ గ్రామానికి చెందిన గంగాధర్ కుటుంబ సభ్యులకు ప్రభుత్వం నుండి ఆర్థిక సహాయంగా రూ.5 లక్షల చెక్కును ఎక్సైజ్, టూరిజం మంత్రి జూపల్లి కృష్ణారావు, ఖానాపూర్ ఎమ్మెల్యే వెడ్మ బొజ్జు పటేల్ తో కలిసి కలెక్టర్ కార్యాలయంలో గురువారం అందజేశారు. ఈ సందర్భంగా వారు మాట్లాడుతూ.. భారీగా కురిసిన వర్షాల కారణంగా కడెం ప్రాజెక్టు నిండడంతో వరద నీరును దిగువ ప్రాంతానికి పంపే క్రమంలో కడెం డ్యామ్ గేట్లను ఎత్తడంతో ఆ వరద ప్రవాహానికి గంగాధర్ వరద నీటికి కొట్టుకుపోయారు. ఆచూకీ దొరకపోవడంతో ప్రభుత్వం నుండి కుటుంబ సభ్యులకు ఆర్థిక సహాయంగా రూ.5 లక్షలను అందజేశామని, అలాగే కుటుంబ సభ్యులలో ఒకరికి ఔట్ సోర్సింగ్ ఉద్యోగం, ఇందిరమ్మ ఇల్లు అందజేసి వారి కుటుంబానికి అండగా నిలుస్తామని అన్నారు. ఈ కార్యక్రమంలో ఎమ్మెల్యే ఏలేటి మహేశ్వర్ రెడ్డి, కలెక్టర్ అభిలాష అభినవ్, అధికారులు, నాయకులు తదితరులు పాల్గొన్నారు.
కోసం ఇప్పటికే పకడ్బందీ ప్రణాళికలు సిద్ధం చేస్తున్నట్లు తెలిపారు. పుష్కరాలను విజయవంతంగా నిర్వహించేలా అన్ని శాఖలతో సమన్వయం చేస్తామని మంత్రి స్పష్టం చేశారు. బాసర ఆలయ అభివృద్ధిపై తాను ఎప్పటికప్పుడు పర్యవేక్షణ చేస్తున్నానని వివరించారు. బాసరలో 30 పడకల ఆసుపత్రి నిర్మాణానికి శంకుస్థాపన చేశారు. వరదల కారణంగా నష్టపోయిన ప్రాంతాలను సందర్శించి పరిస్థితిని సమీక్షించారు. బాసరలోని ఆర్జేయూకేటీని సందర్శించి విద్యార్థులతో మాట్లాడి వారి సమస్యలను అడిగి తెలుసుకున్నారు.
కార్యక్రమంలో ఆదిలాబాద్ ఎంపీ గోడం నగేష్, ఎమ్మెల్సీ దండే విఠల్, నిర్మల్ జిల్లా కలెక్టర్ శ్రీ అభిలాష అభినవ్, భైంసా సబ్ కలెక్టర్ అజ్మీరా సంకేత్ కుమార్, ఆలయ ఈవో అంజనా దేవి, మాజీ మంత్రి అల్లోల ఇంద్రకరణ్ రెడ్డి, కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి, మాజీ కేంద్ర మంత్రి వేణుగోపాల చారి, ముథోల్ నియోజకవర్గ ఇన్ఛార్జి నారాయణరావు పటేల్, మాజీ ఎమ్మెల్యే విఠల్ రెడ్డి, బైంసా మార్కెట్ కమిటీ చైర్మన్ ఆనందరావు పటేల్, మాజీ జడ్పీటీసీ పత్తి రెడ్డి రాజేశ్వర్ రెడ్డి, బాసర కాంగ్రెస్ పార్టీ అధ్యక్షులు రమేష్, కాంగ్రెస్ పార్టీ మండల అధ్యక్షులు ధర్మపురి చంద్రశేఖర్ తదితరులు పాల్గొన్నారు.
