ఆర్ బీ ఎస్ కే ఆధ్వర్యంలో ఉచిత వైద్య శిబిరం

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలంలోని తర్నం (కే) గ్రామంలో డాక్టర్ స్వప్న ఆర్ బీ ఎస్ కే  ఆధ్వర్యంలో ఉచిత వైద్య శిబిరం నిర్వహించారు. అనారోగ్యంతో ఉన్నవారికి రక్త నమూనాలను సేకరించి రక్త పరీక్షలు చేశారు. అనంతరం రోగులకు ఉచిత మందులు పంపిణీ చేశారు. డాక్టర్ స్వప్న రోగులతో మాట్లాడుతూ..అందరూ శుభ్రంగా ఉండాలని, ఇంటి పరిసర ప్రాంతాల్లో నీరు నిలువ లేకుండా చూసుకోవాలన్నారు. జ్వరాలు వస్తే వస్తే డాక్టర్లను సంప్రదించాలని, మూఢనమ్మకాలను నమ్మకూడదని ఎప్పుడు ఏఎన్ఎంలు అందుబాటులో ఉంటారని అవసరమైతే పెద్ద ఆసుపత్రికి పంపిస్తారని తెలిపారు. ఈ కార్యక్రమంలో ఫార్మసిస్ట్ ఓం ప్రకాష్. ఏఎన్ఎంలు సుజాత, గంగామణి, మందుల శ్యామల, అంగన్వాడీ సిబ్బంది ఉమా, ఆశ, ఆనందబాయి తదితరులు ఉన్నారు.

AISF ఆధ్వర్యంలో భగత్ సింగ్ టాలెంట్ టెస్ట్ నిర్వహణ

చిత్రం న్యూస్, బోథ్: ఆదిలాబాద్ జిల్లా బోథ్ మండల  కేంద్రంలోని ప్రభుత్వ జూనియర్ కళాశాలలో AISF ఆధ్వర్యంలో భగత్ సింగ్ టాలెంట్ టెస్ట్ –2025 నిర్వహించారు. ఈ పరీక్షలో వివిధ పాఠశాలలకు చెందిన 650 మంది విద్యార్థులు ఉత్సాహంగా పాల్గొన్నారు. ఈ పరీక్ష విద్యార్థులలో  షహీద్ భగత్ సింగ్ స్ఫూర్తి, దేశభక్తి, విద్యపై ఆసక్తి పెంచే ఉద్దేశంతో నిర్వహించారు. విద్యార్థులు పోటీ ఉత్సాహంతో పాల్గొని తమ ప్రతిభను ప్రదర్శించారు. పరీక్షా కేంద్రంలో క్రమశిక్షణతో పాటు న్యాయంగా పరీక్షలు జరిగేలా ఉపాధ్యాయులు, స్వచ్ఛందకారులు పర్యవేక్షించారు. ఆయోజకులు విద్యార్థుల స్పందనపై ఆనందం వ్యక్తం చేస్తూ, తల్లిదండ్రులు, ఉపాధ్యాయులు, శ్రేయోభిలాషులకు కృతజ్ఞతలు తెలిపారు. ఇలాంటి కార్యక్రమాలు యువతలో దేశభక్తి, బాధ్యత, విద్యపై నిబద్ధత పెంపొందించేందుకు కొనసాగుతాయని నిర్వాహకులు తెలిపారు. ఫలితాలు సెప్టెంబర్ 28న భగత్ సింగ్ జయంతి రోజున  ప్రకటించి ప్రతిభ కనబరిచిన విద్యార్థులకు బహుమతులు ప్రదానం చేయబడతాయని తెలిపారు. ఈ కార్యక్రమంలో అధ్యక్ష, కార్యదర్శి మున్సిఫ్ ప్రేమ్ సంతోష్ ముక్రముద్దీన్, సీపీఐ నాయకులు నరేష్, కార్తీక్ సాయి, శ్రీనివాస్, ఉపాధ్యాయులు, స్వచ్ఛంద సభ్యులు, తదితరులు పాల్గొన్నారు.

ఉత్తమ ఉపాధ్యాయున్ని సన్మానిస్తున్న ఎమ్మెల్యే అనిల్ జాదవ్

చిత్రం న్యూస్,నేరడిగొండ : ఆదిలాబాద్ జిల్లా ఉత్తమ ఉపాధ్యాయుడు జాదవ్అంబారావును (ఏహెచ్ఎస్ కుంటాల) నేరడిగొండ మండల కేంద్రంలో ఎమ్మెల్యే అనిల్ జాదవ్ శాలువాకప్పి సన్మానించారు. శుభాకాంక్షలు తెలిపారు. శుభాకాంక్షలు తెలిపిన బోథ్ ఎమ్మెల్యే అనిల్ జాదవ్ తో పాటు మాజీ ఎంపీపీ రాథోడ్ సజన్, మండల అధ్యక్షులు అల్లూరి శివారెడ్డి, సురేందర్ జాదవ్, రాథోడ్ నారాయణ, .గెర్జామ్ మాజీ ఎంపీటీసీ శుద్ధవర్ వెంకటేష్, మండల నాయకులు, కార్యకర్తలు, అభిమానులు, తదితరులు ఉన్నారు.

ఘనంగా కొండా లక్ష్మణ్ బాపూజీ 13వ వర్ధంతి

చిత్రం న్యూస్, బోథ్: తెలంగాణ రాష్ట్ర సాధన కోసం త్యాగం చేసిన మహానీయుడు కొండా లక్ష్మణ్ బాపూజీ అని ఆయన ఆశయ సాధనకై ప్రతి ఒక్కరూ కృషి చేయాలని బోథ్ మండల పద్మశాలి సంఘం అధ్యక్షులు ఆసాల సదాశివ్ అన్నారు. ఆదివారం కొండా లక్ష్మణ్ బాపూజీ 13వ వర్ధంతి సందర్భంగా ఆదిలాబాద్ జిల్లా బోథ్ మండలం దన్నూర్ (బీ)లో ఆయన విగ్రహానికి పూలమాల వేసి నివాళులర్పించారు. ఆయన మాట్లాడుతూ కొండా లక్ష్మణ్ బాపూజీ సేవలు మరువలేనివని, నిజాం నిరంకుశ ప్రజా వ్యతిరేక విధానాలు, స్వాతంత్ర ఉద్యమ పోరాటంతో పాటు తెలంగాణ కోసం పోరాటం చేసిన గొప్ప పోరాట యోధుడన్నారు. ఈ కార్యక్రమంలో పద్మశాలి సంఘం సభ్యులు కొండ ఎర్రన్న,  శ్రీరామ్, శంకర్, రాజేశ్వర్, గణేష్ , రవీందర్, సాయికిరణ్, మాజీ ఎంపీటీసీ సభ్యుడు  నారాయణరెడ్డి, గంగయ్య, భోజన్న, లక్ష్మణ్, కుల బాంధవులు పాల్గొన్నారు.

బోథ్ లో ముస్తాబవుతున్న దుర్గ మండపం

*శ్రీమాత ఈవెంట్స్ ఆధ్వర్యం లో అద్భుత సెట్టింగ్

*ప్రతి యేటా వినూత్న అలంకరణతో ఆకట్టుకుంటున్న మండపం

చిత్రం న్యూస్, బోథ్ : ఆదిలాబాద్ జిల్లా బోథ్ పట్టణ కేంద్రంలోని దుర్గ మండపం నవరాత్రులకు అందంగా ముస్తాబు అయింది. ప్రతి సారి వినూత్నంగా (కొత్తగా) సెట్టింగ్ తో ముందుకు వచ్చే దుర్గ మండపం ఈ సారి శ్రీ మాత ఈవెంట్స్ ఆధ్వర్యంలో కలకత్తా మాత సెట్టింగ్ తో అందంగా ముస్తాబు చేశారు. అయితే సోమవారం నుండి నవరాత్రులు ప్రారంభం అవుతాయని, సోమవారం ఉదయం 11 గంటలకు దేవి శోభాయాత్ర మొదలు అవుతుందని దుర్గ కమిటీ అధ్యక్షుడు పాలిక్ రమేష్ తెలిపారు. ప్రతి సంవత్సరం ప్రత్యేక సెట్టింగ్ అందిస్తున్న శ్రీ మాత ఈవెంట్స్ కి దుర్గ కమిటీకి తరుపున ధన్యవాదాలు తెలిపారు.

ఘనంగా బతుకమ్మ సంబరాలు

చిత్రం న్యూస్, బేల:  ఆదిలాబాద్ జిల్లా బేల మండల కేంద్రంలోని కీర్తన డిగ్రీ కాలేజ్ లో ముందస్తు బతుకమ్మ సంబరాలు ఘనంగా నిర్వహించారు. వైస్ ప్రిన్సిపల్ డా. గెడం ప్రవీణ్ ఆధ్వర్యంలో జరిగిన ఈ వేడుకల్లో విద్యార్థులు ఉత్సాహంగా పాల్గొన్నారు. ఈ సందర్భంగా సాంస్కృతిక వింగ్ ఇంఛార్జి పుష్ప మాట్లాడుతూ.. బతుకమ్మ పండుగ సైన్స్ తో ముడిపడి ఉంది అని, బతుకమ్మ పండుగ లో ఉపయోగించే తంగేడు పూలు, గునుగు పూలు నీళ్ళ లో నిమజ్జనం చేయడం వలన నీళ్ళలో ఉండే సూక్ష్మజీవులు నశించి నీళ్లు శుభ్రం అవుతాయి అని అన్నారు. ఈ కార్యక్రమంలో  ఐసీసి మెంబర్  ప్రియాంక,   సీనియర్ అధ్యాపకులు ఆమోల్, బిందు, సౌందర్య, విజయ, సంజీవ్, అనికేత్, తదితరులు పాల్గొన్నారు.