చిత్రం న్యూస్, బాసర: నిర్మల్ జిల్లా బాసర మండల కేంద్రంలో గ్రామ అభివృద్ధి కోసం ఇచ్చిన మాటను నిలబెట్టుకోవడంలో ఓటమి కూడా అడ్డంకి కాలేదని మామ్మాయి రమేష్ నిరూపించాడు. సర్పంచ్ ఎన్నికల్లో ఓటమి చెందినప్పటికీ గ్రామానికి నీటి సమస్యను పరిష్కరించాలనే సంకల్పంతో మాజీ సర్పంచ్, మాజీ ఎంపీటీసీ మామ్మాయి రమేష్ రెండు బోర్లను వేయించి గ్రామ ప్రజలకు అందుబాటులోకి తీసుకువచ్చారు. గ్రామంలో గత కొంతకాలంగా తాగునీటి కొరత తీవ్రంగా ఉంది. ఎన్నికల సమయంలో ప్రజలతో సమావేశాలు నిర్వహించిన రమేష్, తాను గెలిచినా గెలవకపోయినా గ్రామంలో రెండు బోర్లను వేయిస్తానని మాట ఇచ్చారు. అయితే ఎన్నికల్లో ఆయనకు విజయం దక్కకపోయినా, ఇచ్చిన మాటను మాత్రం మరవలేదు. తన కుమారుడు మామ్మాయి సచిన్ రెండు బోర్లను శుక్రవారం బొర్రా గణేష్ గల్లీ, ధోబి గల్లీ ప్రజలతో, యువకులతో కలిసి ప్రారంభించారు.

సచిన్ మాట్లాడుతూ..మా నాన్న సర్పంచిగా, ఎంపీటీసీగా ఎన్నో సేవలు అందించారన్నారు. నాన్న బాటలో నేను కూడా ప్రజలకు అందుబాటులో ఉండి సేవలు అందిస్తాననన్నారు. తన సొంత ఖర్చుతో గ్రామంలోని అవసరమైన బొర్రా గణేష్ గల్లీ, దోబి గల్లీ ప్రాంతాల్లో రెండు బోర్లను వేయించి, వాటిని ప్రారంభించారు. దీంతో గ్రామ ప్రజలు ఆనందం వ్యక్తం చేస్తున్నారు. ఎన్నికల్లో ఓడిపోయినా ఇచ్చిన మాట నిలబెట్టుకున్న మామ్మాయి రమేష్ ను అభినందించారు. రాజకీయాలకతీతంగా గ్రామ అభివృద్ధి కోసం పనిచేయాలనే సంకల్పంతో మామ్మాయి రమేష్ తీసుకున్న ఈ నిర్ణయం ఇతరులకు కూడా ఆదర్శంగా నిలుస్తోంది. ఈ కార్యక్రమంలో రాజేశ్వర్ దేశ్ముఖ్, గురప్ప శంకర్, వార్డ్ మెంబర్లు నానం సాయిలు, భూమన్న నాగలక్ష్మి అశోక్, ఫారుక్, గైని సాగరా గంగాధర్, బలగం శైలేష్ , మల్లేష్ వీరన్న దావరాజు ఇక్బాల్ ముల్తాన్ విక్రమ్ శీను తదితరులు ఉన్నారు.

చిత్రం న్యూస్,బాసర: నిర్మల్ జిల్లా బాసరలో శుక్రవారం ఘనంగా అంజన్న మహా పడిపూజ నిర్వహించారు. హనుమాన్ దీక్ష గురు స్వామి శ్రీనివాస్, మమ్మాయి మురళీ, ఏం.గంగేశ్ ఆధ్వర్యంలో నల్ల హనుమాన్ ఆలయ సమీపంలోని ముల్కీ లింగన్న యాదవ్ నివాసంలో పడి పూజ కనుల పండువగా జరిగింది. హనుమాన్ దీక్ష మాలధారులు, భక్తులు అధిక సంఖ్యలో పాల్గొని భక్తి శ్రద్ధలతో స్వామివారికి పూజలు నిర్వహించారు.,ఉత్సవ మూర్తికి పంచామృతాభిషేకం,,వివిధ పండ్ల రసాలతో అభిషేకాలు,తదితర పూజాకార్యక్రమాలు నిర్వహించారు.,హనుమాన్ స్వాముల భజనలతో ప్రాంగణమంతా జైశ్రీరామ్.. జై హనుమాన్ నామ స్మరణతో మార్మోగింది. అనంతరం ముల్కీ లింగన్న యాదవ్ కుటుంబ సభ్యుల తరపున హనుమాన్ స్వాములకు, భక్తులకు అన్నదానం ఏర్పాటు చేశారు.

చిత్రం న్యూస్, ముథోల్:నిర్మల్ జిల్లా ముథోల్ మండల కేంద్రంలోని ఎంపీడీఓ కార్యాలయం వద్ద Sub-Mission on Agricultural Mechanization (SMAM) వ్యవసాయ యాంత్రీకరణ పథకం కింద రైతులకు ప్రభుత్వం మంజూరు చేసిన ఆధునిక వ్యవసాయ పరికరాల పంపిణీ కార్యక్రమాన్ని ముథోల్ నియోజకవర్గ ఎమ్మెల్యే పవార్ రామారావు పటేల్ ప్రారంభించారు. ఈ సందర్భంగా లబ్ధిదారులకు 50 శాతం సబ్సిడీతో వ్యవసాయ పరికరాలను అందజేశారు. లోకేశ్వరం, బాసర, ముథోల్, తానూర్ మండలాలకు చెందిన పలు గ్రామాల రైతులకు స్ప్రే పంపులు, రోటవేటర్లు తదితర ఆధునిక వ్యవసాయ పరికరాలను ఎమ్మెల్యే చేతుల మీదుగా పంపిణీ చేశారు. వ్యవసాయ యాంత్రీకరణ ద్వారా రైతులకు కార్మిక వ్యయం తగ్గడంతో పాటు సాగు పనులు వేగంగా పూర్తవుతాయని ఆయన పేర్కొన్నారు. రైతుల సంక్షేమం, అభివృద్ధి ప్రధాన లక్ష్యమని తెలిపారు. రైతులు ఆధునిక సాంకేతికతను వినియోగించుకోవడం ద్వారా ఉత్పాదకత పెంపొందించుకోవచ్చని సూచించారు. కేంద్ర, రాష్ట్ర ప్రభుత్వలు అమలు చేస్తున్న పథకాలను సద్వినియోగం చేసుకుంటే చిన్న, మధ్య తరహా రైతులు కూడా ఆర్థికంగా బలపడతారని ఆయన అన్నారు.పెరుగుతున్న సాగు ఖర్చులు, కార్మికుల కొరత వంటి సమస్యలను దృష్టిలో పెట్టుకుని ప్రభుత్వం రైతులకు వ్యవసాయ యాంత్రీకరణ పరికరాలను సబ్సిడీపై అందిస్తోందని తెలిపారు. పరికరాల పంపిణీతో పాటు వాటి వినియోగంపై అవగాహన, సాంకేతిక సహాయం కూడా రైతులకు అందించే దిశగా చర్యలు తీసుకోవాలని అధికారులకు సూచించారు.ఈ కార్యక్రమంలో. భైంసా వ్యవసాయ మార్కెట్ కమిటీ చైర్మన్ సిందే ఆనందరావు పటేల్.స్థానిక ప్రజాప్రతినిధులు, వ్యవసాయ శాఖ అధికారులు, రైతులు, లబ్ధిదారులు పాల్గొన్నారు.

చిత్రం న్యూస్, ఆదిలాబాద్: రాష్ట్ర ప్రభుత్వం ప్రతిష్టాత్మక కార్యక్రమం “ప్రజా పాలన – ప్రగతి ప్రణాళిక” లో భాగంగా జిల్లాలో జరిగిన కార్యక్రమంలో బేల మండల సర్పంచులు కలెక్టర్‌ రాజర్షి షా ను శాలువతో సన్మానించి,పుష్పగుచ్చం అందజేశారు. ప్రజా సమస్యల పరిష్కారానికి సర్పంచులు నిరంతరం కృషి చేయాలని, మండల అభివృద్ధికి తన వంతు సహకారం ఎల్లప్పుడూ ఉంటుందని కలెక్టర్ వారికి హామీ ఇచ్చారు.ప్రభుత్వ పథకాలను ప్రజలకు చేరువ చేయడంలో కలెక్టర్ చేస్తున్న కృషిని, ముఖ్యంగా ‘ప్రజా పాలన’ కార్యక్రమం ద్వారా వచ్చిన దరఖాస్తులను త్వరితగతిన పరిష్కరించడంలో చూపుతున్న చొరవను వారు ఈ సందర్భంగా కొనియాడారు. ఈ కార్యక్రమంలో సర్పంచులు అనిల్, వినోద్, దౌలత్ రావ్ తదితరులు పాల్గొన్నారు.

చిత్రం న్యూస్, బాసర: నిర్మల్ జిల్లా బాసరలోని ట్రిపుల్ఐటీలో జరిగిన అవినీతిపై,అక్రమ అడ్మిషన్ దందా పైన ఏసీబీ అధికారులతో విచారణ జరిపించాలని డిమాండ్ చేస్తూ అఖిల భారతీయ విద్యార్థి పరిషత్ నిర్మల్ జిల్లా ఆధ్వర్యంలో ఓ ఎస్ డి. డా.మురళీ ధర్షన్ కు వినతిపత్రం అందజేశారు. ఈ సందర్భంగా నేతలు మాట్లాడుతూ.. ట్రిపుల్ ఐటీ విద్యాసంస్థలో గత 2018 నుండి 2024 వరకు ఉన్న అధికారులు రూ.వందల కోట్లు విత్ డ్రా చేసి అడ్డగోలుగా అవినీతికి పాల్పడ్డారని ఆరోపించారు. ఆర్థిక నేరాలకు పాల్పడిన వారిపై ఈడీ దర్యాప్తునకు కూడా సిఫారసు చేయించి నిందితులని కఠినంగా శిక్షించాలనీ పేర్కొన్నారు. అలాగే గత కొన్నేళ్లుగా గ్లోబల్ సీట్ల పేరుతో ట్రిపుల్ ఐటీ బాసరలో అక్రమ అడ్మిషన్ ల దందా కొనసాగుతుందని, మెరిట్ ను తుంగలో తొక్కి అక్రమంగా కొంతమంది బ్రోకర్స్/కన్సల్టెంట్స్/ఇనిస్టిట్యూషన్ నందలి కింది స్థాయి ఉద్యోగులతో కలిసి విద్యార్థుల దగ్గర డబ్బులు వసూలు చేసి ఇనిస్టిట్యూట్ కు చెల్లించకుండా ఏండ్ల తరబడి ఫీజులు పెండింగులో పెడుతూ కోట్లలో దందా సాగిస్తున్నారని వినతిపత్రంలో పేర్కొన్నారు. ట్రిపుల్ ఐటీ నిర్ణయించిన (గ్లోబల్ సీట్లకు) ఫీజులకంటే అధికంగా ఫీజులు వసూలు చేసి ప్రతిభ ఉన్న విద్యార్థులకు తీవ్ర అన్యాయం చేస్తూ, అక్రమార్కులకు కోట్ల దందాలకు అవకాశం ఇస్తున్న గ్లోబల్ సీట్ల ను వెంటనే రద్దు చేసి జనరల్ మెరిట్ సీట్లను పెంచాలని, గ్లోబల్ సీట్ల విషయంలో జరుగుతున్న అక్రమ ఫీజుల దందా పై విచారణ చేపట్టి నిందితులను కఠినంగా శిక్షించాలని ఏబీవీపీ డిమాండ్ చేస్తుందని పేర్కొన్నారు.ఈ కార్యక్రమంలో ఏబీవీపీ జాతీయ కార్యవర్గ సభ్యులు కుంట హర్షవర్ధన్, స్టేట్ హాస్టల్స్ కో కన్వీనర్ గంగా ప్రసాద్, రాష్ట్ర కార్యవర్గ సభ్యులు శివ, విగ్నేష్ ,అక్షయ్ ,మోహన్ మనీ, నాగరాజ్, తదితర కార్యకర్తలు పాల్గొన్నారు.