చిత్రం న్యూస్ ఆదిలాబాద్: ఆదిలాబాద్ జిల్లా తలమడుగు మండలం సాయిలింగి వృద్ధాశ్రమంలో ఆదివారం అడప లచ్చన్న ఆధ్వర్యంలో అన్నదాన కార్యక్రమం నిర్వహించారు. ఆయన సతీమణి గౌరు బాయి జ్ఞాపకార్థం అన్నదానం కార్యక్రమం నిర్వహించారు. ముందుగా ఆమె చిత్రపటానికి పూలమాలలు వేసి నివాళులర్పించారు. ఈ కార్యక్రమంలో వారి కుటుంబ సభ్యులు తదితరులున్నారు.

చిత్రం న్యూస్, ఆదిలాబాద్: భారత హాకీకి 100 ఏళ్లు పూర్తయిన సందర్భంగా ఆదిలాబాద్ జిల్లా కేంద్రంలోని ఇందిరా ప్రియదర్శిని స్టేడియంలో శనివారం ఘనంగా సంబరాలు నిర్వహించారు. ఈ కార్యక్రమానికి కాంగ్రెస్ సీనియర్ నాయకులు లోక్ ప్రవీణ్ రెడ్డి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ..భారత హాకీ సమాఖ్య (IHF)కు అంతర్జాతీయ హాకీ సమాఖ్య (FIH) గుర్తింపు లభించి 7 నవంబర్  2025తో వందేళ్ల మైలురాయిని చేరిందన్నారు. గ్రామీణ ప్రాంతంలో  ఉన్న క్రీడాకారులు ఇతర క్రీడలతో పాటు హాకీలోను రాణించి జాతీయ స్థాయికి ఎదగాలన్నారు. క్రీడలతో శారీరక ధారుడ్యంతో పాటు మానసికోల్లాసం  కలుగుతుందన్నారు. హాకీలో గెలిచిన క్రీడాకారులకు లోక ప్రవీణ్ రెడ్డి ట్రోఫీలను అందజేశారు. కార్యక్రమంలో  గిరిజన క్రీడల అధికారి కోరెడ్డి పార్థ సారథి, కోచ్ రాజు తదితరులు పాల్గొన్నారు.

చిత్రం న్యూస్, బేల: ఆదిలాబాద్ జిల్లా బేల మండలం కేంద్రంలో ఘనంగా తెలంగాణ రాష్ట్ర ముఖ్యమంత్రి  ఎనుముల రేవంత్ రెడ్డి జన్మదిన వేడుకలను కాంగ్రెస్ పార్టీ శ్రేణులు ఘనంగా నిర్వహించారు. కాంగ్రెస్ పార్టీ మండల అధ్యక్షులు ఫైజుల్లా ఖాన్ పార్టీ ముఖ్య నాయకులతో కలిసి కేక్ కట్ చేసి సీఎం రేవంత్ రెడ్డికి జన్మదిన శుభాకాంక్షలు తెలిపారు. ఈ సందర్బంగా ఆయన మాట్లాడుతూ.. తెలంగాణ రాష్ట్ర రెండో ముఖ్యమంత్రిగా బాధ్యతలు చేపట్టిన రేవంత్ రెడ్డి అన్ని వర్గాలకు సముచిత న్యాయం కలిపించాలనే ఉద్దేశ్యంతో ప్రజా ప్రభుత్వంను ఏర్పాటు చేసి విజయవంతంగా నడిపిస్తున్నారని పేర్కొన్నారు. రైతులకు, నిరుపేద ప్రజలకు, మహిళలకు అందరికి సంక్షేమ అభివృద్ధి పథకాలు చేరేలా ఆయన ఒక ఆశా కిరణంల వచ్చారని కొనియాడారు. ముఖ్యమంత్రి శ్రీ రేవంత్ రెడ్డి ఆయురారోగ్యాలతో నిండు నూరేళ్లు జీవించాలని ఆకాంక్షించారు. తెలంగాణ రాష్ట్రానికి మరో ఇరవై ఏండ్లు ముఖ్యమంత్రిగా సేవలు అందించాలని కోరారు. కార్యక్రమంలో బ్లాక్ కాంగ్రెస్ అధ్యక్షులు సంజయ్ గుండవార్, మాజీ  జడ్పీటీసీ రాందాస్ నాక్లే, మార్కెట్ వైస్ చైర్మన్ విలాస్ పటేల్, వామన్ వాంకడే, నాయకులు ఘన్ శ్యామ్ గవండే, సుదాం రెడ్డి, రూప్ రావు వాంఖడే, అడే శంకర్, గేడం మాదవ్, చంద్రకాంత్, కన్నె రాజు, అవినాష్ ఖడ్సే, ఘన్ శ్యామ్ గోడే, రమేష్ పటేల్, భీo రావ్, యువజన నాయకులు అవినాశ్ గోడే, సాగర్ థాక్రే, శంకర్ భోక్రే, ఓం ప్రకాష్ తదితరులు పాల్గొన్నారు.

చిత్రం న్యూస్,ఆదిలాబాద్: ఇటీవల తెలంగాణ పబ్లిక్ సర్వీస్ కమిషన్ నిర్వహించిన గ్రూప్ 2 పరీక్షలో జిల్లా సహకార శాఖలో అసిస్టెంట్ రిజిస్ట్రార్ గా ఉద్యోగం సాధించి బాధ్యతలు చేపట్టిన తలమడుగు గ్రామానికి చెందిన వి.స్వప్న ను సహకార యూనియన్ ఆధ్వర్యంలో సన్మానించి అభినందించారు. ఈ కార్యక్రమంలో టీఎన్జీవో యూనియన్ జిల్లా కార్యదర్శి ఎ.నవీన్ కుమార్ , అసిస్టెంట్ రిజిస్ట్రార్ లు ముజఫర్ హుస్సేన్, శారద, ఉద్యోగులు దినేష్, లక్ష్మీ, నయీం, తౌఫీక్, రజినీకాంత్, దీరేష్, అమరేష్, ఆశ జ్యోతి, సంజయ్ ,దేవుబాయి, రజిత, శశికళ, నరేష్ కృష్ణ రెడ్డి, తదితరులు పాల్గొన్నారు.

చిత్రం న్యూస్, బేల: అపరిచిత వ్యక్తులతో జాగ్రత్త వహించాలని జైనథ్ సీఐ శ్రావణ్ కుమార్ అన్నారు. పోలీసులు మీకోసం కార్యక్రమంలో భాగంగా బేల మండలంలోని మశాల (బి)లో  సైబర్ క్రైమ్ పై గ్రామస్థులకు అవగాహన కల్పించారు.  ఈ సందర్భంగా ఆయన మాట్లాడుతూ.. ప్రతి ఒక్కరూ సైబర్ నేరాల పట్ల అప్రమత్తంగా ఉండాలని సూచించారు. అపరిచిత వ్యక్తులు ఫోన్ చేసినప్పుడు వారి మాటలను నమ్మి వ్యక్తిగత వివరాలు, బ్యాంక్ సమాచారం, ఓటీపీ వంటి వివరాలు ఇవ్వకూడదని హెచ్చరించారు. గ్రామంలో  అనుమానిత వ్యక్తులు కనబడిన, ఆకతాయిలు వేధించిన,  ఇబ్బందులు కలిగించిన 100 డయల్ చేయాలన్నారు. పోలీసులు వచ్చి సమస్య తెలుసుకొని పరిష్కరిస్తారన్నారు. బేల ఎస్సై ఎల్. ప్రవీణ్ మాట్లాడుతూ..గ్రామంలో ఎవరైనా దేశీదారు అమ్మినా, గంజాయి విక్రయించిన, పండించిన, అసాంఘిక కార్యకలాపాలకు పాల్పడిన పోలీసులకు సమాచారం అందించాలని వివరాలు గోప్యంగా ఉంచుతామని పేర్కొన్నారు. శాంతి భద్రతల విషయంలో ఇబ్బందులు తలెత్తితే పోలీస్ స్టేషన్ కు వచ్చి నిర్భయంగా ఫిర్యాదు చేయవచ్చన్నారు. సిబ్బంది, గ్రామస్తులు తదితరులు పాల్గొన్నారు.

చిత్రం న్యూస్, సాత్నాల: విద్యార్థులకు చేయూత కార్యక్రమంలో భాగంగా ఆదిలాబాద్ జిల్లా సాత్నాల మండలం సాంగ్వి, గోండుగూడ, పాఠగూడ గ్రామాలలో గల ప్రాథమిక పాఠశాలలో విద్యార్థిని, విద్యార్థులకు నోట్ బుక్స్, స్కూల్ బ్యాగ్స్, అంగన్వాడీ పిల్లల్లకు పలకలను సామాజిక కార్యకర్త ముడుపు మౌనిష్ రెడ్డి గురువారం పంపిణీ చేశారు. ఆయన మాట్లాడుతూ.. చిన్నతనం నుంచే లక్ష్యం నిర్దేశించుకొని విద్యార్థులు చక్కగా చదువుకొని ఉన్నతంగా ఎదగాలన్నారు. ఈ కార్యక్రమంలో పాఠశాలల ప్రధానోపాధ్యాయులు ప్రభాత్ రావు, మోతిరాం, గ్రామస్తులు మాధవరావు, సంపత్ రావు, సోంజి, పొచ్చిరాం,  వెలదీ వసంతరావు, ఆత్రం భగవాన్ దాస్, చిత్రు, కిన్క శ్యామ్ రావు, ఇస్తారి,అర్జున్, బాపురావు తదితరులు పాల్గొన్నారు.