సీఎంఆర్ఎఫ్ చెక్కును అందజేసిన  బోథ్ ఎమ్మెల్యే అనిల్ జాదవ్

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండల కేంద్రంలో  సీఎంఆర్ఎఫ్ చెక్కును ఎమ్మెల్యే  అనిల్ జాదవ్ శుక్రవారం అందజేశారు. సొనాల మండలంలోని ఫుల్సింగ్ నాయక్ తాండ గ్రామానికి చెందిన కచివార్ శశికళకు మంజూరు అయిన రూ.20,500 ల విలువ గల సీఎంఆర్ఎఫ్ చెక్కును ఎమ్మెల్యే  తన నివాసంలో బాధిత కుటుంబీకులకు అందజేశారు. ఈ సందర్భంగా ఎమ్మెల్యే అనిల్ జాదవ్ మాట్లాడుతూ. పేదవారు ఎవరైనా హాస్పిటల్ బిల్లు తీసుకుని తన కార్యాలయంలో సంప్రదించాలని కోరారు. ఈ కార్యక్రమంలో సదానంద్, రాథోడ్ సజన్, శ్రీనివాస్ రెడ్డి, రవీందర్ రెడ్డి, రవి, సకారం, వసంత్ తదితరులు ఉన్నారు.

యశోదా ఫౌండేషన్ ఆధ్వర్యంలో టైలరింగ్ శిక్షణ కేంద్రం ప్రారంభం

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలం లోని గుత్పాల గ్రామంలో యశోదా ఫౌండేషన్ ఆధ్వర్యంలో టైలరింగ్ శిక్షణ కేంద్రం గురువారం ప్రారంభించారు. టైలరింగ్, శిక్షణ అనంతరం మహిళలకు ఉపాధి అవకాశాలు, ప్రభుత్వం  అమోదం పొందిన సర్టిఫికెట్  ఇవ్వడం జరుగుతుందని ఇంఛార్జి సంధ్యారాణి తెలిపారు. 30% సబ్సిడీ పైన కుట్టు మిషన్ లు ఇవ్వడం జరుగుతుందని, ఈ అవకాశాన్ని గ్రామ మహిళలు సద్వినియోగం చేసుకోవాలని ఆమె పేర్కొన్నారు. ఈ కార్యక్రమంలో గ్రామ టీచర్ అర్జున్, అంగన్వాడీ టీచర్ తిరుపతమ్మ,  టైలరింగ్ టీచర్ షాహిదా, గ్రామ మహిళలు పాల్గొన్నారు.

 నష్టపోయిన రైతులకు పరిహారం అందజేస్తాం_ డీసీసీబీ చైర్మన్  అడ్డి భోజారెడ్డి

చిత్రం న్యూస్,బేల ఇటీవల కురిసిన భారీ వర్షాలకు దెబ్బతిన్న పంట పొలాలను ఆదిలాబాద్ జిల్లా డిసీసీబీ చైర్మన్ అడ్డి భోజారెడ్డి గురువారం కాంగ్రెస్ పార్టీ నాయకులతో కలిసి సందర్శించారు. మండలంలో మనియార్ పూర్, గూడ గ్రామంలో భారీ వర్షాలు, వరదలతో నీట మునిగి నష్టపోయిన పంటలను పరిశీలించి ఎంతమేరకు నష్టం వాటిల్లిందో రైతులను అడిగి తెలుసుకున్నారు. ఆరుగాలం కష్టపడి పంటలను కంటిరెప్పలా కాపాడితే భారీ వర్షాలు, వరదలకు నీళ్ళ పాలయిందని నష్టపోయిన రైతులకు పరిహారం అందించి ఆదుకోవాలని పలువురు రైతులు చైర్మన్ ని కోరారు.ఈ సందర్బంగా డీసీసీబీ చైర్మన్ అడ్డి భోజారెడ్డి మాట్లాడుతూ.. ప్రకృతి విపత్తు వల్ల మండలంలో వేల ఎకరాల్లో పత్తి, సోయా, కంది పంటలు చాలా వరకు దెబ్బతిన్న పంట పొలాలను పరిశీలించడం జరిగిందన్నారు. రైతులు ఎవరూ కూడా అధైర్యపడొద్దని , కాంగ్రెస్ ప్రభుత్వం మానవతా దృక్పథంతో ముందుకు వచ్చిందని చెప్పారు. వరద బాధితులకు అన్ని విధాలా సహాయం అందిస్తామని జిల్లా ఇంచార్జ్ మంత్రి జూపల్లి కృష్ణ రావ్ చెప్పారన్నారు. అయితే గతంలో ఉన్న ప్రభుత్వం భారీ వర్షాలు, వరదలకు నష్ట పోయిన రైతులకు ఎప్పుడు పరిహారం ఇవ్వలేదని కానీ ఇప్పుడు ఉన్న ప్రతిపక్ష నాయకులు రైతుల తరపున మాట్లాడం చాలా విడ్డురంగా ఉందన్నారు. త్వరలో వ్యవసాయ అధికారులతో సర్వే చేపట్టి నివేదిక అందిన వెంటనే రైతులకు పరిహారం అందజేయడం జరుగుతుందని రైతులకు భరోసా నిచ్చారు. ఈ కార్యక్రమంలో గ్రామ విస్తరణ అధికారి వినయ్ కుమార్,మండల మాజీ జడ్పీటీసీ రాందాస్ నాక్లే, కాంగ్రెస్ పార్టీ యూత్ అసెంబ్లీ ఉపాధ్యక్షులు సామ రూపేష్ రెడ్డి,కాంగ్రెస్ పార్టీ మండల కిసాన్ సెల్ అధ్యక్షులు ఘన్ శ్యామ్, సీనియర్ నాయకులు సంతోష్, సాగర్, విపిన్, అవినాష్, సూర్యభాన్, కరీం తదితరులు పాల్గొన్నారు.

సొనాల ప్రాథమిక ఆరోగ్య కేంద్రాన్ని తనిఖీ  చేసిన  డీఎంహెచ్ఓ నరేందర్ రాథోడ్

చిత్రం న్యూస్, సొనాల : ఆదిలాబాద్ జిల్లా సొనాల ప్రాథమిక ఆరోగ్య కేంద్రాన్ని జిల్లా మలేరియా అధికారి డా.శ్రీధర్ తో కలిసి  డీఎంహెచ్ఓ నరేందర్ రాథోడ్ తనిఖీ చేశారు. ఆస్పత్రిలో పలు రికార్డులను పరిశీలించి సిబ్బందికి తగు సూచనలు చేశారు. విధుల పట్ల నిర్లక్ష్యం వహించరాదని, సమయపాలన పాటించాలని సూచించారు. ఆసుపత్రిలో ఓపి విభాగంలో ఎక్కువగా కేసులు నమోదవుతున్న గుట్ట పక్క తండా, గుర్రాల తండా గ్రామాలలో శానిటేషన్ పరిశీలించి ఫీల్డ్ సిబ్బందికి తగు సూచనలు చేశారు. మండల కేంద్రంలోని ఆర్ఎంపీ కేంద్రాలను పరిశీలించారు. ఆర్ఎంపీలు ప్రాథమిక చికిత్స మాత్రమే చేయాలని, అర్హతకు మించి వైద్యం చేయరాదన్నారు. ప్రాథమిక ఆరోగ్య కేంద్రం వైద్యాధికారి డాక్టర్ నవీన్ రెడ్డి, సూపర్వైజర్ కవిత, హెల్త్ అసిస్టెంట్ లింగారెడ్డి, ఏఎన్ఎం అనసూయ, ఆశా కార్యకర్తలు ఉన్నారు.

           శాశ్వత పోస్టులు భర్తీ 

చిత్రం న్యూస్, సొనాల: ఆదిలాబాద్ జిల్లా కొత్తగా ఏర్పడిన సొనాల మండల  తహసీల్దార్ కార్యాలయంలో క్యాడర్ పూర్తి స్ట్రెంత్ ను తెలంగాణ రాష్ట్ర ప్రభుత్వం సాంక్షన్ చేసిన సందర్భంగా మండల కాంగ్రెస్ నాయకులు తహసీల్దార్, సిబ్బందికి శాలువా తో సత్కరించి స్వీట్లు తినిపించారు. ఈ సందర్భంగా మండల కాంగ్రెస్ నాయకులు మాట్లాడుతూ..కొత్త మండలంలో అన్ని శాశ్వత పోస్టులు భర్తీ చేసిన ముఖ్యమంత్రి రేవంత్ రెడ్డికి, డిప్యూటీ సీఎం బట్టి విక్రమార్క, రెవెన్యూ మంత్రి ఉత్తంకుమార్ రెడ్డి, ఆదిలాబాద్ జిల్లా ఇంచార్జ్ మంత్రి జూపల్లి కృష్ణారావు, బోథ్ నియోజకవర్గ ఇన్చార్జ్ ఆడే గజేందర్, ఆదిలాబాద్ కలెక్టర్ రాజర్షి షా కు ధన్యవాదాలు తెలిపారు. సొనాల మండలం మహారాష్ట్ర సరిహద్దు ప్రాంతం కాబట్టి రక్షణ కోసం  పోలీస్ స్టేషన్ ను త్వరలో ఏర్పాటుచేయాలని ఆశాభావం  వ్యక్తం చేశారు.  కార్యక్రమంలో కాంగ్రెస్ పార్టీ సీనియర్ నాయకులు గాజుల పోతన్న, కాంగ్రెస్ పార్టీ జిల్లా సోషల్ మీడియా కన్వీనర్ రమేష్ బత్తుల, పట్టణ అధ్యక్షులు చెట్లపెళ్లి అనిల్, రామాయి రాము, కసిరే పోతన్న, బాశెట్టి సుదర్శన్, తదితరులు పాల్గొన్నారు.