బాధిత కుటుంబీకులను  పరామర్శిస్తున్న బలిరాం జాదవ్

చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలంలోని కుమారి గ్రామానికి చెందిన పోతగంటి సురేందర్, రాకేష్ ల సోదరుడు లస్మన్న ఇటీవల మృతి చెందారు. విషయం తెలుసుకున్న రాష్ట లెక్చరర్ల సంఘం ప్రధాన కార్యదర్శి బలిరాం జాదవ్ మృతిని నివాసానికి వచ్చి వృత్తికి గల కారణాలను అడిగి తెలుసుకున్నారు. కుటుంబ సభ్యులకు ప్రగాఢ సానుభూతి తెలిపారు. వీరి వెంట నేరడిగొండ మండలం బీజేపీ కన్వీనర్ ఆకుల రాజశేఖర్, ప్రశాంత్,  భోజన్న, సీతన్న, పార్ల సాయన్న తదితరులు ఉన్నారు.

దేవిదాస్ ను సన్మానిస్తున్న మున్నూరు కాపు మిత్ర సేవా సొసైటీ నాయకులు

చిత్రం న్యూస్, ఆదిలాబాద్ బ్యూరో:  స్వాతంత్ర్య దినోత్సవం సందర్బంగా తెలంగాణ రాష్ట్ర పోలీసు సేవా పథకం అవార్డు అందుకున్న ఆదిలాబాద్ పట్టణ ట్రాఫిక్ కానిస్టేబుల్ చిందం దేవిదాస్ ను మున్నూరు కాపు మిత్ర సేవా సొసైటీ నాయకులు సన్మానించారు. ఆదివారం దేవిదాస్ స్వగ్రామం ఆదిలాబాద్ రూరల్ మండలం చందా (టీ) గ్రామానికి వెళ్లి శాలువాతో సత్కరించి శుభాకాంక్షలు తెలిపారు. భవిష్యత్తు లో మరిన్ని అవార్డులు అందుకోవాలని ఆకాంక్షించారు. సన్మానించిన వారిలో మున్నూరు కాపు మిత్ర సేవా సొసైటీ అధ్యక్షులు తోట శివన్న, కోశాధికారి దంతుల మధు, సభ్యులు బొల్లు ఈశ్వర్ దాస్, జిమ్మా అడెల్లు, వడ్డి రవికాంత్, గ్రామ మున్నూరుకాపు సంఘం నాయకులు, గ్రామస్తులు గౌరు రమేష్, లంక సుదర్శన్, చిందం పెద్ద పోశెట్టి, చిందం నడిపి పోశెట్టి, అవినాష్, సాయిరాం తదితరులు ఉన్నారు.

బోథ్ ఎమ్మెల్యే అనిల్ జాధవ్ పరామర్శ

         చిత్రం న్యూస్, నేరడిగొండ: ఆదిలాబాద్ జిల్లా నేరడిగొండ మండలం చిన్న బుగ్గారం గ్రామానికి చెందిన రాథోడ్ రాజు కు హైదరాబాద్ లోని నిమ్స్ ఆసుపత్రిలో ఇటీవలే హార్డ్ సర్జరీ జరిగింది. విషయం తెలుసుకున్న ఎమ్మెల్యే అనిల్ జాధవ్ రాథోడ్ రాజు  ఇంటికి వచ్చి ఆయన ఆరోగ్య పరిస్థితి అడిగి తెలుసుకున్నారు. ఆయన వెంట మాజీ ఎంపీపీ సజన్, దేవేందర్ రెడ్డి, సురేందర్ రాథోడ్, స్థానిక మాజీ సర్పంచ్ విలాస్, ఉత్తం, మహేందర్, జక్కశ్రీధర్ రెడ్డి, అనిల్ యాదవ్, మండల నాయకులు, కార్యకర్తలు అభిమానులు తదితరులు ఉన్నారు.

*ఆదిలాబాద్ రూరల్ ఎస్సై విష్ణువర్ధన్ కుమార్తె నామకరణ కార్యక్రమంలో  పాల్గొన్న కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి

చిత్రం న్యూస్, ఆదిలాబాద్: ఆదిలాబాద్ పట్టణంలోని మినీ తనీషా ఫంక్షన్ హాల్‌లో ఆదిలాబాద్ రూరల్ ఎస్సై విష్ణువర్ధన్_ హిమబిందు దంపతుల కుమార్తె నామకరణం కార్యక్రమం ఆదివారం ఘనంగా  నిర్వహించారు. ఈ కార్యక్రమానికి కుటుంబ సభ్యులు, బంధుమిత్రులు, స్నేహితులు పెద్ద సంఖ్యలో హాజరై ఆనందాన్ని పంచుకున్నారు. ఈ కార్యక్రమానికి కిసాన్ కాంగ్రెస్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి ముఖ్య అతిథిగా హాజరై చిన్నారికి ఆశీస్సులు అందించి, తల్లితండ్రులకు శుభాకాంక్షలు తెలిపారు. చిన్నారికి దీర్ఘాయుష్షు, ఆరోగ్యంతో కూడిన సుఖసంతోషమయ జీవితాన్ని కలగాలని ఆకాంక్షించారు. శ్రీకాంత్ రెడ్డి వెంట కాంగ్రెస్ పార్టీ సీనియర్ నాయకుడు నలిమేల నవీన్ రెడ్డి, పలువురు కార్యకర్తలు తదితరులు ఉన్నారు.

పంట నష్టపోయిన ప్రతి రైతుకు న్యాయం జరిగేలా చూడాలి

చిత్రం న్యూస్ నేరడిగొండ: ఆదిలాబాద్ జిల్లా నేరడిగొండ మండలంలోని కుమారి గ్రామపంచాయతీలో గల గాంధారి శివారంలో కడెం వాగు కింద పంట కోతకు గురైన పత్తి, సోయా, మొక్కజొన్న తదితర పంటలను అసిస్టెంట్ టెక్నాలజీ మేనేజర్ శివకుమార్ పంట నష్టపోయిన  రైతులతో కలిసి సర్వే చేశారు. కుమారి వీడీసీ చైర్మన్ బిక్క గంగాధర్ అసిస్టెంట్ టెక్నాలజీ శివకుమార్ తో మాట్లాడుతూ..పంట నష్టపోయిన ప్రతి రైతుకు న్యాయం జరిగేలా చూడాలని కోరారు. వీరి వెంట రైతులు అగ్గు రమేష్. మండల ప్రవీణ్, వొర్స వివేక్, బిక్క అడేళ్ళు, జడల అభిలాష్, తుమ్మ రాకేష్, బిక్క అశోక్  తదితరులు పాల్గొన్నారు

సనాతన హిందూ ఉత్సవ సమితి సభ్యులను సన్మానిస్తున్న ముడుపు మౌనిష్  రెడ్డి

       చిత్రం న్యూస్, ఆదిలాబాద్

సనాతన ధర్మ పరిరక్షణకు ప్రతి హిందువు ఐకమత్యంగా నిలబడాలని సామాజిక కార్యకర్త ముడుపు మౌనిష్ రెడ్డి అన్నారు. శ్రీరామచంద్ర గోపాలకృష్ణ మఠంలో ఆదివారం సనాతన హిందూ ఉత్సవ సమితి సభ్యులను సన్మానించారు. ఆయన మాట్లాడుతూ.. దశాబ్దాల క్రితమే శ్రీ బాల గంగాధర్ తిలక్ హిందూ ఐక్యతకు ఎంతగానో కృషి చేశారన్నారు. ఆయన చేసిన కృషి ఫలితంగానే యువత పెద్ద ఎత్తున సంఘటితమై స్వాతంత్ర్య పోరాటంలో సైతం భాగస్వామ్యులయ్యారని తెలిపారు. అంతేకాకుండా వినాయక చవితి ఉత్సవాలను సామూహికంగా నిర్వహించడంతో ప్రజలంతా ఏకతాటిపైకి వచ్చి వేడుకల్లో పాల్గొన్నారన్నారు. ఆయన స్ఫూర్తితో సనాతన హిందూ ఉత్సవ సమితి సభ్యులు ఐకమత్యంగా హిందూ ధర్మ పరిరక్షణకు పాటు పడుతూ, గొప్పగా కార్యక్రమాలు నిర్వహిస్తుండడం అభినందనీయమని కొనియాడారు.

ముఖ్యంగా వినాయక చవితి, కార్తీక దీపోత్సవం వంటి కార్యక్రమాలు నిర్వహిస్తుండడం గొప్ప విషయం అన్నారు. రాబోయే రోజుల్లో మరిన్ని కార్యక్రమాలను చేపట్టాలని తమ తరపున అన్ని విధాలుగా సహకరిస్తామని హామీ ఇచ్చారు. అనంతరం సమితి ప్రతినిధులందరిని సన్మానించారు. వినాయక చవితిని పురస్కరించుకుని పర్యావరణ పరిరక్షణకు జిల్లా కేంద్రంలో ఈ నెల 26,27 తేదీలలో మట్టి ప్రతిమలను పంపిణీ చేయనున్నట్లు తెలియజేశారు. ఈ కార్యక్రమంలో సనాతన హిందూ ఉత్సవ సమితి గౌరవాధ్యక్షులు బండారి వామన్, అధ్యక్షులు ప్రమోద్ కుమార్ ఖత్రి ప్రధాన కార్యదర్శులు గేడం మాధవ్, పడకంటి సూర్యకాంత్, కార్య నిర్వాహక కార్యదర్శి కందుల రవీందర్, లోపు శ్రీనివాస్, మహిపాల్, సంజీవ్, రాజు, మేకల అశోక్, వెనుగంటి ప్రకాష్, సంతోష్ అగర్వాల్, సురేష్ పోడ్వాల్, పూసం ఆనందరావు,  మహిళా అధ్యక్షురాలు చౌహన్ శశికళ, ప్రధాన కార్యదర్శి మాలతి, తదితరులు పాల్గొన్నారు.