చిత్రం న్యూస్, బేల: ఆదిలాబాద్ జిల్లా బేల మండలం కొత్త సాంగిడి గ్రామానికి చెందిన యువ ఉప సర్పంచ్ జిమ్మ శేఖర్ జాతీయ యువజన దినోత్సవం పురస్కరించుకొని సోమవారం జై హనుమాన్ యూత్ కు క్రికెట్ కిట్ అందజేసి ఉదారత చాటారు. జిమ్మ శేఖర్ అతి చిన్న వయసులోనే ఉప సర్పంచ్‌గా ఎన్నికయ్యారు. గ్రామ అభివృద్ధితో పాటు యువతను క్రీడలలో ప్రోత్సహిస్తూ తన ప్రత్యేకతను చాటుతున్నారు. క్రీడల పట్ల ఆసక్తి కలిగిన ఈ యువ నాయకుడు, యువతలో ఆత్మవిశ్వాసం, ఆరోగ్యశీలతను పెంపొందించేందుకు క్రీడలను ప్రోత్సహిస్తూ ఇటీవల గ్రామ యువకులకు క్రీడా సామగ్రి (బాల్స్, కిట్లు, జెర్సీలు) అందజేశారు. యువతే గ్రామ భవిష్యత్తు. వాళ్లను శారీరకంగా, మానసికంగా బలంగా తీర్చిదిద్దడం నా బాధ్యత అని జిమ్మ శేఖర్ పేర్కొన్నారు. ఈ కార్యక్రమంలో గ్రామ పెద్దలు, యువకులు సామ శ్రీపాల్ రెడ్డి, గోహార్ కార్ సూరజ్, గోహర్ కర్ సచిన్, రాహుల్, ప్రశాంత్ రెడ్డి, వెంకటేష్, అభి గన్నే, గుమ్మడి రాహుల్, సుంకరి గజానన్,  పు రుషోత్తం, జైమని,వేదాంత్ రెడ్డి, గణేష్, తదితరులు పాల్గొన్నారు.

చిత్రం న్యూస్, బేల: ఆదిలాబాద్ జిల్లా  బేల మండల కేంద్రంలోని శివాజీ చౌక్ వద్ద ఘనంగా రాజమాత జిజియాబాయి, స్వామి వివేకానంద జయంతి వేడుకలను సోమవారం ఘనంగా నిర్వహించారు. మండలంలోని వివిధ పార్టీలకు చెందిన ముఖ్య నాయకులు, విశ్వహిందూ పరిషత్ సభ్యులు రాజమాత జిజియాబాయి, స్వామి వివేకానంద చిత్రపటాలకు ఘన నివాళులు అర్పించారు. ఈ సందర్భంగా బేల మండల మరాఠా సంఘం అధ్యక్షుడు విఠల్ రావుత్ మాట్లాడుతూ..ప్రతి సంవత్సరం జనవరి 12న రాజమాత జిజౌ జయంతిని సంఘం ఆధ్వర్యంలో ఘనంగా జరుపుకుంటున్నామన్నారు. భారతదేశం వీరమాతలకు పేరుగొన్నది అని అటువంటి వారిలో ఛత్రపతి శివాజీ మాతృమూర్తి వీరమాత జిజియాబాయి అని అన్నారు. మరాఠా యోధుల కుటుంబంలో పుట్టిన ఆమె హిందు ధర్మ పరిరక్షణకు కృషి చేశారని అన్నారు. అదేవిధంగా స్వామి వివేకానంద జయంతిని జాతీయ యువజన దినోత్సవంగా పాటిస్తారు అని అన్నారు.వివేకానంద బోధనలు ప్రపంచ వ్యాప్తంగా ప్రతి ఒక్కరికీ ఉత్తేజ పరుస్తునే ఉన్నాయని పేర్కొన్నారు. నేటి యువత వారి అడుగు జాడల్లో నడవాలని పిలుపునిచ్చారు. ఈ కార్యక్రమంలో పలు పార్టీ లకు చెందిన ముఖ్య నాయకులు, తదితరులు పాల్గొన్నారు.

చిత్రం న్యూస్, బేల: స్వామి వివేకానందను స్ఫూర్తిగా తీసుకుని యువత ముందుకు సాగాలని ఏబీవీపీ నేత మాడవార్ హరీష్ రెడ్డి పేర్కొన్నారు. సోమవారం ఆదిలాబాద్ జిల్లా బేల మండల కేంద్రంలోని ఏబీవీపీ ఆధ్వర్యంలో వివేకానందుని చిత్రపటానికి పూలమాలలు వేసి ఘనంగా జయంతి వేడుకలు నిర్వహించారు. ఈ సందర్భంగా ఆయన మాట్లాడుతూ..యువత చేతుల్లోనే దేశ భవిష్యత్తు ఆధారపడి ఉంటుందన్నారు. యువతీ,యువకులు అన్ని రంగాల్లో రాణిస్తూ వివేకానందుని స్పూర్తితో ముందుకు సాగాలని పిలుపునిచ్చారు.నిరంతరం విద్యార్థుల సమస్యలపై పోరాటం చేసే ఏకైక సంఘం ఏబీవీపీ అని గుర్తు చేశారు. ఈ కార్యక్రమంలో బీజేపీ మండల అధ్యక్షుడు ఇంద్ర శేఖర్, నాయకులు దత్తా నిక్కం,సందీప్ ఠాక్రే, రాము బర్కడే, నవీన్ పోత్ రాజ్, ఏబీవీపీ నాయకులు శివానీత్ వార్ ఓం ప్రకాష్, రేసు మనోజ్ రెడ్డి, తరుణ్, కట్కార్ల సాయి రెడ్డి, బాలాజీ, రేసు శివ రెడ్డి, ఉప్పల్ వార్ మహేష్ తదితరులు పాల్గొన్నారు.

స్వామ

చిత్రం న్యూస్, ఆదిలాబాద్: ఆదిలాబాద్.జిల్లా కోర్టు ప్రాంగణంలోని బార్ అసోసియేషన్ ఆవరణలో న్యాయవాద పరిషత్ 2026 క్యాలెండర్ ను ఆదిలాబాద్ బార్ అసోసియేషన్ అధ్యక్షులు ఎండ్రాల నగేష్, ఆదిలాబాద్ ప్రభారి మంగులాల్ తో కలిసి సోమవారం ఆవిష్కరించారు. ఈ సందర్భంగా మంగులాల్ మాట్లాడుతూ.. న్యాయవాద పరిషత్ న్యాయవాద సమస్యల పరిష్కారం కోసం పనిచేస్తుందని నిరుపేదలకు, న్యాయసేవలు అందించడానికి కృషి చేస్తుందన్నారు.ఈ కార్యక్రమంలో అధ్యక్ష కార్యదర్శులు చంద్ర మోహన్, ఉమేష్ రావు డోలె, న్యాయవాదులు పాల్గొన్నారు.

చిత్రం న్యూస్, సాత్నాల:  గ్రామీణ క్రీడలను ప్రోత్సహిస్తూ మాజీమంత్రి జోగు రామన్న క్రీడాకారుల దాగి ఉన్న ప్రతిభను గుర్తించేలా వివిధ క్రీడలకు సంబంధించిన పోటీలకు పూర్తి సహకారాన్ని అందిస్తూ వస్తున్నారని మున్సిపల్ మాజీ చైర్మన్ జోగు ప్రేమేందర్ అన్నారు. సోమవారం సాత్నాల మండలం సైద్ పూర్ లో బీఆర్ఎస్ పార్టీ ఆధ్వర్యంలో ఏర్పాటుచేసిన క్రికెట్ టోర్నమెంట్ పోటీలను మున్సిపల్  మాజీ చైర్మన్ ప్రేమేందర్ ప్రారంభించారు. క్రీడాకారులు పరిచయం చేసుకొని అభినందనలు తెలిపారు.. క్రికెట్ ఆడుతూ క్రీడా స్ఫూర్తిని చాటారు. ముందుగా గ్రామస్తులు పూల పుష్పగుచ్ఛం అందించి స్వాగతం పలికారు.జోగు ప్రేమేందర్.. మాట్లాడుతూ గ్రామీణ క్రీడాకారులను ప్రోత్సహించాల్సిన బాధ్యత ప్రతి ఒక్కరిపై ఉందన్నారు.. జోగు ఫౌండేషన్ ప్రత్యేక క్రీడా పోటీలను ప్రోత్సహిస్తూ క్రీడాకారుల్లో ఉన్న ప్రతిభను గుర్తించడం జరుగుతుందన్నారు. ఈ క్రీడాల ద్వారా యువకులలో స్నేహపూర్వ సంబంధాలతో పాటు శారీరక మానసిక దృఢత్వం బలపడుతుందన్నారు.. ఈ కార్యక్రమంలో  దేవన్న, రోహిదాస్, దేవన్న,చరణ్ శిగ్, జాదవ్, అంకుష్, ఆత్రం అంబదాస్, అంకుష్ గీత, ప్రతాప్, రోహిదాష్ తదితరులు పాల్గొన్నారు.

చిత్రం న్యూస్, ఆదిలాబాద్:  మున్సిపల్ ఎన్నికల నేపథ్యంలో సీఎం రేవంత్ అన్న బస్తీ బాట కంది శ్రీనన్న పాదయాత్ర కార్యక్రమం నిర్వహించనున్నారు. దీనికి సంబంధించి కంది శ్రీనివాస రెడ్డి గారి క్యాంపు కార్యాలయంలో పెద్ద ఎత్తున హాజరైన కాంగ్రెస్ శ్రేణుల మధ్య పోస్టర్లను ఆవిష్కరించారు.ఈ కార్యక్రమంలో మాజీ ఎంపీ సోయం బాపురావు, డీసీసీబీ మాజీ  ఛైర్మన్ అడ్డి భోజారెడ్డి,  మున్సిపల్ మాజీ చైర్మన్ దిగంబార్ రావు పాటిల్, కాంగ్రెస్ పార్టీ నాయకులు  లోక ప్రవీణ్ రెడ్డి, సాయి చరణ్ గౌడ్, సెడ్మకి ఆనందరావు, మునిగెల నర్సింగ్, గుడిపెల్లి నగేష్, మునిగెల విఠల్, షకీల్ తదితర కార్యకర్తలు పాల్గొన్నారు..

చిత్రం న్యూస్, జైనథ్: జైనథ్ మండల కేంద్రంలో బీజేపీ నాయకులు, గ్రామ యువకులు స్వామి వివేకానంద జయంతిని సోమవారం ఘనంగా నిర్వహించారు. ఆయన చిత్రపటానికి పూలమాలలు వేసి నివాళులు అర్పించారు. అనంతరం వారు మాట్లాడుతూ.. భారతదేశ ఆధ్యాత్మిక ఖ్యాతిని ప్రపంచవ్యాప్తంగా చాటి చెప్పి, నేటి యువకులకు స్పూర్తి ప్రదాత మహానుభావుడు స్వామి వివేకానంద అని పేర్కొన్నారు. ఈ కార్యక్రమంలో బీజేపీ నాయకులు చిలుకూరి లింగారెడ్డి, జైనథ్ గ్రామ ఉప సర్పంచ్ పిడుగు సంతోష్ యాదవ్, సత్యనారాయణ, ప్రతాప్ యాదవ్, అన్నెల అశోక్, రమేష్ యాదవ్ గ్రామ యువకులు సాయి, ప్రవీణ్, శరత్ తదితరులు పాల్గొన్నారు.