_సీఐ బండారి రాజు

చిత్రం న్యూస్, ఇచ్చోడ: టెక్నాలజీ రోజు రోజుకు ఎంత పెరగిపోతున్నా.. ఇంకా కొందరు మూఢనమ్మకాలపైనే ఆధారపడుతున్నారు. అయితే.. ఇలాంటి వారిని ఆసరా చేసుకొని కొందరు దొంగ బాబాలు వారి జీవితాలను చిన్నాభిన్నం చేస్తున్నారు. ఇప్పటికే పలు చోట్ల ఫేక్‌ బాబాల నిర్వాకం వెలుగులోకి వచ్చినవే. అయితే.. ఇప్పుడు తాజాగా ఆదిలాబాద్ జిల్లా ఇచ్చోడలో ఓ ఫేక్‌ బాబా గుట్టు రట్టైంది. దీంతో.. ఆ నకిలీ బాబాను పోలీసులు అరెస్ట్‌ చేశారు. సీఐ బండారి రాజు తెలిపిన వివరాల ప్రకారం. ఇచ్చోడ మండలం కోకస్ మన్నూరు గ్రామానికి చెందిన షేక్ అహ్మద్ అమాయక ప్రజల బలహీతని ఆసరా చేసుకొని వ్యాధులను నయం చేస్తానంటూ తాయత్తులు కట్టి బురిడీ కొట్టించేవాడని అన్నారు. దీంతో నిందితుడిని పై కేసు నమోదు చేసి అరెస్టు చేసినట్లు సీఐ బండారి రాజు తెలిపారు. ప్రజలు ఇలాంటి దొంగ బాబాల మాటలు నమ్మి మోసపోవద్దని తెలిపారు. మూఢనమ్మకాలు, మంత్రాలు, చేతబడులతో మోసం చేసే వారిపై కఠిన చర్యలు తీసుకుంటామని హెచ్చరించారు.

   *జిల్లాలో 20 మంది సిబ్బందితో పటిష్టంగా విపత్తు నిర్వహణ బృందం

*వరదలు, అగ్ని ప్రమాదాలు, రోడ్డు ప్రమాదాల సమయంలో అత్యవసరంగా స్పందించేందుకు డీడీఆర్ఎఫ్ బృందం

*సాత్నాల ప్రాజెక్టు వద్ద బృంద సభ్యులతో శిక్షణలో పాల్గొని సిబ్బందికి సూచన

*అత్యాధునిక  పరికరాలకు పూజ చేసి ప్రారంభించిన జిల్లా ఎస్పీ అఖిల్ మహాజన్ 

చిత్రం న్యూస్, సాత్నాల: రానున్న వర్షాకాలం దృష్ట్యా ముందస్తు చర్యలో భాగంగా ఆదిలాబాద్ జిల్లా ఎస్పీ అఖిల్ మహాజన్  దూర దృష్టితో జిల్లాలో ఎలాంటి అవాంఛనీయ సంఘటనలు చోటు చేసుకోకుండా.. ఒకవేళ చోటు చేసుకున్న ఎలాంటి ఆస్తి నష్టం, ప్రాణ నష్టం జరగకుండా కాపాడడానికి జిల్లా విపత్తు నిర్వహణ బృందం (డిస్ట్రిక్ట్ డిజాస్టర్ రెస్పాన్స్ ఫోర్స్ ) 20 మంది పోలీసు సిబ్బందితో పక్కా ప్రణాళికతో పటిష్టంగా ఉందని తెలిపారు. సాత్నాల ప్రాజెక్టు వద్ద జిల్లా పోలీసు అధికారులు, విపత్తు నిర్వహణ బృందంతో జిల్లా ఎస్పీ ఆధునిక పరికరాలకు పూజా కార్యక్రమాలు నిర్వహించి ప్రారంభించారు.

బోటులో ప్రయాణించి శిక్షణ సిబ్బందికి ప్రత్యేకంగా సూచనలు ఇచ్చి అత్యవసర సమయంలో వెంటనే స్పందించేందుకు సంసిద్ధంగా ఉండాలని సూచించారు. ఈ సందర్భంగా జిల్లా ఎస్పీ మాట్లాడుతూ.. ఈ విపత్తు నిర్వహణ బృందం జిల్లాలో ఒక రిజర్వ్ సబ్ ఇన్స్పెక్టర్ స్థాయి ఆధ్వర్యంలో 20 మంది పోలీసు సిబ్బందితో శిక్షణ పూర్తి అయి, ఎలాంటి విపత్తులనైనా ఎదుర్కోవడానికి సంసిద్ధంగా ఉందని తెలిపారు. ముఖ్యంగా వర్షాకాలం దృష్ట్యా జిల్లాలో వరదలు సంభవించినప్పుడు, అగ్ని ప్రమాదాలు సంభవించినప్పుడు, రోడ్లపై చెట్లు విరిగిపడ్డ సమయంలో ట్రాఫిక్ అంతరాయం కలగకుండా తమదైన శైలిలో వ్యవహరిస్తూ ప్రజలకు “పోలీసులు మీకు ఉన్నాం అంటూ” రక్షణ కల్పిస్తామని తెలిపారు. ముఖ్యంగా ఇల్లు కూలిపోయిన సందర్భంలో ఎలాంటి తుఫానులు, సుడిగాలులు సంభవించిన రోడ్డు స్తంభించిపోయినప్పుడు చెట్లు విరిగిపడ్డప్పుడు ఈ బృందం ఆస్తి నష్టం, రోడ్డు ప్రమాదాలు జరగకుండా తగు చర్యలను చేపడుతుందని తెలిపారు. ఈ డీ డీ ఆర్ ఎఫ్ బృందం వద్ద రెస్క్యూ బోటు, మోటార్ మిషన్, మెడికల్ స్ట్రక్చర్, లైఫ్ జాకెట్స్, లైఫ్ బాయ్స్, వుడ్ కట్టర్స్ మిషన్ లాంటివి అందుబాటులో ఉంటాయని తెలిపారు. ప్రజలకు ఆపత్కాల సమయంలో ప్రాణ నష్ట, ఆస్తి నష్టం సంభవించకుండా జిల్లా పోలీసుల ద్వారా ప్రత్యేకంగా ఈ బృందం 24 గంటలు అందుబాటులో ఉంటుందని తెలిపారు. ఈ బృందం హైదరాబాద్ నందు వారం రోజులు పాటు శిక్షణ తీసుకొని అత్యవసరంగా స్పందిస్తుందని తెలిపారు.

ఈ కార్యక్రమంలో ఆదిలాబాద్ డీఎస్పీ ఎల్. జీవన్ రెడ్డి, ఇన్స్పెక్టర్లు డి.సాయి నాథ్, కె.ఫణిదర్, రిజర్వ్ ఇన్స్పెక్టర్లు డి. వెంకటి, టి.మురళి, ఎన్.చంద్రశేఖర్, రిజర్వ్ సబ్ ఇన్స్పెక్టర్ రాకేష్, డీ డీ ఆర్ఎఫ్ బృంద సిబ్బంది తదితరులు పాల్గొన్నారు.

చిత్రం న్యూస్, ఇచ్చోడ;

సీజనల్ వ్యాధులు ప్రబలకుండా అప్రమత్తంగా ఉండాలి

_పీ హెచ్ సీ వైద్యాధికారి హిమబిందు

సీజనల్ వ్యాధులు ప్రబలకుండా అప్రమత్తంగా ఉండాలని నర్సాపూర్ పీ హెచ్ సీ వైద్యాధికారి డా హిమబిందు అన్నారు. మండలంలోని సిరిచెల్మ గ్రామ పంచాయతీ పరిధిలోని నేరేడిగొండ (జి) గ్రామంలో ఉచిత వైద్యం శిబిరం నిర్వహించారు. ఈ సందర్భంగా 48 మంది బాలింతలు, గర్భవతులు, గ్రామస్తులకు వైద్య పరీక్షలు నిర్వహించి ఉచితంగా మందులు పంపిణీ చేశారు. ఈ సందర్భంగా ఆమె మాట్లాడుతూ..గర్భిణులు, బాలింతలు సీజనల్ వ్యాధుల పట్ల చాలా జాగ్రత్తగా ఉండాలని అన్నారు. బాలింతలు వ్యక్తిగత, పరిసరాల పరిశుభ్రతలను పాటించాలని సూచించారు. ఈ కార్యక్రమంలో హెల్త్ అసిస్టెంట్ రాథోడ్ కృష్ణ, ఏఎన్ఎం రేణుక, వైద్య సిబ్బంది, గ్రామస్తులు పాల్గొన్నారు.

*రూ.5వేలు ఆర్థిక సాయం అందజేసిన అడా నేశ్వర్ ఫౌండేషన్ చైర్మన్, బీఆర్ఎస్ యువ నాయకుడు సతీష్ పవార్

చిత్రం న్యూస్, బేల:  ఆదిలాబాద్ జిల్లా బేల మండలంలోని మొహబ్బత్ పూర్ గ్రామానికి చెందిన సందీప్ ఠాక్రే క్యాన్సర్ వ్యాధితో బాధపడుతుండడంతో  అడానేశ్వర్ ఫౌండేషన్ ఛైర్మన్, బీఆర్ఎస్ పార్టీ యువ నాయకుడు సతీష్ పవార్ రూ. 5 వేల ఆర్థిక సాయం అందజేశారు. ఆ గ్రామ మాజీ సర్పంచ్ విపిన్ ఖోడే ద్వారా బాధితుడి పరిస్థితి తెలుసుకున్న సతీష్ పవార్ బుధవారం గ్రామానికి వెళ్లి బాధితుడికి నగదును అందజేశారు .ఆయన ఆరోగ్య పరిస్థితిని అడిగి తెలుసుకున్నారు. అపదలో ఉన్నా వాళ్ళని ఆదుకున్నందుకు సతీష్ పవార్ కు విపిన్ ఖోడే ధన్యవాదాలు చెప్పారు. ఈ కార్యక్రమంలో బీఆర్ఎస్ పార్టీ మండల అధ్యక్షులు ప్రమోద్ రెడ్డి, బీఆర్ఎస్ పార్టీ సీనియర్ నాయకులు దేవన్న ఓల్లప్ వార్, మాస్కే తేజరావు, గ్రామ మాజీ సర్పంచ్ విపిన్ ఖోడే, విశ్వనాథ్ ఠాక్రే మరియు గ్రామస్థులు ఉన్నారు.

విద్యుత్ తీగ తగిలి యువ రైతు మృతి 

*నేరడిగొండ మండలం లింగట్లలో విషాదం

చిత్రం న్యూస్, నేరడిగొండ (ఇచ్చోడ): ఆదిలాబాద్ జిల్లా నేరడిగొండ మండలంలో బుధవారం విషాదం చోటుచేసుకుంది. స్థానికులు తెలిపిన వివరాల ప్రకారం. మండలంలోని లింగట్ల గ్రామానికి చెందిన యువరైతు సాబ్లే సుభాష్ తన వ్యవసాయ భూమిలో పత్తి పంటకు కలుపు తీస్తున్న సమయంలో అక్కడే వేలాడుతున్న విద్యుత్ తీగ తగిలింది. ప్రమాదవశాత్తు అక్కడికక్కడే  మృతిచెందాడు. గత కొన్ని నెలల నుండి విద్యుత్ తీగ వేలాడుతున్న విషయాన్ని విద్యుత్ శాఖ అధికారుల దృష్టికి తీసుకెళ్లినా పట్టించుకోలేదని సంబంధిత అధికారుల పై చర్యలు తీసుకోవాలని కుటుంబసభ్యులు డిమాండ్ చేశారు.