ఘనంగా తెలంగాణ భాషా దినోత్సవం

చిత్రం న్యూస్, భైంసా:  నిర్మల్ జిల్లా వ్యాప్తంగా మంగళవారం తెలంగాణ భాషా దినోత్సవం, కాళోజీ నారాయణ రావు జయంతి వేడుకలను ఘనంగా నిర్వహించారు. ఇందులో భాగంగా పలు సంఘాలు, విద్యాసంస్థల్లో ప్రత్యేక కార్యక్రమాలు నిర్వహించారు. ఈ క్రమంలో భైంసా కేంద్రంలోని ప్రభుత్వ గోపాల్ రావు పటేల్ డిగ్రీ కళాశాలలో కాళోజీ చిత్రపటానికి ప్రిన్సిపల్‌ కరోల్ల బుచ్చయ్య పూలమాలలు వేసి నివాళులర్పించారు. ఆయన మాట్లాడుతూ..ఒక్క సిరా చుక్క లక్ష మెదళ్లకు కదలిక అన్న కాలోజీ భావజాలంలో ఎంత లోతైన ఆలోచన కలిగి ఉందో గమనించవచ్చన్నారు. పద్మశ్రీ, పద్మ విభూషణ్ వంటి బిరుదుల్ని పొందడమే కాకుండా తమ సమాజ స్థాపనకై ఆయనఎంతో కృషి చేశారనన్నారు.  సమాజంలోని వ్యత్యాసాలను ఎండగడుతూ అనేక కవితల్ని రచించారన్నారు. తెలుగు సహాయాచార్యులు రాజు మాట్లాడుతూ.. బడి పలుకుల భాష కాదు పలుకు బడుల భాష కావాలని ఉన్నది ఉన్నట్టు చెప్పే వాళ్ళను దూరం చేసుకుంటాం. లేనిది ఉన్నట్లుగా చెప్పే వాళ్ళను తేలికగా నమ్మేస్తాం మనం నిజం తెలుసుకునేలోపు నిజాయితీగా ప్రేమించిన వాళ్ళను దూరం చేసుకుంటాం “అదే జీవితం” అంటారు.  కాళోజీ అని వారన్నారు. ఈ కార్యక్రమాన్ని కళాశాల ఎన్ఎస్ఎస్ యూనిట్ 1,2 ప్రోగ్రాం ఆఫీసర్స్ ఆరే రాజు ఓం ప్రకాష్ లా ఆధ్వర్యంలో నిర్వహించారు.ఈ కార్యక్రమంలో కళాశాల వైస్ ప్రిన్సిపల్ రఘునాథ్, ఐక్యూఏసీ కో ఆర్డినేటర్ర వికుమార్, డా.పవన్ కుమార్, డా భీమ్ రావు, డా పీజీ రెడ్డి, డా.శంకర్, గుంత సుధాకర్, డా.సంతోష్ కుమార్, డా.నహెదా, డా.కల్పన, దివ్య రామ్మోహన్, సురేందర్, మజర్ అబ్దుల్లా, కిషన్, శ్రావణ్య, అర్షియ,  ఉజ్మ సమరిన్, వాహిద్, ఇర్ఫాన్, ఇతర అధ్యాపకులు, విద్యార్థులు పాల్గొన్నారు. ఈ సందర్భంగా వివిధ పోటీలలో పాల్గొన్న విద్యార్థులకు బహుమతులను అందజేశారు.

“రూప్ చంద్” జాతి చేపకు మనిషిని పోలిన పళ్లు 

చిత్రం న్యూస్, భైంసా: చేపలకు పళ్లు ఉండటం పెద్ద వింతేమీ కాదు. షార్క్, పిరానా లాంటి వాటికి పదునైన పళ్లు ఉంటాయి. చేపల జాతిలో సగం పళ్లతో ఉంటే.. మరో సగం పళ్లు లేకుండా ఉంటాయి. ఇక్కడ అత్యంత వింతైన విషయం ఏంటంటే.. కొన్ని చేపలు అచ్చం మనుషుల్లాగే పళ్లను కలిగి ఉంటాయి. అవి అత్యంత అరుదుగా కనిపిస్తూ ఉంటాయి. మరీ ముఖ్యంగా తెలుగు రాష్ట్రాల్లో పళ్లు ఉన్న చేపలు కనిపించటం అన్నది అత్యంత అరుదు. అయితే తాజాగా నిర్మల్ జిల్లాలో మనిషిని పోలిన పళ్లు ఉండే చేప ఒకటి కనిపించింది. ఓ మత్స్యకారుడి వలకు ఆ చేప చిక్కింది. ఇందుకు సంబంధించిన పూర్తి వివరాల్లోకి వెళితే.. నిర్మల్ జిల్లా లోకేశ్వరం మండలం మన్మద్ గ్రామానికి చెందిన గుండ్ల సంతోష్ చెరువులో చేపలు పట్టడానికి వెళ్లాడు. చేపలు పడుతుండగా ఓ పెద్ద చేప వలకు చిక్కింది. అది వింతగా కనిపించటంతో బాగా పరిశీలించి చూశాడు. దాని నోట్లో మనిషికి ఉన్నట్లు పళ్లు ఉండటం చూసి షాక్ అయ్యాడు. ఈ విషయం ఆ నోట ఈ నోట ఊరంతా పాకిపోయింది. జనం వింత చేపను చూడ్డానికి ఎగబడుతున్నారు. ప్రస్తుతం ఇందుకు సంబంధించిన వీడియో కూడా సోషల్ మీడియాలో వైరల్‌గా మారింది. అదేం చేప..గుండ్ల సంతోష్‌కు చిక్కిన ఆ చేప జాతిని ‘రూప్ చంద్’ లేదా ‘చందువా’ అని పిలుస్తారు. వాటికి చైనీస్ పామ్‌ఫ్రెట్ అన్న పేరు కూడా ఉంది. ఈ చేపలు ఎక్కువగా ఇండియా, చైనాలో కనిపిస్తాయి. సాధారణంగా ఈ చేపలకు పళ్లు ఉండవు. కానీ, అత్యంత అరుదుగా మనిషి పళ్లను పోలిన పళ్లతో పుడుతూ ఉంటాయి. ఇందుకు కారణం లేకపోలేదు. రూప్‌చంద్ చేపలు పిరానా జాతికి బంధువులు. అందుకే అప్పుడప్పుడు పళ్లతో పుడుతూ ఉంటాయి. గతంలో పశ్చిమ గోదావరి జిల్లాలో మనిషిలాంటి పళ్లు ఉన్న రూప్‌చంద్ చేప కనిపించింది. కొన్ని నెలల తర్వాత మళ్లీ ఇప్పుడు నిర్మల్ జిల్లాలో పళ్లు ఉన్న చేప వెలుగుచూసింది.

శ్రీ రామాలయం నిర్మాణం అప్రూవల్ చేయాలని మాజీ ఎమ్మెల్యే నారాయణ రావు పాటిల్ కు కీర్గుల్ (కె) గ్రామస్తుల వినతి

చిత్రం న్యూస్, బాసర: నిర్మల్ జిల్లా బైంసా టౌన్ లోని కాంగ్రెస్ పార్టీ కార్యాలయంలో ముథోల్ నియోజకవర్గం కాంగ్రెస్ పార్టీ ఇంఛార్జి, మాజీ శాసనసభ్యులు శ్రీ బోస్లే నారాయణరావు పాటిల్ ను బాసర మండలంలోని కీర్గుల్ (కె) గ్రామస్తులు మర్యాదపూర్వకంగా కలిశారు .తమ గ్రామంలో గతంలో శ్రీ రామాలయం దేవాలయ నిర్మాణం కోసం రూ.28 లక్షల  టెండర్ పూరయ్యిందని, 5.60లక్షలు. డిపాజిజిట్ కూడా చెయ్యడం జరిగిందని తెలిపారు. ఇప్పటివరకు అది ప్రోసెసింగ్ లో నే ఉందని అప్రూవల్ చేయించాలని గ్రామస్తులు  ఆయన్ను కోర సానుకూలంగా స్పందించి వెంటనే అధికారులతో ఫోన్లో మాట్లాడారు. శ్రీ రామాలయం టెండర్  ప్రొసీడింగ్ ని వెంటనే అప్రూవల్ చేయాలని అధికారులతో మాట్లాడారు. ఈ కార్యక్రమంలో బ్లాక్ కాంగ్రెస్ పార్టీ అధ్యక్షులు శంకర్ చంద్రే,  ముత్యం రెడ్డి, అట్టల్ దేవిదాస్, వీడీసీ కమిటీ అధ్యక్షులు గోపాల్, వీడీసీ సభ్యులు పల్లె రమేష్, వెంకట్ రావు పాటిల్. రాజేందర్ మాజీ సర్పంచ్ దేవేందర్, జాదవ్ చంద్రకాంత్, పెద్ద కాపు గంగాధర్, మలేగాం సురేష్, పోశెట్టి, గంగాధర్, మాగం గంగన్న, శివన్న అగ్గోళ్ల, చిన్నన్న తదితరులు పాల్గొన్నారు.