విద్యార్థికి బ్యాగును అందజేస్తున్న ముడుపు మౌనిష్ రెడ్డి

చిత్రం న్యూస్, బేల: ప్రభుత్వ పాఠశాలల అభివృద్ధికి ప్రతి ఒక్కరు కృషి చేయాలని సామాజిక కార్యకర్త ముడుపు మౌనిష్ రెడ్డి పేర్కొన్నారు. ప్రభుత్వ పాఠశాలల బలోపేతం ప్రతి ఒక్కరి బాధ్యత అన్నారు. విద్యార్థులకు చేయూత కార్యక్రమంలో భాగంగా తన వంతుగా ప్రభుత్వ పాఠశాలల్లో చదువుతున్న విద్యార్థులకు నోట్ బుక్కులు, బ్యాగులు, అందిస్తున్నానని తెలిపారు. శనివారం బేల మండలం కొబ్బాయి ప్రభుత్వ ప్రాథమిక పాఠశాలలో విద్యార్థులకు బుక్స్, పెన్నులను, బ్యాగులను అందజేశారు. అంతకు ముందు గ్రామస్తులు మౌనిష్ రెడ్డిని శాలువాతో సత్కరించి కృతజ్ఞతలు తెలియజేశారు. అనంతరం మౌనిష్ రెడ్డి మాట్లాడుతూ.. విద్యార్థులు మంచిగా చదివి గ్రామానికి పేరు తీసుకురావాలని ఆకాంక్షించారు. ఈ కార్యక్రమంలో ప్రధానోపాధ్యాయులు నగేష్, ఉపాధ్యాయులు సుభాష్, లీనా, దీప, గ్రామస్తులు నానాజీ పటేల్, దేవరావు గేడం,దుర్యోదన్, జయేంద్ర, త్రియాంబక్, సీతారాం, మనోజ్, సందీప్ టాక్రె, సచిన్ తదితరులు ఉన్నారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం

అమరవీరుల స్థూపం పై జిల్లా కలెక్టర్ రాజర్షి షా ఆరా..

*కలెక్టర్ కు వివరించిన బాలూరి గోవర్ధన్ రెడ్డి

చిత్రం న్యూస్, ఆదిలాబాద్: ఆదిలాబాద్ మున్సిపల్ కార్యాలయ ఆవరణలోని అమరవీరుల స్థూపం నిర్మాణం పై జిల్లా కలెక్టర్ రాజర్షి షా ఆరా తీశారు. కార్గిల్ విజయ్ దివస్ సందర్భంగా శనివారం అమరవీరులకు కలెక్టర్ నివాళులర్పించారు. అనంతరం అమరవీరుల స్తూపం ఎప్పుడు నిర్మించారని స్థానికులను అడగగా బ్రిటిష్ పాలనకు వ్యతిరేకంగా 1857 లో మంగళ్ పాండే నాటి భారతీయ తిరుగుబాటు కు జ్ఞాపకార్ధంగా ఈ స్థూపం నిర్మించినట్లు కాంగ్రెస్ సీనియర్ నేత బాలూరి గోవర్ధన్ రెడ్డి కలెక్టర్ కు వివరించారు. ఈ స్థూపం నిర్మాణానికి ఆదిలాబాద్ సమీపంలోని భీంసరి గ్రామ వాగులో లభించే ఎర్రటి రాతి తో నిర్మించడం జరిగిందని తెలిపారు. 1999 లో కార్గిల్ యుద్ధం జరిగిన సమయంలో పాకిస్తాన్ పై విజయం సాధించినందుకు గాను తొలిసారిగా ఇక్కడే వేడుకలు జరుపుకున్నామని పేర్కొన్నారు.  ఆనాటి మున్సిపల్ చైర్మన్ దివంగత లాలా రాధేశ్యామ్ పాలకవర్గం 2000 సంవత్సరం లో స్థూపానికి మరమ్మతులు చేయించి ఈ పార్క్ కు కార్గిల్ పార్కుగా నామకరణం చేశారన్నారు. కార్గిల్ యుద్ధం సమయములో తమ స్పందన స్వచ్ఛంద సంస్థ సభ్యులు గోవర్ధన్ రెడ్డి, కరుణాకర్ రెడ్డి, బిపిన్ పటేల్, హార్పల్ సింగ్, పార్థసారథి లము రూ.50 వేలు సేకరించి ప్రధానమంత్రి సహాయ నిధికి  పంపించామని  కలెక్టర్ కు తెలిపారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం

అమర జవాన్లకు  నివాళుర్పిస్తున్న భజరంగ్ దళ్  నాయకులు

చిత్రం న్యూస్,బేల: ఆదిలాబాద్ జిల్లా బేల మండల కేంద్రంలోని శివాజీ కూడలి వద్ద కార్గిల్ విజయ్ దివస్ ను భజరంగ్ దళ్ ఆధ్వర్యంలో శనివారం  ఘనంగా నిర్వహించారు.  అమరులైన జవాన్లకు నాయకులు నివాళుర్పించారు. ఈ సందర్భంగా భజరంగ్ దళ్ మండల అధ్యక్షులు అగార్కర్ ఆకాష్ మాట్లాడుతూ..జులై 26వ తేదీతో కార్గిల్ యుద్దం ముగిసి నేటితో 26 ఏళ్లు పూర్తయిందని అన్నారు. ఈ యుద్ధంలో మృతి చెందిన జవాన్లకు ఘనంగా నివాళులర్పించామన్నారు. దేశ సరిహద్దుల్లో ఉంటూ తమ ప్రాణాలను సైతం లెక్క చేయకుండా దేశ ప్రజలకు రక్షణగా ఉంటున్నది జవానులేనని పేర్కొన్నారు.  దేశం కోసం సైన్యంలో చేరేందుకు యువత ముందుకు రావాలన్నారు. భజరంగ్ దళ్ మండల ఉపాధ్యక్షులు ముజేందర్ ప్రీతం, రాము బర్కడే, తరుణ్, సచిన్, అనోజ్, కళ్యాణ్, వంశీ, శివ, పవన్ తదితరులు పాల్గొన్నారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం

                    ఉపాధ్యాయుల ఉదారత

చిత్రం న్యూస్, బేల: ఆదిలాబాద్ జిల్లా బేల మండలం దహిగావ్ మరాఠి ప్రాథమికోన్నత పాఠశాల ఉపాధ్యాయులు తలో కొంత విరాళం సేకరించి రూ.40 వేల విలువైన ప్రొజెక్టర్ ను కొనుగోలు చేసే ఉదారత చాటుకున్నారు. ఎంఈఓ కోల నరసింహులు దీన్ని ప్రారంభించారు. ఈ సందర్భంగా ఎంఇఓ కోల నరసింహులు మాట్లాడుతూ.. మారుతున్న కాలానికి అనుగుణంగా విద్యార్థులకు డిజిటల్ విద్యను అందుబాటులోకి తీసుకురావడం అభినందనీయమన్నారు. తమ పాఠశాల విద్యార్థులపై ప్రత్యేక దృష్టి సారించి ఉపాధ్యాయులు ప్రాజెక్టర్ ను కొనుగోలు చేయడం గొప్ప విషయమన్నారు.  ఉపాధ్యాయులను  నాయకులు, గ్రామస్తులు అభినందించారు. కార్యక్రమంలో పాఠశాల ప్రధానోపాధ్యాయులు దూదగిరి, పీఆర్టీయూ జిల్లా అధ్యక్షుడు కృష్ణ కుమార్, మండల ప్రధాన కార్యదర్శి నితిన్, బేల మాజీ సర్పంచ్ తేజారావు, కాంగ్రెస్ నాయకులు రాందాస్ నాక్లే,సంజయ్ గుండావార్, బీఆర్ఎస్ నాయకులు గంభీర్ టాక్రే, విట్టల్ వరాడే,  బీజేపీ నాయకులు  మురళీధర్ ఠాక్రే, దత్తా నిక్కం, ఉపాధ్యాయులు సంధ్య, నర్సింగ్ విద్యార్థులు తదితరులు  పాల్గొన్నారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం

మాసం లక్ష్మీ వెల్ఫేర్ సొసైటీ ఆధ్వర్యం లో నూతన డాక్టర్లకు సన్మానం చేస్తున్న  మాసం అనిల్, తదితరులు

చిత్రం న్యూస్, బోథ్:ఆదిలాబాద్ జిల్లా బోథ్ మండల కేంద్రం లో గల ప్రభుత్వ ఆసుపత్రికి రెగ్యులర్ డాక్టర్ గావచ్చిన బోథ్ గ్రామ వాస్తవ్యుడు శబరిరామ్, మహిళా డాక్టర్ సురక్ష లను మాసం లక్ష్మీ వెల్ఫేర్ సొసైటీ ఆధ్వర్యం లో శాలువాతో సన్మానం చేశారు. ఛైర్మన్ మాసం అనిల్ కుమార్ మాట్లాడుతూ.. వైద్య వృత్తి చాలా గొప్పదని తమ ప్రాణాలు లెక్క చేయకుండా ఎందరో ప్రాణాలు కాపాడుతూ పునర్జన్మ ఇస్తున్నారన్నారు. బోథ్ కి చెందిన శబరి రామ్ కష్టపడి చదివి ఇప్పుడు డాక్టర్ అయ్యి ఊరుకి సేవ చేద్దామనే ఉద్దేశంతో ఇక్కడే నూతనంగా డాక్టర్ గా సేవలు చేయడం చాలా అభినందనీయమన్నారు. కార్యక్రమం లో దుర్గ కమిటీ అధ్యక్షుడు పాలిక్ రమేష్, తుం శివ, మందుల అశోక్, ఆడెపు సాయి విఘ్నేష్, పడిగేల మణిరత్నం, మాసం లక్ష్మీ వెల్ఫేర్ సొసైటీ సభ్యులు పాల్గొన్నారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం

వజ్జర్ అంగన్వాడీ కేంద్రంలోని పరిస్థితి

చిత్రం న్యూస్, సొనాల : ఆదిలాబాద్ జిల్లా సొనాల మండలంలోని ఆదివాసీ మారుమూల గ్రామం వజ్జర్ మహదుగూడ అంగన్వాడీ కేంద్రం పరిస్థితి గోస గా ఉంది. ఇందులో 15 మంది పిల్లలు,  ఇద్దరు బాలింతలు, నలుగురు గర్భిణులు ఉన్నారు. ఈ కేంద్రం ప్రభుత్వ పాత బిల్డింగ్ లో కొనసాగుతుంది.  వర్షం వస్తే అంతే సంగతి. నీరు కారడంతో  అక్కడ ఉండలేని పరిస్థితి. కూర్చుందామంటే కింద  నీళ్లు ఉంటాయి. భవనం శిధిలావస్థకు చేరడంతో పిల్లలు భయాందోళన నడుమ బిక్కు బిక్కుమంటూ ఉంటున్నారు. వజ్జర్ అంగన్వాడీ కేంద్రం బిల్డింగ్ మంజూరులో ఉంది. ప్రభుత్వం వెంటనే స్పందించి బిల్డింగ్ పనులు ప్రారంభించాలని వజ్జర్ గ్రామస్థులు  కోరుతున్నారు.

LIVE

హోం ఆరోగ్యం తెలంగాణ సినిమా క్రీడలు బిజినెస్

✖ Close హోం