భక్తి శ్రద్ధలతో వినాయక నిమజ్జనోత్సవం
చిత్రం న్యూస్, నేరడిగొండ : ఆదిలాబాద్ జిల్లా నేరడిగొండ మండలంలోని కుమారి గ్రామం హనుమాన్ ఆలయంలోని గణనాయకున్ని గురువారం అంగరంగ వైభవంగా గ్రామ కమిటీ ఆధ్వర్యంలో డప్పు చప్పుళ్లతో ఊరేగింపు నిర్వహించారు. బ్యాండు, డీజేలు ఏవి ఉపయోగించకుండా భక్తిశ్రద్ధలతో, భజన సంకీర్తనలతో, వినాయక నిమజ్జనం నిర్వహిస్తూ ఆదర్శంగా నిలిచారు. ఈ క్రమంలో గ్రామ కమిటీ అధ్యక్షులు బిక్క గంగాధర్, ఉపాధ్యక్షులు రాజు గౌడ్, క్యాషియర్ భూతి తులసీదాస్, గ్రామ కమిటీ మెంబర్లు, గ్రామ యువకులు, ప్రజలు పాల్గొన్నారు.
