సిలిండర్ పేలి ఆరుగురికి గాయాలు
చిత్రం న్యూస్, బోథ్: ఆదిలాబాద్ జిల్లా బోథ్ మండలంలోని పిప్పలదారి గ్రామంలో ప్రమాదవశాత్తు సిలిండర్ పేలి ఆరుగురికి గాయాలయ్యాయి. ఈ ఘటన ఆదివారం రాత్రి చోటుచేసుకుంది. గ్రామానికి చెందిన తోడుసం బాబురావు ఇంట్లో వంట చేస్తుండగా సిలిండర్ నుంచి పెద్ద మంటలు వ్యాపించాయి . ఇంట్లో ఉన్న సభ్యులు గాయపడ్డారు. తొలుత వారిని బోథ్ ఆసుపత్రికి తరలించారు. మెరుగైన చికిత్స కోసం అదిలాబాద్ రిమ్స్ ఆసుపత్రికి తరలించారు.
