ప్రజలకు వెన్నుపోటు పొడిచిన నేత జగన్

*మీడియా సమావేశంలో మాజీ మంత్రి, ఎంఎల్ఏ నిమ్మకాయల చిన రాజప్ప

చిత్రం న్యూస్, పెద్దాపురం:

ప్రజలకు వెన్నుపోటు పొడవటం జగన్ కుటుంబానికి వాళ్ళ తాతల కాలం నుంచి అలవాటని అలాంటి కుటుంబం నుండి వచ్చిన జగన్ వెన్నుపోటు అంటూ ప్రజల ముందుకు రావడం హాస్యాస్పదమని టీడీపీ సీనియర్ నేత మాజీ మంత్రి నిమ్మకాయల చినరాజప్ప అన్నారు. కాకినాడ జిల్లా పెద్దాపురంలోని తన క్యాంప్ కార్యాలయంలో ఏర్పాటు చేసిన మీడియా సమావేశంలో రాజప్ప మాట్లాడుతూ.. ప్రజలకు వెన్నుపోటు పొడిచిన నేత జగన్ రెడ్డని. జగన్ తన సొంత కుటుంబాన్నే వెన్నుపోటు పొడిచారని ఎద్దేవా చేశారు. లిక్కర్ తదితర కేసుల్లో వైసీపీ నేతలు వరుసగా జైలుకు వెళ్లడంతో జగన్ కు వెన్నులో వణుకు పుడుతోందని, జగన్ ఓటమి తర్వాత తన అక్రమాలను కప్పి పుచ్చుకునేందుకు వెన్నుపోటు అంటూ ప్రజల ముందుకు వస్తున్నారని విమర్శించారు. చంద్రబాబు డీఎస్సీ ప్రకటించి, దీపం పధకం అమలు చేశారని, రోడ్లకు మహర్దశ తీసుకొని వచ్చారని రాజప్ప అన్నారు. రాబోయే రోజుల్లో మరిన్ని పథకాలు అమలు చేసేందుకు కూటమి ప్రభుత్వం కట్టుబడి ఉందని రాజప్ప తెలిపారు.

ముఖ్యమంత్రి సహాయ నిధి చెక్కుల అందజేత

* క్యాంప్ కార్యాలయంలో చెక్కులను పంపిణీ చేసిన ఎంఎల్ఏ నిమ్మకాయల చినరాజప్ప

చిత్రం న్యూస్, పెద్దాపురం:

పెద్దాపురం పట్టణం లో ఇద్దరికి ముఖ్యమంత్రి సహాయ నిధి చెక్కులను అందజేశారు. పెద్దాపురం పట్టణం క్యాంప్ ఆఫీస్ లో ఎమ్మెల్యే నిమ్మకాయల చినరాజప్ప, తెలుగుదేశం పార్టీ రాష్ట్ర కార్య నిర్వహణ కార్యదర్శి రాజా సూరిబాబురాజు చేతుల మీదగా రామారావుపేట కు చెందిన రొంగల ఆనంద్ కు వెన్నెముక శస్త్ర చికిత్స నిమ్మిత్తం రూ. 67,038/-,రోడ్డు ప్రమాదం లో గాయపడిన పాత పెద్దాపురంకి చెందిన బొగ్గు వీరబాబు కి 81,965/- అందజేశారు. ఈ కార్యక్రమం లో తెలుగుయువత రాష్ట్ర కార్య

దర్శి మహ్మద్ అరీఫ్ అలీ, రంధి సత్యనారాయణ పాల్గొన్నారు.

ఉన్నతాధికారుల బదిలీలపై ఏపీ ప్రభుత్వం దృష్టి

చిత్రం న్యూస్ సామర్లకోట:

ఐఏఎస్, ఐపీఎస్ బదిలీలపై ఏపీ ప్రభుత్వం ఫోకస్ పెట్టినట్టు తెలుస్తుంది. ఏడాదిపాలన పూర్తి కానుండటంతో భారీగా బదిలీలు జరిగే అవకాశం కనిపిస్తుంది. 10 జిల్లాలకు పైగా కలెక్టర్లు, 8 జిల్లాలకు పైగా ఎస్పీలు బదిలీ అయ్యే ఛాన్స్ ఉన్నట్టు తెలుస్తుంది. ఉన్నతాధికారుల బదిలీలపై ఏపీ ప్రభుత్వం దృష్టి పెట్టింది. ఎల్లుండి ఏపీ కేబినెట్ సమావేశం ఏర్పాటు చేస్తారని తెలుస్తోంది.