చిత్రం న్యూస్, భీంపూర్:భీంపూర్ మండలం గుబిడి గ్రామంలో మహాశివరాత్రి పర్వదినం, శబరిమాత ఆలయ వార్షికోత్సవం సందర్భంగా నిర్వహించనున్న భజన పోటీల కరపత్రాలను గ్రామ పెద్దలు విడుదల చేశారు. ఈ పోటీలను ఫిబ్రవరి 12 గురువారం సాయంత్రం 06:25 నుండి నిర్వహించనున్నట్లు నిర్వాహకులు తెలిపారు.
పోటీ వివరాలు: ప్రథమ బహుమతి: రూ.15,111 (కీ॥శే॥ శ్రీ బొలిపెల్లి సంతోష్ యాదవ్ గారి స్మారకార్థం), ద్వితీయ బహుమతి: రూ.11 వేలు (కీ॥శే॥ శ్రీమతి అన్నం మల్లుబాయి రాములు గారి స్మారకార్థం), తృతీయ బహుమతి: రూ.7 వేలు ( మేకల ప్రవీణ్ యాదవ్, గుబిడి గ్రామ సర్పంచ్), నాల్గవ బహుమతి: రూ. 5 వేలు (కీ॥శే॥ తూడి చిన్నయ్య స్మారకార్థం), అయిదో బహుమతి: రూ. 3 వేలు ( గేడం పురుషోత్తం), ఉత్తమ గాయకుడు, ఉత్తమ హార్మోనియం కళాకారుడు, ఉత్తమ తబలా కళాకారుడు: రూ. వేయి చొప్పున ప్రోత్సాహక బహుమతులు అందజేయనున్నట్లు తెలిపారు.
నియమ నిబంధనలు: ప్రతి భజన మండలిలో ఏడుగురు (7) సభ్యులు ఉండాలి. భజన పాటలు చూసి పాడకూడదు, ప్రతి పాటకు అంకితం రావాలి. ప్రదర్శించే భజన బృందమునకు 30 నిమిషాల సమయం మాత్రమే ఉంటుంది. బృందంలో పాడే ప్రతి పాట యొక్క కాపీని న్యాయ నిర్ణేతలకు ప్రదర్శనకు ముందుగా ఇవ్వాలి. భజన సామాగ్రి (హార్మోనియం, తబలా, తాళాలు) ఎవరికి వారే వెంట తెచ్చుకోవాli తుది నిర్ణయం న్యాయ నిర్ణేతలదేనని, భజన కళాకారులకు భోజన సౌకర్యం కలదని నిర్వాహకులు తెలిపారు.
సంప్రదించవలసిన నెంబర్లు: తూడి రాకేష్ యాదవ్: 9989541931, అంగ గణేష్ యాదవ్: 9110323148