బేలలో వైభవంగా బతుకమ్మ నిమజ్జనం
చిత్రం న్యూస్, బేల: ఆదిలాబాద్ జిల్లా బేల మండల కేంద్రంలో గురువారం రాత్రి బతుకమ్మ నిమజ్జనోత్సవం వైభవంగా నిర్వహించారు. మహిళలు, యువతులు కలిసి రంగు రంగు పూలతో అందమైన బతుకమ్మలను పేర్చి బతుకమ్మ శోభాయాత్ర నిర్వహించారు. పెద్ద ఎత్తున తరలివచ్చిన మహిళలు దారి గుండా పాటలు పాడుతూ నృత్యాలు చేస్తూ ముందుకు కదిలారు. బతుకమ్మ..వెళ్లి రావమ్మా అంటూ కొలుస్తూ పూజలు నిర్వహించారు. అనంతరం సమీప వాగులో బతుకమ్మలను నిమజ్జనం చేశారు.
