Vehicle checking_ బాసరలో విస్తృతంగా వాహనాల తనిఖీ
*హెల్మెంట్ ధరించండి ప్రాణాలు కాపాడండి_ఎస్సై బి. శ్రీనివాస్
చిత్రం న్యూస్, బాసర: నిర్మల్ జిల్లా బాసర లో ఆదివారం పోలీసులు విస్తృతంగా వాహనాలను తనిఖీ చేశారు. ఎస్సై బి.శ్రీనివాస్ వాహనదారుల ధ్రువపత్రాలను పరిశీలించారు. ఈ సందర్భంగా ఎస్సై బి. శ్రీనివాస్ మాట్లాడుతూ.. ప్రతి వాహనానికి సంబంధించిన పత్రాలు, ఇన్సూరెన్స్, డ్రైవింగ్ లైసెన్స్ తప్పకుండా ఉంచుకోవాలన్నారు. ప్రతి వాహనదారుడు హెల్మెట్ ని తప్పక ధరించాలన్నారు. ముఖ్యంగా మైనర్లకు తల్లిదండ్రులు వాహనాలను ఇవ్వరాదని, అనుకోని ప్రమాదాలు జరిగితే తల్లిదండ్రులే బాధ్యత వహించవలసి ఉంటుందని తెలిపారు. మద్యం తాగి వాహనాలు నడపకూడదని, ఎక్కువగా ప్రమాదాలు మద్యం మత్తులో జరుగుతున్నాయన్నారు. ద్విచక్ర వాహనాలపై ఇద్దరికంటే ఎక్కువ ప్రయాణించకూడదని, ప్రతి వాహనానికి రిజిస్ట్రేషన్ నెంబర్ తప్పకుండా ఉండాలన్నారు. వాహనాలకు నెంబర్ ప్లేట్లేకుండా ప్రయాణించరాదని తెలిపారు. ఈ కార్యక్రమంలో కానిస్టేబుల్స్ గగన్, రత్నాకాంత్, సంతోషి, సమీరా తదితరులు పాల్గొన్నారు.
د
