సిమెంట్ పరిశ్రమపై చిగురిస్తున్న ఆశలు
చిత్రం న్యూస్,ఆదిలాబాద్: ఆదిలాబాద్ జిల్లా కేంద్రంలోని సిమెంట్ పరిశ్రమ పునరుద్ధరణ కోసం ఆశలు చిగురిస్తున్నాయి. ఆదిలాబాద్ సిమెంట్ ప్లాంట్ పునరుద్ధరణ ఈ ప్రాంతంలో పారిశ్రామిక వృద్ధికి కీలకమైనది. 2 వేల ఎకరాలకు పైగా నాణ్యమైన సున్నపురాయి నిల్వలతో, ఈ ప్లాంట్ స్థిరత్వానికి బలమైన సామర్థ్యాన్ని కలిగి ఉంది. దీనిని ఆధునీకరించడం వల్ల దాదాపు 3 వేల ప్రత్యక్ష ఉద్యోగాలు లభిస్తాయి. అనుబంధ పరిశ్రమలకు ప్రోత్సాహం లభిస్తుంది. ఆదిలాబాద్ వంటి వెనుకబడిన జిల్లాకు, అటువంటి అభివృద్ధి సమతుల్య వృద్ధికి మరియు సమ్మిళిత పురోగతికి ఉత్ప్రేరకంగా ఉపయోగపడే అవకాశం ఉంది. ఆదిలాబాద్ శాసనసభ్యుడు పాయల్ శంకర్ చొరవతో పరిశ్రమల శాఖ మంత్రి శ్రీధర్ బాబు అధ్యక్షతన సోమవారం రాష్ట్ర సచివాలయంలో సమావేశం నిర్వహించారు. సీసీఐ పునరుద్ధరణపై చర్చ సందర్భంగా ఆదిలాబాద్ లో సీసీఐ పరిశ్రమ ఏర్పాటు ఆవశ్యకత ఉపాధి తదితర విషయాలను మంత్రితోపాటు పరిశ్రమల శాఖకు సంబంధించిన కేంద్ర రాష్ట్ర ఉన్నతాధికారుల దృష్టికి తీసుకువచ్చారు. ఈ సమావేశంలో తెలంగాణ ప్రభుత్వ ప్రధాన కార్యదర్శి రామకృష్ణారావు, ప్రిన్సిపల్ సెక్రటరీ శ్రీధర్, కేంద్ర ప్రతినిధి సంజయ్ బంగా, సీఎం ఓఎస్డీ అజిత్ రెడ్డి తదితరులు ఉన్నారు.
