ముథోల్ కు 45.15 కోట్లతో అడ్వాన్స్ టెక్నాలజీ సెంటర్ మంజూరు
చిత్రం న్యూస్, ముథోల్: నిర్మల్ జిల్లా ముథోల్ నియోజకవర్గంలో రూ.45.15 కోట్ల నిధులతో అడ్వాన్స్ టెక్నాలజీ సెంటర్ ను ఏర్పాటు చేయనున్నామని ఎమ్మెల్యే పీ.రామారావు పటేల్ తెలిపారు. గతంలో ఇక్కడ ఐటీఐ కళాశాల ( టెక్నాలజీ సెంటర్) మంజూరు చేయాలని ముఖ్యమంత్రి రేవంత్ రెడ్డి, ఐటీ శాఖ మంత్రిని కోరడంతో పాటు అసెంబ్లీలో ప్రస్తావించడంతో ముథోల్ లో ఏటీసీ సెంటర్ ఏర్పాటుకు గ్రీన్ సిగ్నల్ ఇవ్వడం సంతోషకరమన్నారు. ఈ కేంద్రం ద్వారా విద్యార్థులకు ఎంతో ప్రయోజనం కరంగా ఉంటుందన్నారు. కార్మికులకు ఉపాధి కల్పన ఆధ్వర్యంలో టాటా టెక్నాలజీస్ భాగస్వామ్యంతో కేంద్రం సాగుతుందన్నారు. విద్యార్థులకు, ని రుద్యోగ యువతీ, యువకులకు శిక్షణ ఇచ్చి ఉద్యోగాల అవకాశం కల్పిస్తామన్నారు. ఏటీసీ ఏర్పాటు కల శుభసూచకమన్నారు. ఈ నిధులతో భవనం, యంత్రాలు, కంప్యూటర్లు, ఇతరత్రా సౌకర్యాలు కల్పిస్తారన్నారు. ఈ సందర్భంగా ప్రభుత్వానికి, టాటా కంపెనీకి ఎమ్మెల్యే ధన్యవాదాలు తెలిపారు.
