ఆర్మీ జవాన్ మహేందర్ కు ఘన స్వాగతం పలుకుతున్న గ్రామస్థులు
చిత్రం న్యూస్, బేల: ఆదిలాబాద్ జిల్లా బేల మండలంలోని భాది గ్రామానికి చెందిన ఆకుల మహేందర్ దేశ సరిహద్దులను కాపాడే వీర సైనికుడిగా విశేష సేవలందించి పదవీ విరమణ చేశారు. గురువారం తన సొంత గ్రామానికి విచ్చేసిన ఆయనకు గ్రామస్థులు ఘన స్వాగతం పలికారు. పూలదండ వేసి శాలువాలతో సత్కరించారు. జవాన్ మహేందర్ మాట్లాడుతూ..ఇన్ని రోజులు దేశానికి సేవ చేయడం తనకు చాల సంతోషం ఇచ్చిందని, ప్రతి ఒక్కరు దేశ పౌరులుగా దేశభక్తి కలిగి ఉండాలని పేర్కొన్నారు. యువత ఆర్మీలో చేరాలని పిలుపునిచ్చారు.
