వజ్జర్ అంగన్వాడీ కేంద్రంలోని పరిస్థితి
చిత్రం న్యూస్, సొనాల : ఆదిలాబాద్ జిల్లా సొనాల మండలంలోని ఆదివాసీ మారుమూల గ్రామం వజ్జర్ మహదుగూడ అంగన్వాడీ కేంద్రం పరిస్థితి గోస గా ఉంది. ఇందులో 15 మంది పిల్లలు, ఇద్దరు బాలింతలు, నలుగురు గర్భిణులు ఉన్నారు. ఈ కేంద్రం ప్రభుత్వ పాత బిల్డింగ్ లో కొనసాగుతుంది. వర్షం వస్తే అంతే సంగతి. నీరు కారడంతో అక్కడ ఉండలేని పరిస్థితి. కూర్చుందామంటే కింద నీళ్లు ఉంటాయి. భవనం శిధిలావస్థకు చేరడంతో పిల్లలు భయాందోళన నడుమ బిక్కు బిక్కుమంటూ ఉంటున్నారు. వజ్జర్ అంగన్వాడీ కేంద్రం బిల్డింగ్ మంజూరులో ఉంది. ప్రభుత్వం వెంటనే స్పందించి బిల్డింగ్ పనులు ప్రారంభించాలని వజ్జర్ గ్రామస్థులు కోరుతున్నారు.
