ఏప్రిల్ 19న ఆదర్శ పాఠశాల ప్రవేశ పరీక్ష అందుబాటులో హాల్ టికెట్లు
చిత్రం న్యూస్, జైనథ్: తెలంగాణ ఆదర్శ పాఠశాల ప్రవేశ పరీక్ష హాల్ టికెట్లు ఆన్లైన్లో అందుబాటులో ఉన్నాయని, అభ్యర్థులు వాటిని డౌన్లోడ్ చేసి ప్రింట్ తీసుకోవాలని జైనథ్ మోడల్ స్కూల్ ప్రిన్సిపల్ లుందే రాము తెలిపారు. 6వ తరగతిలో సీట్ల కోసం 131 మంది దరఖాస్తు చేసుకున్నారనీ, వీరికి ఈ నెల 19న ఉదయం 10 గంటలకు ప్రవేశ పరీక్ష ఉంటుందని పేర్కొన్నారు. 7వ తరగతి నుంచి 10వ తరగతి అభ్యర్థులకు అదే రోజు మధ్యాహ్నం 2 గంటలకు పరీక్ష జరుగుతుందని వివరించారు. హాల్ టికెట్లను విద్యార్థి పేరు, పుట్టిన రోజు లేదా మొబైల్ నెంబర్ నమోదు చేసి, https://telanganams.cgg.gov.in/TGMSWEB20/#/ వెబ్సైట్ ద్వారా డౌన్లోడ్ చేసుకోవచ్చని తెలిపారు.
