చిత్రం న్యూస్, బాసర :నిర్మల్ జిల్లా బాసర మండలం కౌట గ్రామంలో ప్రభుత్వ పాఠశాలలో ఆర్.ఎం.పీ సంతోష్ ఆధ్వర్యంలో మనోరమ సూపర్ స్పెషాలిటీ హాస్పిటల్ ఆధ్వర్యంలో ఉచిత మెగా ఆరోగ్య వైద్య శిబిరం (Mega Health Camp) నిర్వహించారు. చుట్టుపక్కన ఉన్న గ్రామాల ప్రజలు వివిధ అనారోగ్య సమస్యలు ఉన్న వారు పరీక్షలు చేయించుకున్నారు. స్త్రీ వైద్య నిపుణురాలు డా. రమాదేవి, పిల్లల వైద్య నిపుణులు డా.చంద్రశేఖర రావు, నరాల శస్త్ర చికిత్స నిపుణులు డా. నరసింహ కట్ట, ఎముకలు, కీళ్ల వైద్య నిపుణులు డా. ఆదిత్య కన్నా, గుండె వైద్య నిపుణులు డా. శ్రీకాంత్, నరాల వైద్య నిపుణులు డా. సుదర్శన్ రెడ్డి, కిడ్నీ వైద్య నిపుణులు డా. శ్రీనివాస్, నెఫ్రాలజీస్ట్ డా.హరికృష్ణ రెడ్డి, జనరల్ మెడిసిన్ హనీష్, శశిధర్ పరీక్షలు నిర్వహించారు. వైద్య పరీక్షలు చూయించుకున్నవారికి యాజమాన్యం ఉచితంగా మందుల పంపిణీ చేశారు. ఈ కార్యక్రమంలో ముఖ్య అతిథులుగా డీస్పీ మనోరం, గ్రామాల సర్పంచులు కౌట బాబురావు, ఓని సర్పంచ్ జగదీష్ పటేల్, కీర్గుల్ కె సర్పంచ్ మలేగం సురేష్, సవర్గం సర్పంచ్ ముత్తు బాయ్, వివిధ గ్రామాల సర్పంచులు, పాల్గొన్నారు. నూతన సర్పంచులను మనోరమ హాస్పిటల్ తరపున ఘనంగా సన్మానించారు.అనంతరం ఉచిత వైద్య శిబిరం నిర్వహించిన డా.సంతోష్ ను సన్మానించారు
.
