చిత్రం న్యూస్, నిర్మల్ : నిర్మల్ పట్టణంలో వెన్నెల డ్యాన్స్ అకాడమీ ఆధ్వర్యంలో ఉగాది వేడుకలు వైభవంగా జరిగాయి. ఈ సందర్భంగా కవులు, కళాకారులను సన్మానించడంతో పాటు, ఆకట్టుకునే సాంస్కృతిక కార్యక్రమాలు నిర్వహించారు. వెన్నెల డ్యాన్స్ అకాడమీ నిర్వహించిన ఈ ఉగాది వేడుకలలో, మున్సిపల్ వైస్ చైర్మన్ అప్పాల గణేష్ చక్రవర్తి ముఖ్య అతిథిగా హాజరై, అకాడమీ చేస్తున్న కృషిని అభినందించారు. ప్రతి సంవత్సరం ఇలాంటి కార్యక్రమాలు నిర్వహించడం అభినందనీయమని ఆయన అన్నారు.అకాడమీ నిర్మల్ లో ఒక ప్రముఖ నృత్య సంస్థగా ఎదుగుతోందని, అనేక మంది యువతకు నృత్య శిక్షణ అందిస్తూ, వారిని కళాకారులుగా తీర్చిదిద్దుతోందని వైస్ చైర్మన్ తెలిపారు. తెలుగు నూతన సంవత్సరంలో అకాడమీ మరింత విజయవంతం కావాలని ఆయన ఆకాంక్షించారు.ఈ కార్యక్రమంలో స్థానిక ప్రజా ప్రతినిధులు, రాజకీయ నాయకులు, కళాభిమానులు పెద్ద సంఖ్యలో పాల్గొన్నారు. సాంస్కృతిక కార్యక్రమాలు ప్రేక్షకులను ఎంతగానో అలరించాయి ఈ ఉత్సవాలు తెలుగు సంస్కృతి,సంప్రదాయాలను చాటి చెప్పడంతో పాటు, స్థానిక కళాకారులకు ప్రోత్సాహాన్ని అందించాయి.
