చిత్రం న్యూస్ నిర్మల్ : నిర్మల్ కు చెందిన ప్రముఖ పద్యకవి, వ్యాఖ్యాత, సంస్కృతభాషా ప్రచార సమితి ఆదిలాబాద్, నిజామాబాద్ ఉమ్మడి జిల్లాల వ్యవస్థాపక అధ్యక్షులు డా.బి.వెంకట్ వెన్నెల డ్యాన్స్ అకాడమీ ఆధ్వర్యంలో పరాభవ నామ సంవత్సరం సందర్భంగా నిర్మల్ లో నిర్వహించిన ఉగాది జానపద జాతర కార్యక్రమంలో వెన్నెల డ్యాన్స్ అకాడమీ డైరెక్టర్ ఎక్కొండ ధన్ రాజ్ యూ ట్యూబ్ సింగర్స్ చాగటి రవి, సుమన్, హరీశ్, యాక్టర్స్ -స్పేహాశర్మ, కీర్తి, నాగలక్ష్మి, డింపుల్ మౌనిక, యమున, తారక్ చేతులమీదుగా ఉగాది జాతీయ స్థాయి కళారత్న పురస్కారాన్ని స్వీకరించారు. నిర్మల్ పురపాలక సంఘం చైర్మన్ అప్పాల కావ్య, వైస్ చైర్మన్ అప్పాల గణేశ్ చక్రవర్తి, మాజీ మంత్రి అల్లోల ఇంద్రకరణ్ రెడ్డి, పారిశ్రామిక వేత్త అల్లోల మురళీధర్ రెడ్డి వెంకట్ ను అభినందించారు. ఆధ్యాత్మిక, సాంస్కృతిక, సాహిత్య కళా సామాజిక సేవలకు గుర్తింపుగా ఈ అవార్డును పొందినట్లు వెంకట్ చెప్పారు.
